|
|||||||||||||||||
السيف له هيبة
السيف له هيبه ليت العمر طوله على طول يمناك
يوم الردي يمناه دايم قصيره لانافعٍ هذا ولانافعٍ ذاك مثل الحزام اللي بليا ذخيره لاأمتس حبل السالفه عوْد هناك وتبيّنه سود الليالي لغيره وصكات بقعا لاتبيّح خفاياك عندك خبر بان الرحا مستديره ولاتصير لأ أعراض المخاليق فتاك ولاتبدي لمن جاك خاف السريره ولاكل منهو قال أنا أفداك يفداك قلوبنا ماهي كفيفه بصيره زلت رفيقك لاتجيبك من أقصاك حاول تجاوز لك أمورن كثيره ولاهو بعيب انك تعذر من اخطاك السالفه لاتطول واهيّه قصيره شاور لبيب العقل فالشور يقداك وأما قليل العرف لاتستشيره ولاتدْخلك شكه ولاتصير شكاك عامل بطيب وكل شخص وضميره وزلات ربعك لاتعلم بها اعداك السيف له هيبه وهو في جفيره وإن زاد مالك لاتصره بمخباك لاتذخر الماجوب دون العشيره والليا جفيت أقرابك الناس تشناك ربعك حزامك بالامور العسيره وخل التواضع ميزتن من مزياك لاتحمْل إمن الكبر كبر الشعيره وحذراك تعصا والدينك ومولاك رجلٍ بليا دين مافيه غيره وان كان ماحشت المراجل من إصباك إفعول جدك ماتوديك ديره
|
12 Oct 2017, 03:27 PM | [ 2 ] | |||||||
عضوة متميزة
|
رد: السيف له هيبه
صح لسان قايلها وسلمت اناملك على اختيارك لاعدمنا جديدك ، |
|||||||
|
||||||||
12 Oct 2017, 08:02 PM | [ 3 ] | ||||||||
مؤسس شبكة الشدادين
|
رد: السيف له هيبة
الله الله روعة وابداع هذه القصيدة يا نور الدين اختيار جميل ويسلم ذوقك |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|