هذه القصيدة بمناسبة شفاء أبناء خالي/ مقعد بن قاعد السبيعي

الملف الشخصي للكاتب · توقيع : سعود معيش

حفل عزيمه سبيع عند سعود بن معيش وأخوانه بعد أن من الله بشفاء عيالهم بعد الحادث

يامرحبا وأعداد ماهل ودان = اللي من المنشى تسايق رعوده

من شوف براقه يشوش بالأذهان = ومن رهبته كلٍ يدور لذوده

سيله غزير وترتوي كل الأوطان = وبيت الشعر يبنى ويرفع عموده

وسلامة الأخوان عندي لها شان = يوم الفرح ربي علينا يعوده

عبدالله ومحمد طويلين الأيمان = عيال عودٍ ماتراخت زنوده

أخر شغاميمٍ على الأرض فرسان = يفرح بها الطيب ويغضب حسوده

سبعان لا رد البرى وأي سبعان = أهل الجذع اللي تسابق شهوده

وأهل الثلاث أللي على طول الأزمان = تاريخها باقي على الوقت جوده

وحنا بني الحارث معالي وشيخان = يومن كلٍ نخوته من جدوده

صغيرنا يازن من العقل شيبان = وكبيرنا مثل الجبل عالي سنوده

ونعم القبايل كلهادون نقصان = كلٍ على الطالات فعله يقوده

في ظل عبدالله ونايف وسلمان = يبقى الوطن شامخ وتحيا جنوده

الشاعر/ سعود معيش الشدادي