آخر 10 مشاركات |
مختارات | السَّيفُ أصْدَقُ أنباءً من الكُتُبِ |
|
||||||||||||||||||
مقال حلو حجازية - اترنو احنا لينا حقوق
مقال اكثر من رائع
الدكتورة : ليلى صالح عزوز باللهجه الحجازيه الجميلة ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة ... إيش هادا؟ أتْـرِنُّو إحنا لنا حقوق؟! مادام كده .... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟ يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه. طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ....وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...إن الثور يحس؟ ........لايمكن. لكن هل يمكن يحصل هادا في السعودية؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟ قال حقوق المرأة .... هه! منظر عام رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي.... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .... خليني في الطابور ..... زَيِّي زيكم؟! .... ليش ما تقول كده؟! .... والا هي تماحيك وبَس! ونفس المنظر في الجوازات ..... والأحوال ... والتأمينات .. ويقدر أحد ... يقول إنه من ظهر أبوه .... يفتح فمُّه؟ .... على طول يسمع العبارة الشهيرة ... ( عيب عليك .... إنت ما تستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟ قال حقوق المرأة ... هه! اقتصاديا شوفالراجل.. السبع.. الغضنفر.. المفتري...له ثوبين أو ثلاثة في السنة ... يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها ... وكمان ازيدك من الشعر قصر .. مو بيت .. من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع . مو مهم الفلوس جات من فين ... المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده. قال حقوق المرأة .... هه! نفسيا الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .... ... ومع هادا كُّلو ....لازم يبقى رومانسي. بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ....ما عندنا صلصه...وبكل رقة تتصل....ألو ألو ..أبو خالد موجود؟ ممكن أكلمه لو سمحت؟ ألو ... إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب. وفوق هذا كله آخر السنه: طفشانه ....فين حتودينا ....والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير يا مصر ... يا سوريا ... والسنة اللي غيَّرنا فيها ... رحنا ماليزيا. وفي رمضان: تعبت ....أوف ......إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ......مقاضي العيد من جده ....أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو .... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟ قال إيه؟ .... حقوق المرأة. شرعا المرأة لها حظ من أبوها .... وحظ من زوجها .. هادا غير أمها .. وأخوانها ... وأبناءها .. والراجل مطالب إنو هو اللي يصرف عليها مهما كان عندها فلوس. وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا .... بينما الست تصلي تحت المكيف ... في غرفتها ... وأجرها زي الرجال تماما .... ياعيني .. يا عيني .. والله الإسلام أعطاكم كتير .... وياريتو يِبان فيكم. إجتماعيا الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا ... وكل شويه تقول :خلَّصت ... وهي ما سوت شي لِسَّه .... والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي ... هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف ... وطبعا ممنوع يقول لها: (إيش أخَّرِك؟) والا يا ويلو .. وش رايكم بالمقال المرأة اخذت حقوقها والا لا ؟؟؟
|
23 Jul 2009, 06:20 AM | [ 2 ] | ||||||||
๑.•[عُذِبُـةے الأطَبُـاعُـ]•.๑
|
حلوه ليه مايسفلتون آلشآرع آللي يودي لبيت آم آبتسآم :icon_mrgr بصرآحه كلآمهآ مآفيه كلآم ومآبعده كلآم وآلله آننآ يآلحريم في ستين نعمه وبآلف خير بس آللي يقهر تجيك وحده آمّعه مآتدري وش آلسآلفه تسمع عن حقوق آلمرآه ومآلمرآه وتقول نبي زيهم ,, طيب تعآلي يآللي تبين زيهم وتقولين آن حقوقك مهضومه آنآ آبغى آفهم شغله حقوق آلمرآه آللي تصيحين وتفيحين عشآنهآ وتطآلبين فيهآ مثل آيش يعني ؟؟ مثلآ تبين تسوقين !! ولآ تدخلين آنتخآبآت ومجلس بلديه ومدري وش يعني بآلعربي (( آختلآط )) يآختي وآلله مآعليك قآصر آكله شآربه سآكنه لآبسه آحسن لبس وكلّه بلآش وآلله يعين من هي في ظهره !! آدري فيه نآس تستغرب كلآمي ليش مآني مع آلحريم وفي صفّهن صدقوني لو آنّي آشوف آن حقوقنآ ضآيعه كآن آنآ آول من يتكلّم ويعآرض ,, يعطيك آلعآفيه يآآحسآس وتسلم يدينك نقلك وطرحك آكثر من رآئع ومتآبعه آلموضوع بشغف ,, |
||||||||
|
|||||||||
23 Jul 2009, 09:55 AM | [ 3 ] | ||||||||
عضوة متميزة
|
=) الصراحه صدقت بس الرجال مثل اللي هي توصفه قليل وصعبه نلاقي مثله بس الصراحه احنا بنعمه ولله الحمد نعمة الاسلام شرف المرأه واعزها ويكفي مانشاهد في الواقع في البلاد اللي تساوي بين الرجل والمرأه...! إحساس واثق الله يجزاك خير مشكور |
||||||||
|
|||||||||
23 Jul 2009, 06:31 PM | [ 4 ] | ||||||||
عضو متميز
|
شوق شداد بجد أنتم في نعمه لكن أغلب الناس ترفس النعمه وماتعرف قيمتها إلى بعد فقدانها تبغوا تصيروا مثل الرجال وش الله معنيكم خليكم في بيوتكم كما الالماسه في صندوقها بعيدا عن ضوضاء الحياة الصاخبه حتى لا يخدشها احد |
||||||||
23 Jul 2009, 08:05 PM | [ 5 ] | ||||||||
شاعر
|
مقال جميل جدآ شكرا لك اخوي الغالي |
||||||||
|
|||||||||
23 Jul 2009, 09:04 PM | [ 6 ] | ||||||||||||||||||||||||||||
عضوة متميزة
|
لافض فوك يادكتورة : ليلى .. يكفي إنا عايشين بعز أهالينا وكل مانبيه يجي بدون حتى مانتعب أو نشقى وش نبي بعد ..!! وبصراحه الرجاجيل هم المهضومه حقوقهم تعب وشقاء وكرف ويودي ويجيب ويصرف ويشيل هم العائلة وحالته حاله وبالأخير يفاجأ إن المرأة تبي حقوقها أي حقوق لعنبو بليسها والله شيء مخجل إحنا لو نجلس كل عمرنا نشكر أبّهاتنا وإخوانا مانوفيهم حقهم من جد يعطون بلا حساب ومايلاقون إلا الإمتعاض والإنتقاد .. أنا بالنسبه لي يكفيني إحساس إني كأميرة بوسط عايلتي وإلا من في العالم الغربي تلاقي أحد يطيعها ويوديها مشاويرها اللي ماتخلص وبكل رضا .. وروحة السوق لوحدها شيء ثاني ينطق معها ويتعب ومايقول شيء ومصاريفك تجيك وأنتي تحت المكيف مابقى إلا يأكلونك بإيدهم .. بالله مو عايشين بنعيم وجنان الله لايحرمنا من هـ العيشه وبلا حقوق وبلا هم .. إلا عقوق مو حقوق ورفس النعمة وبطر .. *** يعافيك ربي أخي إحساس قضية قاهرتني وكفت ووفت فيها الأخت ومشكور على نقلك الأكثر من رائع .. |
||||||||||||||||||||||||||||
|
|||||||||||||||||||||||||||||
23 Jul 2009, 09:32 PM | [ 7 ] | |||||||
عضوة متميزة
|
مشكووور
السلام عليكم ورحمة الله وبركاته
مقال رآآئع وما ينادي بحقوق المرأة في بلدنا الا الأمعة ..! بس لا ننسى حقوق المرأة المسلمة اللي للاسف الشديد بعض الرجال نسوها واسألو في المحاكم الشرعية عن قضايا الطلاق ، وميراث المرأة ، وكثييير من القضايا اللي ما يخافون الله في زوجاتهم وخواتهم وللاسف حتى امهاتهم كثيير مشكور اخوي |
|||||||
|
||||||||
23 Jul 2009, 10:58 PM | [ 8 ] | ||||||||||||||||||||||||||
|
نحمد الله أننا في مجتمع اسلامي حفظ حقوق المرأه قبل أن تطالب بها ولكن لامانع أن يكون لها هدف في مجتمعها تسعى لتحقيقه
الله يعينك إذا هذا طموحك في الحياه
|
||||||||||||||||||||||||||
24 Jul 2009, 12:01 AM | [ 9 ] | ||||||||||||||||||||||||||||
عضو متميز
|
ليسوا قليل ياصمت الحروف ولكن هذا حال الناس لا تتناقل سوى الأخبار السيئه ولا يتطارون سواها ربما لأن الرجل الصالح لا يذكر فضله لأن هذا واجب قام به اما عكسه من الرجال السيئين فأنه لقلتهم يعتبر شاذ لذا تتناقل اخبارهم بيننا شاكر لك مرورك |
||||||||||||||||||||||||||||
24 Jul 2009, 03:23 PM | [ 10 ] | ||||||||
مؤسس شبكة الشدادين
|
أعجبتني هنا آراء بعض الأخوات ( ليس الكل ) واللاتي فعلاً يشعرن بقيمة ما قدمه لهن الإسلام من حقوق وتكافل ورعاية وحسن تعامل سواء في بيت أزواجهن أو آبائهن المرأة في الإسلام ملكة الكل يخدمها ( أبوها - أخوها - زوجها - ابنها ) وليست في حاجة إلى التعب والخروج ومخالطة الرجال من أجل البحث عن ( طموحها ) فهي أم ومدرسة وملكة في بيتها والكل يقوم بخدمتها ويتشرف بذلك هذه هي الأنثى التي فعلاً نريد ومن تريد مخالطة الرجال فلا مكان لها في بيوتنا المقال جميل جداً وسبق أن طرح هنا قبل سنين ولا مانع لدي من إعادة الرجوع للرد عليه فهو بحق يستحق كل اهتمام والله يعطي الكاتبة كل خير ويسترها دنيا وآخره تحية عطرة أخوي إحساس واثق |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لينا ولونا | رعد الجبوب | المواهب والمحاولات الشعرية | 15 | 18 Jan 2009 03:57 PM |
أمثال حجازية | ابوسلطان | المحاورة والألغاز الشعرية | 7 | 27 Apr 2008 08:13 PM |
أحوا ل الرجال والنساء بعد الزواج | حارثي صح | النقاشات والمواضيع الهادفة | 15 | 22 Feb 2008 04:05 AM |
عبدالله في بيت أبو لينا | ابو عبدالله | أخبار الشدادين | 20 | 07 Jun 2006 06:50 PM |
أدوات الموضوع | |
|