الذيب ما يعوي اذا كان شبعان

الذئب مايعوي اذا كان شبعان
دايم يكون اعواه دافع من الجوع

كنه يقول بعالي الصوت ي خوان
انا تراني جيت والعلم مسموع

يعلن قدومه بالعو بعض الأحيان
واليا قدم يقدم ولا عنده ارجوع

آليا سمعته حاول بقدر الإمكان
ان تصد او تنشغل باي موضوع

هذا ترا تنبيه من قلب ولسان
للي عن العربان والخط مقطوع

لان القا مخلب وفكن ونيبان
تقدر تقول انه من الموت منزوع

ظرب المخالب يشبه لظرب الامثال
لاصرت من بعض المخاليق موجوع

هذي سلوم الذيب والذئب حيوان
لاكنه اطيب من مخاليق وجوع

ارحب يا أبو نايش والله يحييك
ويبيض وجهك على حضورك المشرف
وتواجدك الرائع دائماً بكل مميز وجديد
وصح لسانك ملايين

ماشاء الله بحق شعر جزل
صح لسانك شاعرنا وسلم منطقوك وفكركك
لاهنت
.
.

صح لسانك وداااام ابداااعك يابو نايش وفالك التوفيق يا الامير