سَجلْ دُخوُلكْ / خُروُجكْ بِـ بيَتْ شِعر ♫ ( النُسخّة الثَالِثّة ) !

الـغـلا لـو زاد وش ذنـب الضلـوع
والظما لو تاب وش عذر السهر

رقمن تحفظه ولا يحتاج تخزينه

ورقمن لو انه مخزن راح من بالك
ورقمن اليا دق في شاشتك يازينه
ماهو مميز ولكن غصب يحلالك
من حب راعيه نفرح به ومغلينه
وغصبن تبسم لو انك باتعس احوالك

هايبن من ثغرت الوقت يالقلب الحزين
لا عتك سود اليالي وجرحك مابرى

بامر رب الكون عقب القساوه ماتلين
تستفيد امن التجاريب شين ماطرى



بحر القوافي

من عزة النفس وطبوع البدو فينا
نعطي على صدة المقفي تبسّامه

اجمع غلاك في عيوني ياعيوني
وانثر اشواقي لك قصيد وشعر

ضجيج الشوق ازعج سكوني
عيوني لاجلك صارت تحب السهر

جمعت الشوق واهديته عيونك

وكل الحب في دربك نثرته

وعطرت المشاعر من جنونك


وزفيت العمر لك لو خسرته

لك في خفوقي الف مرسى للابحار
شد الشراع وشل مرسى السفينه
ابحر عساك تكون للروح بحار
امواج قلبي في يمينك رهينه
لجلك كتبت اهواك باصداف واحجار
وفاض البحر للبر واعلن حنينه

تبتسـم للنسايـم تـذوب قلـوب
وابتسم وأهـدي الـورد عنّابـك

ضحكتك غيمة وبلهـا مسكـوب
ظللتـنـي نهـاريـن بغيـابـك

فيك من لفتة الشـادن المرعـوب
كل ماهـزّك الشـوق وانتابـك

مرةٍ كنك الشمس وقـت غـروب
ومـرةٍ كنـك الحلـم متشـابـك

كل ماجيت أبي استلهمك وآتـوب
ضعت بك ضيعة العطر بثيابك !

لك وحشة بالصدر تلعب بالأضلآع
من گبرها حتى الدموع إسمعتها
" زفرة ونين " , الشوق في قلب ملتآع
دآرت .. على گل الضلوع و شگتها

قدرك كبير ويعجز الشعر يوفيه
كل القصايد فيك ينضب بحرها

أرفع يديني وأسأل الله وأرجيه
ينجيك من شر الحياة وكدرها