هواجيسي [كيبوردية]

مـجـمـوع الأوسـمـة · توقيع : وحي الألم

تعالي ياهواجيسي تعالي=غيابك عنّي الليله جريمه
وانا من عدة أيام وليالي=وانا في خاطري لعنه رجيمه
أسلّي خاطري وان جا مجالي=أقول الصبر به حكمه عظيمه
واجاوب كل من يطرح سؤالي=واقول السارحه بكره مقيمه
ولا طال الصبر من طيب فالي=ولي فرحة عمر ماهي يتيمه
أخوها عزّ راس وشان عالي=وابوها نظرة الناس الحكيمه
وانا ماانساك ياراع التوالي=ولا انسى قصة العود القديمه
وانا ما انساك ياعمري وحالي=ومصير أعطيك من بوحي عزيمه
وانا لي حيلةٍ من دون حالي=ولي كلمه ولي نظره سليمه
واعدّ الصدق بحضور الرجالي=واحوز العفو من نفسٍ كريمه
ويحسبني ضعيف الفهم خالي=من العزه ومن نظره فهيمه
ولابد الليالي ماتهالي=واجيب الفيد من يمنى الغنيمه
وأنا ماهمني منطق ربالي=ولاهمي جزى راع الشتيمه
أدرّجها مثل درج المحالي=وامسكها الخطوط المستقيمه
واسيّر بالجنوب وبالشمالي=واورّد حبل من كانت محيمه
أوردّها على الجم الزلالي=وابلّ أرياقها قدر وحشيمه
وابو عقلٍ صغير ولايبالي=أجرّه يابدر جرّ البهيمه