رائعة بن فطيس الجديده طلب مغفرة وحكم

الشاعر : محمد بن فطيس

يالله وانا طالبك تغفـر لـي ذنوبـي يـا غفـور=ارجيك والجا لك وانـا سالـك واعيـد المسألـه
لوما تطهرنـي بعفـوك مـا تطهرنـي البحـور=جيتـك وذنبـي قـد تعـلاّ غاربـي يـا مثقلـه
أنا من الطين انخلقت , أخطـي ولانيـب معـذور=قامت علي الحجّـه بدعـوة رسلـك المرسلـه
مؤمن بتوراتـك و إنجيلـك و مؤمـن بالزبـور=و بسنّـة محمـد وآيـات الكـتـاب المنـزلـه
لكن خُدعت بزخـرف الدنيـا وزادتنـي غـرور=أبدت مفاتنهـا و ورتنـي مـن العمـر اجملـه
طبعاً بما إنـي بنـي آدم حصـل منّـي قصـور=واذنبت يـا مـولاي ذنـبٍ بالخفـا مـا تجهلـه
أسألك تغفر لي و تستر موقفـي يـوم النشـور=اليا القفت خلقـك صحايفهـا وهـي مستذهلـه
من يستلمها بالشمال افلس وهـو يدعـو ثبـور=ومن يستلمها باليميـن افلـح لخيـر المنزلـه
واسألك يا ربـي تعاونّـي علـى نيـل الأجـور=حيا حيـاةٍ مكسبـي فيهـا مـن البـر افضلـه
واسألك جاهٍ مع هـل الدنيـا وحـظٍ مـا يبـور=أيضاً وعرفٍ مـع هـل الحكمـه ورزقٍ تكفلـه
من لا تهيّا لـه مقـامٍ مـع طويليـن الشبـور=يبكي على ما ضاع من عمره وخيبـات عملـه
وان شاب راسه لا ترجّى فيـه تجبيـر الكسـور=لا خير فـي تالـي زمـانٍ مـا تغانمـت اوّلـه
ومانيب ناسي قصةٍ صـارت وانـا ازورالقبـور=لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور=عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور=والباقـي بعمـري بعيشـه بينكـم واستكملـه
قلت : الزمان اللي يبارينا علـى خبـرك يـدور=الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجـذور=صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور=حط اليمين اعلىالشمال وخاطـره فيـه اسئلـه
قال : افتني عن حالة الشيبان والشيـخ الوقـور=أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور=اللـي يفضّـون النـزاع ويحكمـون المشكلـه
قلت : البعض منهم على ما قلت في وصفك وقور=قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور=اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّلـه
بهيمةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجـور=ينقـل جـوازه للسفـر مـن مزبلـه لا مزبلـه
أشيمطٍ زانـي قضـا عمـره بحانـات الخمـور=والعايلـه ورعٍ يغـرّر بـه وبـنـت مهمّـلـه
قال : افتني عن حالة الخفـرات ربّـات الخـدور=اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور=بين الفريق بـبشتهـا الضافـي وتـوبٍ تسبلـه
قلت : العـذارى فـي زمنّـا ببغـاوات الطيـور=تقليد هرج و عرض ريـشٍ خلفهـا تستخملـه
تلبس عباةٍ ضيّقـت حـول الردايـف والخصـور=فضيحةٍ تكشف جسدها مـن علـوّه لـاسفلـه
وموضة شيالٍ تكشف الوجنات والـوان الشعـور=والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور=تطبـخ لـهـا خـدّامـةٍ بالعايـلـه متوكـلـه
الأم ما صانت عفاف البنت من عمـر الزهـور=والأب ديّـوثٍ تحكـمـه حـرمـةٍ مسترجـلـه
وشلـون يتربّـى عيـال ام التبـرّج والسفـور=الاّ خنـازيـرٍ دمـاهـا بــارده ومغـفّـلـه
قال : افتني بحال الشباب الصلب صيّـاد النمـور=الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور=البار عند امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور=والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى الاّ عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )=صار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )=والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور=من قام قالو , , وشـملقّف حضرته ؟ وشـدخّله
والوالدين حقوقهم ضاعت وعنهـم فـي نفـور=ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور=لو تعزله عنهم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور=حتى ابن عمّه يعرفه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور=وان شاف ضيف يخش حتى انّه يفـارق منزلـه
ناظر لي الشايب بعينٍ تجمـع السبـع البحـور=يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور=ما يقعد الجمّال به ساعـه ولـو ضـاع جملـه

صح الله لسان ابن فطيس على هالقصيدة الجزله

ولاهنت يا ابن مهرس على روعة انتقائك واختيارك

وعسى الله يكفينا ويكفي جميع المسلمين من بلاوي هالزمن واهواله

استمتعت بتواجدي هنا

دمت بسعادة و رضا

		المشاركة الأصلية بواسطة : اقتباس
	قـلـت : الـزمـان الـلــي يبـاريـنـا عـلــى خـبــرك يـــدور ......... الــوقــت نـفـســه مــــا تـغـيّــر مــاشــيٍ فـــــي جــدولـــه

		المشاركة الأصلية بواسطة : اقتباس

هذا البيت راق لي كثيراً

صح لسان أبن فطيس

وتسلم يمينك على النقل أخوي أبن مهرس

من روائع هذا الشاعر الكبير
أنا من أشد المعجبين بهذا الشاعر
ويستاهل والله المتابعة والاهتمام
وألف شكر لك أخي الغالي
ابن مهرس vip

يعطيك الف عافيه أخوي ابن مهرس

تقبل مروري

ابن الامير

الله يعطيك العافية
ياابن مهرس على النقل الجميل

		المشاركة الأصلية بواسطة : تركي بن عبيد اقتباس
	صح الله لسان ابن فطيس على هالقصيدة الجزله ولاهنت يا ابن مهرس على روعة انتقائك واختيارك وعسى الله يكفينا ويكفي جميع المسلمين من بلاوي هالزمن واهواله استمتعت بتواجدي هنا دمت بسعادة و رضا

لاهان غاليك أخوي ابو عبيد اسعدني تواجدك

مشكور على المرور

تحياتي

		المشاركة الأصلية بواسطة : الغريق اقتباس
	هذا البيت راق لي كثيراً صح لسان أبن فطيس وتسلم يمينك على النقل أخوي أبن مهرس

أخوي الغريق كما راق لك هذا البيت راق لي مرورك الجميل

تحياتي

		المشاركة الأصلية بواسطة : السلطان اقتباس
	من روائع هذا الشاعر الكبير أنا من أشد المعجبين بهذا الشاعر ويستاهل والله المتابعة والاهتمام وألف شكر لك أخي الغالي ابن مهرس vip

مشكور على المرور ابو عبدالله

تحياتي

		المشاركة الأصلية بواسطة : أبـن الامــيـــر اقتباس
	يعطيك الف عافيه أخوي ابن مهرس تقبل مروري ابن الامير

الله يعافيك أخوي أبن الامير ومشكور على المرور

تحياتي