|
|||||||||||||||||
ارحب ارحب يازعيم الحب
ارحب ارحب يازعيم الحب ؟؟!!! والله انك ونستني اليومين هذي عموما في للقصيده الاولى انا ما تهربت رديت على معناك ما هو لازم يكون معناي واضح شف البيت الثاني والثالث والرابع من ردي الاول وبعدين الله يصلحك وش ذا الشفرات (المروحه)(المقلط والمجلس) ماباقي الا تقول غرفه النوم والصاله هههههههههههه كنا في حراج بن قاسم هههههههههه هيا لا عاد تزعل من هذي بعد خل صدرك كبر الصمان وانا اخواااااااااااااان وهذي حبه على خشمك يابعد قلبي امممممممممه وانت اهديتني وانا برد لك هديه بس تكفى وترى طالبك لا تزعل ووسع صدرك اخواني اعضاء المنتدى تحملونا الله يطول عماركم انا بورد المحاوره بيني وبين زعيم الحب فاسمحوواا لنا والله الله فالصفوف يقول زعيم الحب
قال من كاد المعاني وجته مصخـره=كيف حالك يالرهاوي زبون المعركه قرب الغالي من العود وشب المبخره=جاك من صعب المعاني بعزمه بركه اقلط اقلط فوق سفك الدما والمفخـره=في بحور الشعر عسر المباني حركه لجل افرح والطم العين شعري مذخره=ياالرهاوي دونك العلم عجل وادركـه من هجا شعر البداوه كسرنا منخـره=مطلبي نقد الصحافه وربـع الفبركـه خص شعار الحداثه وشعر المصخره=قرب اعتاهم وانا لك برجلي لفركـه وهذا رد الرهاوي
يازعيم الحب لاتظرب براسك ف. صخره=ثم تلعن بعدهـا كـل القصيـد وتتركـه أطلـب الله ياعميلـي ثـواب الآخـره=وشذب عرقوب المقفيـن مافيـه بركـه أختلط صوت البلابل معا صوت شخـره=وموضة التقليد شلّـت جديـد الماركـه كان عندك علم بالمعنى تفضل وأزخـره=وكان ما عندك علوم اترك وخلّ الركركه الرهاوي فوق الامـواج قـاد الباخـره=ايتمشى ويتباهـا وحطّـك ف. شركـه لابدى اللازم ووصـل التحـدي لآخـره=ترتعـد جنيتـاً فـي فـؤاده مشـركـه وهذا زعيم الحب السلام عليكم ورحمة الله وبركاته الاخوه الاعزاء تابعتم ابياتي اللي وجهتها للرهاوي وتبعتم رد الرهاوي عليها طبعا الرهاوي نقدر خوفه وتهربه من الدخول في صلب الموضوع شكل له علاقه بصاحب(المروحه)و(المقلط والمجلس) وبدا يمزح رغم ان المنتدى ماقصر حط قسم للمزوح ويقول انه حطني في شركه وانا بس ابيه يوصف لي شكل الشركه المهم ان الموضوع مايحتمل نعطيه اكبر من حجمه وابي الرهاوي يقبل مني هذي الهديه
جعل عضم(ن) مايجي صلب سوسه تنخره=ياالرهاوي تـدري ان الحـدود مجمركـه والصمايل ما تجازى بضحـك وفشخـره=لا تقول انك على الحر حطيـت اشركـه كان عندك علم فوق الشمـوس انبخـره=ياعذاب الرجـل لاجـت علومـه باركـه ليه ماصبت الهـدف والفـرود مذخـره=درتهـا يمـي ومـن دارهـا مانتـركـه يالرهاوي بحرنا صعـب والله ماتمخـره=رد مطلوبي ولا طمـع معـك بمشاركـه وهذا رد الرهاوي
جعل راساً ماينومس يعوَد موخره = وجعل يمناّ ما تصافح ماهي متحركه علمك اللي فوق من أوله لين آخره = راجعه ثم راجعه قبل ما تستدركه شش ياراسي شش وردّك وراك تاخره؟؟! = خلها حاضر بحاضر لين تدمي موركه بالبيوت الراهيه والبيوت الساخره = من يدوّر للمعارك راس خشمه نعركه ترقص جنوني على لحن البيوت الفاخره = ترتعش ثم تنتعش تبغا الفرح ومباركه اعذروني كان ما خليت شيا ندخره = مير يبغا المدركه ثم حوّل ف . دركه .
التعديل الأخير تم بواسطة الرهاوي ; 15 Aug 2006 الساعة 08:21 AM
|
15 Aug 2006, 07:33 AM | [ 2 ] | |||||||
شاعر
|
حيـــــــــــــاك الله يالرهــــــــــــــاوي
اقر ردي الاخير تراه يكفيك اما بالنسبه للصمااان فاانا اشووووف ان صدرك هو الامتداد الطبيعي للصماان .. وامس تسالني ليش انا غايب ؟ انا كنت في اجازه توي راجع للعمل وانا ابي اودعك لاني ابي اروح الدوام ولاتنسى الصمان ههههههههه تحياتي لك ولنا لقــــــــــــــــــــــــاء |
|||||||
|
||||||||
15 Aug 2006, 08:14 AM | [ 3 ] | |||||||
|
زعيم الحب والرهاوي..ثنائي ممتع!! ومحاورة رائعة..مشكورين. تحياتي لكما |
|||||||
|
||||||||
15 Aug 2006, 09:16 AM | [ 4 ] | ||||||
|
الله ينطيكم العافيه محاوره جزله |
||||||
15 Aug 2006, 09:38 AM | [ 5 ] | ||||||||
عضو متميز
|
صح لسانك يا الرهاوي وصح لسان زعيم الحب جميلة هي المساجلات .... شكرا لكم من القلب |
||||||||
|
|||||||||
15 Aug 2006, 11:25 AM | [ 6 ] | |||||||
شاعر
|
هلالالالابالغااااااااااالي وبارك الله فيك رح داوم وانتبه لا ياخذك الشعر من الدوااااااااام وبعدين انا سالتك عن الغياب امس تجاوبني اليوووم شكلك راعي غيااااب في الدوام ومتعووود على التصريف هههههههههههههههههههه شكرا لك من الاعماااااااق بعد قلبي |
|||||||
15 Aug 2006, 01:50 PM | [ 7 ] | |||||||
شاعر
|
هلالالالالالالالالا وغلالالالالالا ابو سليمان شكرا على تواجدك يالغااالي يا استاذنا لك مني كل الحب والتقدير |
|||||||
15 Aug 2006, 02:53 PM | [ 8 ] | ||||||||
مؤسس شبكة الشدادين
|
يا مرحبا بالرهاوي وزعيم الحب شاركتوا وأمتعتونا كلنا وما قصرتوا بيض الله وجيهك وأقول لزعيم الحب .... ترانا كلنا عندنا دوامات ولا نسمح لك تغيب أبداً ****************
بالبيـوت الراهيـه والبيـوت الساخـره=من يدوّر للمعارك راس خشمـه نعركـه
أظن الأصح لو بدلت كلمة ( نعركه ) بكلمة ( نفركة ) والمعن لا يختل أبداً. |
||||||||
|
|||||||||
15 Aug 2006, 05:53 PM | [ 9 ] | |||||||
شاعر
|
شهد الربيع الله محييج والله ينطيك العافيه بعد قلبي وشكرا على تواجدك |
|||||||
15 Aug 2006, 07:59 PM | [ 10 ] | ||||||||
عضو متميز
|
مساجلا ت رائعه من شعراء متميزين ولكن وش رايكم يكون هناك منتدى خاص بالمساجلات ابي رايكم تحياتي |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ارحب ياتركي | صالح بن هميجان | المحاورة والألغاز الشعرية | 26 | 01 Feb 2010 02:48 PM |
ضيفنا هذا الأسبوع مشرفنا (البرنس) ... ارحب | عـــلاوي | الضيوف واللقاءات | 49 | 20 Jun 2007 04:09 AM |
يازعيم الحب استلم | الرهاوي | بحور القوافي | 12 | 28 Dec 2006 12:13 PM |
إذا اردت السرعة الفعلية للانترنت في جهازك | المستحيلة | قسم برامج الماسنجر وملحقاته | 19 | 20 Apr 2006 11:33 AM |
اذا اردت رفع صوراو فلاشات او ملفات صوتيه او ملفات بلوتوث الى النت ادخل هنا فورا | السيف | جديد المواقع ـ شروحات البرامج ـ المشاكل والحلول | 7 | 12 Mar 2006 09:56 PM |
|