ياويل حالي

ياويل حالي رحت فيهـا والبـلا كانـي بكـيـت=الهــمّ داهمنـي ونفسـي ضايقـه مـن ماصابها
حسيت الكون يصغر فـي عيونـي وابتديـت=كرهت بيتي والخبــــر ! يضيـق بـيّ ترابهـا
صاحت غرام القلب واصـدق قلـب فالدنيـا لقيـت=هي سافرت عنـي! وانـا والله ماطيـق اغيابهـا
من اول اقوى بعدها واليـوم عاجـز مـا قويـت=تاخذنـي الذكـرى لهـا لحـد ما أوصـل بابـهـا
انام من كثر التعب , واتعـب لا منـي صحيـت=أعيشهـا واليـا غفيـت أغفا بهـا واصحا بـها
احاول اجفاهـا ولكـن فالحقيقـه مـا جفيـت =إلا علاقاتـي مـع العـالـم عـشـان اعجابـهـا
ياويـل حالـي ياأحمد ياكبـر حـظك وش خذيــت=لا والله إلا حــظ اهاليـهـا وحـظ اقرابـهـا
حبيتها مو مشكله ! مشكلتـي الكبـرى نسيـت=ليلة فـراق الغاليـه ! نسيـت احسـب احسابهـا
نسيت احسب لحظة فراق العشـق اللـي هويـت=نسيت كيف احيا ! حياتـي دامنـي مـا احيا بهـا
والله ما بغى شي من دنياي ! بس اللـي بغيـت=ودي اكـون اقـرب لهـا مـن عطرهـا في ثيابهـا
ينتابني يأس وملـل واحـس بأحسـاس ٍ مميـت=واقـدر احلـف ان الــذي ينتابـنـي ينتابـهـا
شعور ماحسيت بـه مـن يـوم فالدنيـا وعيـت=احساس ماحسيت به مـن قبـل اشـوف اهدابهـا
الله من كثر التعب واللـي مـن الفرقـى جنيـت=سهر , قصيد , هموم , كل هذي وش اللي جابها ؟
اعيش يومي ودي اهنى بس عـدى مـا اهتنيـت=اصلاً انا وشلون ابهنـى ! دامنـي مـا اهنابهـا
هذي لو اني عشت معها طول عمري مـا اكتفيـت=لكـن عساهـا سالمـه لأبوهــا اللـي جابـهـا
مكتوب واللي كاتبـه ربـي ترانـي بـه رضيـت=عسى الله يهون علـى نفسـي مصـاب ٍ صابهـا
ياعبدالله اليوم انتهى وانـا مـع اليـوم انتهيـت=مابـه جديـد ! إلا بقايـا شاعـر ٍ يبقـى بـهـا
ادري تشـوف ان التعـب فينـي ولا ودي دريـت=ادري ونـدري كلنـا ! غيـري تــراه اولابـهـا
بس الذي خلانـي احكـي كـل ماعنـه حكيـت=هي حاجـة ٍ نسيتهـا مـن قبـل وقـت اغيابهـا
حبيتها مو مشكلـه ! مشكلتـي الكبـرى نسيـت=ليلـة فـراق الغاليـه نسيـت احسـب احسابهـا

ان شاء الله يعجبكم اختياري المتواضع
تحياتي للجميع

صح لسان شاعرهااااااااااا

سلمتي على اختياااااااااارك الراااائع

ربي يسعدك

مودتي

قصيده في قمه الروعه صح لسان شاعرها

ومشكوره عيون الأصيل على النقل والاختيار الذوق

في انتظار مشاركاتك ومواضيعك
مع تحياتي
أبومعيض

صح لسان شاعرها وسلمت يداك على النقل الرائع
تحياتي

		المشاركة الأصلية بواسطة : عبدالله الشدادي اقتباس
	صح لسان شاعرهااااااااااا سلمتي على اختياااااااااارك الراااائع ربي يسعدك مودتي

هلا بأخوي عبدالله

شاكره طلتك اللي اسعدتني

دمت بحفظ الله

		المشاركة الأصلية بواسطة : ملك الليل اقتباس
	قصيده في قمه الروعه صح لسان شاعرها ومشكوره عيون الأصيل على النقل والاختيار الذوق في انتظار مشاركاتك ومواضيعك مع تحياتي أبومعيض

هلا بأخوي ملك الليل

شاكره طلتك اللي اسعدتني

دمت بحفظ الله

		المشاركة الأصلية بواسطة : نور الهدى اقتباس
	صح لسان شاعرها وسلمت يداك على النقل الرائع تحياتي

هلا بأغاليتي نور الهدى

مشكوره على طلتك اللي اسعدتني

دمت بحفظ الله

صح لسان شاعرها وسلمت يد ناقلها

اختيار جميل جداا

الله يعطيك العافيه يا عيون الأصيل

مجهود تشكرين عليه

والله ما بغى شي من دنياي بـس اللـي بغيـت = ودي اكون اقرب لها مـن عطرهـا فـي ثيابهـا

الله الله على هالبيت الجميل صح لسان الشاعر قصيدهـ رآئعه وجميله

إختيار أروع من عيون الإصيل يعطيكِ العافيه ودمتِ بخير دوماَ .!