أحد ٍ ينام...(للشاعر: بندر بن سرور )

اهداء لرواد المنتدى الشعبي

يالله يا جال الامور المهمــــــــــة = تجلا وهج قلب ٍ برا حال راعية
البر دجته والبحر رحت يمــــــــه = يقطعك يا حظ ٍ تردت مساعيه
يوم أن ولد اللاش رزقه على أمه = رزقي على اللي ميت القشع يحييه
يامل قلب ٍ كل ما مات همــــــــــه = دارت دواليب الدهر لين تحييه
فراق شمل الناس عيـّا يلمـــــــه = وقت يشيب الراس من شاية ٍ فيه
أحد ينام وحط راسه بكمـــــــــة = واحد تخم النوم عينه وتخطيـــــه
واحد يحاول بالردى بنت عمـــه = واحد يحاول ستر عذرا عوانية
ماني وانا بندر ببياع دمـــــــــه = يقطعك يا بياع دمه ومهفيــــــه
اللي يبيّع لا بسات الازمــــــه = ثور ٍ يبا بيض الرعابيب تغنيه
يزعل لياجت ليلة الدور يمه = يرضى بسوق المال فخوه و ابيه
خطو البخيل اللي يكبر معمه = يقرأ الكتاب وواجب الله يخليه
إما هرج لك في رفيقه بنمه = والا عطا وامه تضيع هقاويه
أنشدك ياللي كل فرض تتمه = تقرا الكتاب وكل فرض تصليه
ويش القليب اللي غميق مجمه = ما فاد غرسه ماه عطشى سوانيه
تخالف الانظار شرق ويمــــه = وكل هدف رآيه من الناس مرضيه
سم السبب يا عارف ٍ عنه سمه = سم السبب يا عارفه قبل اسميه

لاهنت يالوافي
على الاهداء والقصيدة الجزلة
لبندر بن سرور الذي هو غني عن التعريف

من قال مايهون

اخوي الصقار

ومشكوووور على مرورك