|
||||||||||||||||||
قصيدة لسعد بن جدلان ومجاراة عبدالله بن عون وغازي ومطلق
قصيدة الشاعر سعد بن جدلان الاكلبي ومجاراة الشعراء : عبدالله بن عون وغازي بن عون ومطلق بن شنار الزعبي .. يقول بن جدلان .. الا يـالـهـبـوب الــبــاردة عـجــلــي هــبـــي = على جاش من قامت هواجيسه أتلوبه = أنـــــا مـــــرةٍ اصــحـــى ومــــــرن يـغـيــبــي = وأســـرح مـــع كـثــر الــطــواري بغـيـبـوبـه = ألا يــادهـــر مــاهـــوب حـــــقٍ تــلاعــبــي = وخـلـيـتـنــي لــمــقــرد الــخــلـــق لـعــبــوبــه = أعـــبـــادٍ مـغـفـلـهــا الـــزمـــان وتـعــجــبــي = يحسبون قل المال في الرجـل عذروبـه = وأنـــا قـانــعٍ بـالـلـي عـلــي كـاتـبــه ربــــي = ومــومـــن بـمــقــدوره وقــانـــع بـمـكـتـوبـه = ولا أبـغـى عـمـى الأريــا بـرايــه يـجـربـي = وهو ماعـرف ماجـوب ربـي ومـا جوبـه = هذور المجالـس راعـي المـدح والسبـي = وهو في الخلا لو جاه بنت خذت ثوبه = يقولـون لـي جـز مـن تصرفـك وتحـبـي = وهي توبتي مـن مجتمعهـم هـي التوبـه = ديـــار الـوبــا مــــن طـبـهــا راح مـتـوبــي = وقـرابـة الجـربـا عـلـى الـحـول مـجـروبـه = انــا عـــارفٍ مـنـصـاي لـمــن بـــدا نـبــي = واعــرف طـريـقـي الـلــي بـتـجـه صـوبــه = وانـا أعــرف مــن أعــادي ومــن أحـبـي = وبـه نــاس لاتبـغـض ولاهــي بمحبـوبـه = فرد غازي بن عون قائلا : انــــا لـلـكــلام الــزيــن يــابــداح يــــا حــبـــي = راع القـصـيـدة داعـــب الـقـلــب بـاسـلـوبـه = تــشــوقــت فــيــهــا يــــــوم لـقـيـتــهــا لـــبــــي = تــشــوق مــحــب شــايـــف زول مـحـبـوبــه = على شان في موضوعها ماحرش ضبي = وخـلانـي أمـشـي مـــع ممـاشـيـه وادروبـــه = هــجـــوس تـكــبــر مـــــع مـعـانـيــه وتــلــبــي = وهـو يشتكـي مـن قسـوة الوقـت وخطوبـه = ويلـوم الهـذور اللـي علـى الهـذر متـربـي = مشاهـد عيـوب النـاس ماشـاهـد اعيـوبـه = بــخــيــل ذلـــيــــل عــلــتـــه مــالــهـــا طـــبــــي = شـــذب الـقـفـى غــايــة مــرامــه ومـطـلـوبـه = ولا لـوم مـن جاشـه مـن الغـيـض متعـبـي = عــلــى مــــن تـنـاجــوا بالـمـقـفـى ونـمــوبــه = عسـى سـاق مـن لامـه بـمـا قــال ينجـبـي = نـتـيـجـة قـذيـفــة بــنــدق وجــهــت صــوبــه = لــيـــا ضــبـــه الـجــبــار مــاعـــاد يـنـضــبــي = وصـوابـه مــن الركـبـه لـيــا حـــد عـرقـوبـه = أصــــارع هــمــوم عــــن يـمـومــي تـجـنـبــي = وتكشفـلـي آفــات عــن الـخـلـق محـجـوبـه = وأحـول بسـوق عـن هـل الـكـون متخـبـي = تـجـيـنـي بــــه أنــــواع الـغـرابـيـل مـجـلـوبــه = وانا أرجي الفرج من وامر الوبل ينصبي = مــدبــر ابــــن آدم خـالـقــه غــافــر ذنــوبــه وجاراهم عبدالله بن عون قائلا : انــا يـــوم غـــازي جـــاب تـقـريـره الـطـبـي = عـن الأكلـبـي درتــه وفوجـيـت باعجـوبـه = وتواشى بجاشي واهـج الشـوق واشتبـي = علـى مشـرع حلـو علـى الكـبـد مشـروبـه = ورمــع للجنـوبـي رامــع الـشـوق واجنـبـي = وعلى شوق ابن جدلان خاويت مندوبه = ولـــــو مـاجـذبــنــي لا عــزيــمــه ولانـــبـــي = جـذبـنــي حـديـثــه مــــع ثـنـيــنٍ تـنـاجـوبــه = ولا لوم ابـن جـدلان ولـو عـاش متخبـي = وهـجـر سـاحـةٍ فـيـهـا الـمـوازيـن مقـلـوبـه = احـد صايـر قـاضـي واحــد صــار متنـبـي = واحد صاير عوني على حسـب مطلوبـه = واهو لو يـرد بحـر المواهـب علـى غبـي = يـصــدر حصـيـلـه مـايـجـي ربـــع انـبـوبــه والشاعر مطلق بن شنار الزعبي ايضا قام بالمجاراة .. الا يــالــذلـــول الــــداربــــه عــجـــلـــي خــــبــــي = خبيـب الظليـم اللـي مــن الـصـوت مرعـوبـه = بــا خــاوي علـيـك الأكلـبـي ان كــان رحـبــي = عـلــى مـنـهــج بــعــض الـشـواعـيـر غـنـوبــه = والا يـامـلـكـة الـشـعــر جــــاك الـطـلــب لــبـــي = لـبــي رغـبـتــي بــرضــاك مـنـتــي بمـغـصـوبـه = ابـيــهــا تــجـــي مـصـبـوبــة بـالـمـثــل صــبـــي = مـثــل مـايـصـبـون الــذهــب لـسـتــوى ذوبــــه = انــــا أطــــرب لــجـــزلات الـقــوافــي وتـطــربــي = ولــــي ســاحــة بــيـــن الـشـواعـيــر مـهـيـوبــه = جـذبـنــي ثـمـيــن الــقــول وأشــمـــل وغــربـــي = أبــيـــات لــبـــن يـكــلــب يـقــولــون مـنـسـوبــه = شـعـانــي واشــــوف الــشــوق قــــام يتـلـهـبـي = تـلـهـاب نـــارٍ فــــي دجــــى الـلـيــل مـشـبـوبـه = هيضـنـي وانــا أخـفـي عــن الـنـاس واغـبــي = مـراهـيــش مــــزن داعــــب الــبــرق دالــوبـــه = خـطـيــر عــلــي لــــو افــتــح الــبـــاب تـلـعـبــي = كــمـــا يــلــعــب الــبــركــان بـــكـــلاه وجــنــوبــه = سـمــعــت الــكـــلام ولـــبـــن جــــــدلان قـــربـــي = وسمعـوا بــه افـحـول الشـعـر قبـلـي وهلـوبـه = وقــــــام الــبــيــت الأول بـالــخــيــال يـتـقـلــبــي = ومـابـيـن الـثـريــا والــثــري صــــرت مـنـدوبــه = هــذا الشـعـر مـاهـو شـعـر بعـطـيـك واكـتـبـي = وانشر صورتي في صفحة الشعر لو نوبه = ولاهو شعر ابـو مـن هـب يهديـه مـن دبـي = ويـسـمــى حــداثــه واكــثــر الــنـــاس هـبــوبــه = منـهـم يستـغـيـث الـشـعـر ويـصـيـح ويـهـبـي = يـــصــــرخ ويــتــعـــوذ مـاسـكــيــنــه بـلـغــبــوبــه = لـــو ان الـهـبـايـب يـاسـعــد تـقـضــي الـنـبــي = شفـت النـاس كـل مـن هـواهـا قـضـى نـوبـه = مـــــرات الــهـــواء يـســكــن ومـــــرات يـنـكـبــي = وهـــــذي ســنـــة الايـــــام غــالـــب ومـغـلــوبــه = ولاتـســمــع الــواشـــي تـــــرى مـــالـــه مــلــبــي = خلـه مـع فـريـق ابلـيـس يلـعـب مـعـه طـوبـه = ولاتــقــولـــه يـــافــــلان وشــفــيـــك تــشـــذبـــي = تـــــرى عـــــادة الـنــمــام تـحـصـيـلــه الــكــوبــه = وتـرى النـاس مجبولـه علـى الـكـره والحـبـي = وتــرى الـلـي تحـسـه غـيـرك رجــال حسـوبـه = وتــــرى الأدمــــي مـخـلــوق لـعــبــادة الــربـــي = وتــرى كــل مـافـي الـكــون لـعـبـات واكـذوبــه
=
|
02 Feb 2012, 08:00 PM | [ 2 ] | |||||||
عضو متميز
|
رد: قصيده سعدبن جدلان ومجاراه عبدالله بن عون وغازي ومطلق
عطـــــــــــــوني وجهـــــــــــه |
|||||||
02 Feb 2012, 08:47 PM | [ 3 ] | ||||||||
مؤسس شبكة الشدادين
|
رد: قصيده سعدبن جدلان ومجاراه عبدالله بن عون وغازي ومطلق
والله إنا نعطيك وجه يا أبو عبدالله لكن والله من كثر مشاركاتك الشعرية المنقولة أصابنا بعض الملل وأنا قلت لك يا أبو عبدالله خلها قصيدة وحدة كل ثلاثة أو أربعة أيام أنا بنفسي شاركت بآخر قصيدة منقولة هنا قبل 6 شهور أو أكثر التنويع مطلوب يا بعدي لا خلا ولا عدم يا ولد العم |
||||||||
|
|||||||||
02 Feb 2012, 09:05 PM | [ 4 ] | ||||||||
مشرفة المنتديات الأدبية والتعليمية
|
رد: قصيدة لسعد بن جدلان ومجاراة عبدالله بن عون وغازي ومطلق
شكرا لك على طيب مشاركاتك لاهنت ولا عدمت تحيااااتي |
||||||||
|
|||||||||
02 Feb 2012, 09:17 PM | [ 5 ] | |||||||
عضو متميز
|
رد: قصيدة لسعد بن جدلان ومجاراة عبدالله بن عون وغازي ومطلق
هلا اخوي السلطان يعطيك العافيه اصلا هالاسبوع ماشاركت الابقصيدتين وصح التنويع مطلوب وهذا احنا شاركنا في كذاقسم ولايصيبك ملل يابن العم وخلاص ماراح نزل قصايد لي اومنقوله ولك الشكر |
|||||||
02 Feb 2012, 09:19 PM | [ 6 ] | |||||||
عضو متميز
|
رد: قصيدة لسعد بن جدلان ومجاراة عبدالله بن عون وغازي ومطلق
كيان شـــــاكر لــــــك مرورك |
|||||||
02 Feb 2012, 09:34 PM | [ 7 ] | ||||||||
مؤسس شبكة الشدادين
|
رد: قصيدة لسعد بن جدلان ومجاراة عبدالله بن عون وغازي ومطلق
الدعوى نصيحة يا أبو عبدالله ولا تأخذ في خاطرك من اخوك سلطان المنتدى منتداك ومنتدى الجميع أعتذر عن أي شيء أزعجك مني |
||||||||
25 Mar 2012, 01:20 PM | [ 8 ] | |||||||
عضوة متميزة
|
رد: قصيدة لسعد بن جدلان ومجاراة عبدالله بن عون وغازي ومطلق
رائعة بروعة كاتبهاوناقلها الله يعطيك العافية |
|||||||
|
||||||||