تحدي لبعض شعراء وشاعرات المنتدى

		المشاركة الأصلية بواسطة : الغريق اقتباس
	صح لسانك يابو عبيد وصحت ألسنت الشعراء اللذين ردوا عليك وبنتظار البقيه

حياك الله يابو سعود

صح بدنك ولاهنت على مرورك المميز

دمت بخير

		المشاركة الأصلية بواسطة : السارية اقتباس
	صح لسانك يآعيد وعآد الشغلة فيها تحدي وفيها حماس وشعارنآ قد التحدي إن شاء الله والهمام الهمام ياشعارنا .. ^ــــــ^ وصح لسان اللي رد بعد من الشعار .. شكرا ..

صح ابدانك يالساريه

وحيااااااااااك الله

تحيتي

مرحبا

مسائكم شعر وقصيد

فكرة جداً راقيه يالغربي ولاهنت عليها

وكثّر من الطفش لاهنت

صح لسان كل من حضر وأبدع

خلوا ترف ياجماعه تقرب شويه=به قصةٍ ودي اعرفها واناقشها
تقدم هنيا مدام السالفه حيه=وانا بصف الحروف بفن وانقشها
وابسالك كيف اشد الجام ريميه=المهره اللي تمادت في مطارشها
ياترفة مطير اخاف امن الحراميه=تسرق فرس خافقي وانا معيشها

صح لسانك ياعيد واستلم :

الخيول أنواع والمهره عصيّه = حتى اللجام يخون حزة بطشها
والأصيله لاتمادت ابحسن نيّه = ماتسامح من لحقها بسو وناوشها
القصه اللي تبي تطلبك ماريّه = ماني على خبركم أفهم وأنبّشها
والريم إن كانت لعوبٍ للحراميّه=خلها على فالها واحرق عرايشها

الله الله
على الاحتدام وقوة الصدام

إيوه كذا يا أبو عبيد
خلَ المواضيع تشتعل وخلّ الردود
بين الشعراء تزيد حماستها وتفاعلها

صحت ألسنتكم كلكم
بلا استثناء

يعطيكم العافية عن جد أستمتعت وياكم
صحت ألسنتكم جميعاً

بيض الله وجهك ياعبد العزيز

وصح لسااااانك

		المشاركة الأصلية بواسطة : الغربي اقتباس
	السلام عليكم ورحمة الله وبركاته ولاني ما امون على اكثر الاسماء هنا اختصرت بعض الاسماء اللي احس اني امون عليهم ولا راح يزعلون مني وقسيت عليهم بالابيات شوي والمصطلاحات ولكن صدقوني ان المعاني حلوه كلها رغم قسوة الابيات واعتبرها تحدي واتمنى من كل من ذكر اسمه انه ينسخ الابيات الموجهه له ويرد عليها واعي واعي رجل عاقل ولا كان مربوش=لكن تالي الوقت خسرت جيوشه اضن واعي داخل السوق مغشوش=ضيع طريقه ثم ضاعت قروشه يمشي وسط دربٍ بالاشواك مفروش=والناس صارت تاكيه وسط كوشه غفى بفية حوش حتى رضا الحوش=وانا احسبٍ محدٍ يفكر ينوشه لكن واعي صار يفزع مع الطوش=وفي كل ٍ يومٍ ينضرب وسط هوشه ولاخلصت الهوشه بدى واعي إيكوش=وان عودوا له نتفوا له رموشه من بعد ماشفته لبس ثوب منقوش=وربى مع الايام ياناس شوشه لين سده صار فالوقت مفتوش=وافكاره امست هالكه ومخروشه وانا من اللي شفت بالحيل مدهوش=ماكنت اضن الناس هذي حروشه لكن ياواعي غدى الكنز ملطوش=من بعد ماجيبك تلاشت قروشه [/poem] تحياتي الغربي

الله يحيييك يابو عبيد
ولا أدري القصد الحقيقي من وراء هذه المساجلات
ولأنك تمون وقسيت علينا في الأبيات
أستلم طال عمرك

ياعيد مني لك زمانين مدووش=مدري عن اللي لي ضميرك يحوشة
لكن أنا بفهمك يوم أنت مرعوش=مادام دلوك كل جال تنوشه
أنظر بعين الصقر منته بطرفوش=يوم إن عينك كاسيتها غبوشة
أعرف طريقي بين قرم ومريوش=ونية قليل العرف دايم غشوشة
جنابنا ياعيد كّرِم عن النوش=ومنزالنا بالعز نبني عروشة
والحوش للي حط حرشا وحبشوش=وأضحى عليه ذبابها وسط حوشه
ماني وأنا سلطان طارف ومهيوش=والله ياللي مثلكم مايهوشة
وياعيد خل الهوش ماتقدر الهوش=جنب سباعٍ في الملاقا هروشة
هذاه موجز يوم للعلم ناتوش=والا الشروح اطول لا صار بوشة
قصرتها حشمة لمسلط وفدغوش=والا يمينك في المواقف رعوشة

وسلامة الجميع ,,,

والريم إن كانت لعوبٍ للحراميّـه

خلها على فالها واحرق عرايشها

صح لسانك يابنت حمران النواظر

بيت رائع ويعتبر حكمة لازوردية

ياعيد مني لـك زمانيـن مـدووش
مدري عن اللي لي ضميرك يحوشة
لكن أنا بفهمك يوم أنت مرعـوش
مادام دلـوك كـل جـال تنوشـه
أنظر بعين الصقر منته بطرفـوش
يوم إن عينـك كاسيتهـا غبوشـة
أعرف طريقي بين قرم ومريـوش
ونية قليل العـرف دايـم غشوشـة
جنابنا ياعيـد كّـرِم عـن النـوش
ومنزالنـا بالعـز نبنـي عروشـة
والحوش للي حط حرشا وحبشوش
وأضحى عليه ذبابها وسط حوشـه
ماني وأنا سلطان طارف ومهيـوش
والله ياللـي مثلـكـم مايهـوشـة
وياعيد خل الهوش ماتقدر الهـوش
جنب سباعٍ في الملاقـا هروشـة
هذاه موجـز يـوم للعلـم ناتـوش
والا الشروح اطول لا صار بوشة
قصرتها حشمة لمسلـط وفدغـوش
والا يمينك في المواقـف رعوشـة

صح لسانك واعي وبيض الله وجهك


رد قوي ودمت بخير

حيااااااااك الله ياوعي وصح لسانك

وانا لو ادري انك يمكن تشيل في خاطرك ما مازحتك

لكن عارف اني امون

لكن حصل خير والعذر والسموحه