يا مسافر

جاءت الصدوقه اسم الله عليها ..!
جنيّتي

يامسافر أسالك كيف كان المقام = والمقامات هل طابت إقاماتها..!
كيف حال الطبيعه كيف حال الأنام = والمقابيل قل لي وابتساماتها
كيف وصف الريوف وكيف وصف الغمام= والمناخات قل لي وش ثقافاتها
كيف جوّ الغدو ياصاح كيف المنام = والربى كم مداها عن سماواتها
هل خريف الجزيره له لوافي بشام= وهل سليقاتنا تشبه سليقاتها
وهل لقيت البدايه ماتروم الختام = أم وجدت النهايه في بداياتها
نحمد الله على عودتك ولك السلام = بلغ الروح واصبغها سلاماتها !

صح لسانك وفي كل جزل
ابيات معبرة عن ما يجول في الوجدان
لاهنت وبيض الله وجهك ياشاعرنا الفاضل البواردي
تسلم يمينك وسلم فكرك يا شاعرنا

هلا بك يا أبو حمد
والله يمسيك بكل خير

لا هنت يا بعدي ولا هان غاليك
وصح لسانك اليوم ودوم
على تواصلك معنا بكل جديد وجميل

هيضتنا يا أبو حمد
شاعر ما فيك حيلة
وبحر ما لك نهاية
والله يبيض وجهك ويرفع قدرك

مبدع وممتع ومتميز
يا البواردي
كفو والله يسلمك

		المشاركة الأصلية بواسطة : ضياء القمر اقتباس
	صح لسانك وفي كل جزل ابيات معبرة عن ما يجول في الوجدان لاهنت وبيض الله وجهك ياشاعرنا الفاضل البواردي تسلم يمينك وسلم فكرك يا شاعرنا

صح الله بدنكِ أختي الكريمة وقواكِ الله .
لاهنتِ ولا هان غاليك..

البواردي

		المشاركة الأصلية بواسطة : السلطان اقتباس
	هلا بك يا أبو حمد والله يمسيك بكل خير لا هنت يا بعدي ولا هان غاليك وصح لسانك اليوم ودوم على تواصلك معنا بكل جديد وجميل

تسلم أخوي السلطان
والله يمسيك بالرضى والسرور .
من قال لاهان وعساك على القوة اليوم ودوم
والحال من بعضه والعزوه واحده .
إحترامي وتقديري .

		المشاركة الأصلية بواسطة : عذب المعاني اقتباس
	هيضتنا يا أبو حمد شاعر ما فيك حيلة وبحر ما لك نهاية والله يبيض وجهك ويرفع قدرك

حي الله شاعرنا عذِب المعاني
ماعليك زود شاعرنا القدير .
ووجهك أبيض عساني لاعدمتُك.
تحياتي ووافر إحترامي .



البواردي

يا مبدع الشعر قد كسرت أقلامي وأسكت بقلبي شفتيّ.
وألجمت عبارتي أمام وصفك الرطب الندي.
لذت بشعرك أناجي الجمال وأرخي مطيتي.
وغدا سحرك يشع النور في قلبي ومقلتي.
لا فض فوك سيدي الكريم.

		المشاركة الأصلية بواسطة : ذكرى الزمن اقتباس
	مبدع وممتع ومتميز يا البواردي كفو والله يسلمك

ماعليك زود أخي ذو الذكرى الزمنية ..!
والله يسلمك ويطيب قلبك أخي الكريم
،
أستميحك عذراً في إضافة هذه البويتات
على رتل القاف الماثل أعلاه
من خلال متصفحكم هذا
وان شاء الله اني أمون عليك ياذيبان :
،

أخبر ان الطلايع دايمن في الأمام = ماتفر الطليعه عن طليعاتها
واخبر ان القديمي ماتطول الحسام = والنوايف رفيعه عن وقيعاتها
يامسافر ترى الذروه براس السنام = ماتشد البطاين في سنامتها
اعتبرها نصيحه وافيه بالتمام= والطيور الكواسر دون هاماتها