مديت له قلبي .. وروّح وخلاه الظاهر انه : ماعرف وش عطيته !

للحين / وجهي منكسر في مراياه !
.............. للحين / اذكر كيف ضقت وبكيته !

قبل الحنين يجيب دمعي من اقصاه
.............. اخذت .. دمعي في يديني وجيته !

جيت المكان اللي شهد يوم فرقاه
.............. معي كلام ( يموت بي ماحكيته ) !

كني طفل راجع لحضنه ومربآه !
.............. يدوّر .. امّه بين ( حيّه وميته ) !

محروم .. الا من جروحه وذكراه !
..............( فقير ) الا من شموخه وصيته !

من يومها وانا ادوّر على اشباه !
.............. ترد لي عمراً قضى , ما ابتديته !

ياكثر مافيني من الضيق وال ( آه )
.............. اكثر من الحرمان , لامن طريته !

كثر العذاب اللي سكن في هداياه !
.............. كثر الأمل ( لاقلت بأني لقيته ) !

رغم ( السنين ) اللي مضت اتحراه
.............. عجزت اقول اني [ كبرت ونسيته ] !

مديت له قلبي .. وروّح وخلاه
.............. الظاهر انه : ماعرف وش عطيته !



ابيات راقت لي فنقلتها لكم

الله عليك الله
من جد قصيدة ولا أروع
مشكوره يالغالية والله يعطيكِ العافية

هلا بك أم وريف
وصباحاتك خير وسعادة

اختيار جميل وراقي لهذه القصيدة
تسلم يديك والله يعافيك

		المشاركة الأصلية بواسطة : بنت النشامى اقتباس
	الله عليك الله من جد قصيدة ولا أروع مشكوره يالغالية والله يعطيكِ العافية

هلا ومرحبا ببنت النشامى
الله يعافيك ياخية
ودمتِ بخير

		المشاركة الأصلية بواسطة : السلطان اقتباس
	هلا بك أم وريف وصباحاتك خير وسعادة اختيار جميل وراقي لهذه القصيدة تسلم يديك والله يعافيك

حياك الله مديرنا
كل الشكر لك ولمرورك الجميل
لاخلا ولا عدم

الله يعطيك العافية ع الاختيار الاكثر من رائع
شكري وتقديري ..

ام وريف يعطيك العافيه ومشكوره على النقل الجميل

ابيات رائعة
تسلم ويسلم بوحك ووذوقك العذب
أحسنتِ الطرح وانتقاء