لا يمكن إن الزمان يغير إسلوبي

أعضاء وزوار شبكة الشدادين السلام عليكم ورحمة الله وبركاته
أعلم إنكم لكم حق علي جميعاً ومقصر معكم
لكن عسى أن ألتمس العذر منكم بهذه القصيدة المتواضعه من جديد محبكم وأخوكم عزيز الشدادي
وعسى أن ترتقي لذائقتكم الشعريه وتشفع لي عن غيبتي عنكم لظروف عملي
وظروف الحياه معزتكم ثابته وكل من يستحق الأحترام والتقدير
على العين والراس

يا اللي عن أخباري أصحابي تنشدها=أنا ورى هقوت اللي يلتفت صوبي
لا تتبع راعي الفتنه وموقدها=كم واحدٍ راح سبة علم مكذوبي
قم خاوني قوم والأفعال شاهدها=وإستكشف إخصالي الحسنات وعيوبي
مالك ومال العلوم اللي ترددها=ناسٍ ضعوفن ليامن جيت طاروبي
ومالي ومال الكدوش اللي تلاجدها=مدام عقلي معي وأميز إدروبي
أعرف هالأشكال وأعرف وش مقاصدها=لو كان لاجيتهم فزو وحيوبي
من يفرح بزلتي ماهوب واجدها=أدرى مواجيب خلاقي وماجوبي
ومن فضل ربي وجيه الناس ما أعبدها=ولا تلبسة ثوب العز مقلوبي
أقول وأطول والنضرات مبعدها=ماني قريب مدى وأناظر إجنوبي
ولا آرد عدودٍ كثير الناس تاردها=أتعب على لقمتي وأشقى لمشروبي
إديارن أصبح بها وديارن أهجدها=والرزق عند الولي والأجل مكتوبي
مريت كل الدير وأعرف مساجدها=لأدى فريضه ماجيت أنفض إجيوبي
كرامتي غاليه والنفس أجاهدها=لو إن الأيام حطت دوبها ودوبي
من طاوع النفس والأرياء توسدها=ولا عاد تفرق معه غالب ومغلوبي
واللي يميز بصادرها وواردها=يبعد عن أهل الجرب لايصير مجروبي
وأهل الحكي ما يشرفني تواجدها=ولاني على رفقة الأنذال مغصوبي
أبرهن السالفه بالفعل وأسندها=إن جيت محسوب وإن قفيت محسوبي
هاذي علومي وأنا أخوك وتفقدها=والله يسامح خطاك ويغفر إذنوبي
واللي عظلاته اليا أقفيت يفردها=جداه لا أقفيت يتسلى بعرقوبي
خبلٍ لو أقرصه قرصه ما تعودها=لكن تحشيم راع الكلب عذروبي
لا ناقصن بالصفوف ولأهو زايدها=لكن عسى خالقه يصلحه ويتوبي
الجزله إبمثلها ياصاحبي زدها=وكان الوفاء مطلبك تراه مطلوبي
صعبٍ يهدم الصروح اللي مشيدها=ونور القمر ماهو إعن الناس محجوبي
الله يديم الوفاء وأهله يساعدها=ومن حبه الله من الأجواد محبوبي
تمت والأجداد ما أخالف عوايدها=ولا يمكن إن الزمان يغير إسلوبي

وسلامتكم /أخوكم ومحبكم الرحال

صح لسااانكـ ..شاعرنا
والله يحيك من جديد
..
ربي يسعدك

		المشاركة الأصلية بواسطة : العربية للعود اقتباس
	صح لسااانكـ ..شاعرنا والله يحيك من جديد .. ربي يسعدك

يامرحبا يالعربية للعود وصح الله بدنك
والله يبقيك ويسلمك ويسعدك
والله لايهينك ومشكوره على الحظور والمرور الرائع

ارحب ثم ارحب ياابن العم
وصــــــــح السانك مليار
قصيده جزله من شاعر جزل
تمت والاجداد مااخالف عوايدها-ولايمكن ان زمان يغير اسلوبي
كفوووووووووووو
ونعم والله بيض الله وجهك عزالله انك اشبعتني الشعر
اتمنى ماتحرمنا من جديدك وماتغيب عنا مره اخرى
تقبل مروري اخوك ومغليك ومحبك بدر الشدادي

صح لسانك ملايييييييين يالرحال وبيض الله وجهك

قصيده في طياتها اشياء كثيره جداً

او ربما بطياتها قصيده اخرى

ولكن الشموخ والاعتزاز وعدم الالتفات لهراجة القفاء واضح جداً في قصيدتك

صح لسانك ولاهان راسك يابو ضاوي

شاعر كبير ومبدع والجزاله ماهي غريبه عليك

تحياتي

		المشاركة الأصلية بواسطة : بدر المشيطي اقتباس
	ارحب ثم ارحب ياابن العم وصــــــــح السانك مليار قصيده جزله من شاعر جزل تمت والاجداد مااخالف عوايدها-ولايمكن ان زمان يغير اسلوبي كفوووووووووووو ونعم والله بيض الله وجهك عزالله انك اشبعتني الشعر اتمنى ماتحرمنا من جديدك وماتغيب عنا مره اخرى تقبل مروري اخوك ومغليك ومحبك بدر الشدادي

يامرحبا والبقاء ثم البقاء أخوي بدر المشيطي
وصح الله بنك يالغالي
وأنتم تستاهلون الجزاله والعلم الغانم وماعليك زود وأنا أخوك
ووجهك أبيض ومن له جمهور شرواكم يحرص
على مايرضيهم ويفيدهم ويمتعهم
وأبشر بالسعد والله يقدرني على رضاكم وألف شكر على الحظور
والمرور الرائع وتقبل تحيات وشكر
أخوك ومحبك الرحال

		المشاركة الأصلية بواسطة : الغربي اقتباس
	صح لسانك ملايييييييين يالرحال وبيض الله وجهك قصيده في طياتها اشياء كثيره جداً او ربما بطياتها قصيده اخرى ولكن الشموخ والاعتزاز وعدم الالتفات لهراجة القفاء واضح جداً في قصيدتك صح لسانك ولاهان راسك يابو ضاوي شاعر كبير ومبدع والجزاله ماهي غريبه عليك تحياتي

يامرحبا يالغربي وصح الله بدنك يالغالي
ووجهك أبيض وأنتم تستاهلون كل خير ولايمدح حاظر على ماقالو والشموخ
والأعتزاز ورث أبوانا وأجدادنا والطيب الأول باقين له بقايا @بوجيهنا مثل اللحى واللأشانيب
على ماقال سلطان الهاجري وصح الله بدنك ولاهنت يالغالي
وشهادتك وسام على صدري والهرج لاينقص ولايزيد ولا ألتفت له ولا لأصحابه
راع المثل يقول أفعل والرجال تكفيك الهرج ولاكن كم فرقت النمايم
بين أخ وأخيه ولايستمع لأصحابها غير ناقص معقوليه
وعديم ثقه لك شكري وتقديري
على مرورك وحظورك الرائع

حياك الله يا ولد العم من جديد ويا هلا بك
وصح لسانك ملايين ولا هنت
ما عليك من أحد
والهروج واجد لكن اسمها هروج

نرحب بك من جديد
والله يحييك

		المشاركة الأصلية بواسطة : السلطان اقتباس
	حياك الله يا ولد العم من جديد ويا هلا بك وصح لسانك ملايين ولا هنت ما عليك من أحد والهروج واجد لكن اسمها هروج نرحب بك من جديد والله يحييك

يامرحبا والبقاء يا أبو نوره والله يسلمك يالغالي
وصح الله بدنك والله لايهينك
وأنت تعرفني ما علي إلا من خالقي
والله يبقيك مره ثانيه وأنا معكم لو أشغلتني الضروف
أحرجتوني بترحيبكم وطيبكم والعلاوه يقول سميتها غيبه وأنا راحت بدن سميتها
الله يوفقك ويوفق الجميع لما يحبه ويرضاه
والمعذره عن الغياب مره أخرى

		المشاركة الأصلية بواسطة : صقر المراجل اقتباس
	الله الله صح لسانك بداية نرحب بك ترحيبة بنبرة الشوق واللهفة في اطار من العتب الاخوي نعود للنص: يا اللي عن أخباري أصحابي تنشدها=أنا ورى هقوت اللي يلتفت صوبي جميل جدا تركيب الشطر الاول ملاحظ انك اتيت بالفعل قبل المفعول به لنفصل هذا الشطر عن الشطر الثاني نلاحظ انه مفتوح لادراج اي بيت الشطر الثاني: الشاعر في هذه اللحظة تكلم عن نفسه وحدد هويته <جميل جدا لا تتبع راعي الفتنه وموقدها=كم واحدٍ راح سبة علم مكذوبي لا ،نفي عن اتباع الفتنة وحسب الشطر الاول لو عملنا عملية حسابية لتاكد وجود خيانة الاصدقاء على حسب البيت الاول والثاني الششطر الثاني: ادرجت حكمة محتواها يؤكد تضليل العدالة شطر مكمل لما قبله ترابط في البيتين وتعلق مصيرهما ببعض قم خاوني قوم والأفعال شاهدها=وإستكشف إخصالي الحسنات وعيوبي فعل امر حقا فيه مشاهدة الفعل على ارض الواقع رابطه بين الابيات السابقة: عدم الاكتفاء بقول الاصدقا فقد يكون وقد لايكون تسلسل رائع مالك ومال العلوم اللي ترددها=ناسٍ ضعوفن ليامن جيت طاروبي ومالي ومال الكدوش اللي تلاجدها=مدام عقلي معي وأميز إدروبي جميل جدا الاستطراد في مالي ومال افاد بيت مالك ومال مرتبط بما قبله بشكل مباشر أعرف هالأشكال وأعرف وش مقاصدها=لو كان لاجيتهم فزو وحيوبي ذكرني بمقولة بندر القسامي: من كثر ماجربت واقبلت وقفيت =كلمة هلا من لايودك مهونة خلاصة هذا البيت ربما تكون مغزا بيتك من يفرح بزلتي ماهوب واجدها=أدرى مواجيب خلاقي وماجوبي ومن فضل ربي وجيه الناس ما أعبدها=ولا تلبسة ثوب العز مقلوبي أقول وأطول والنضرات مبعدها=ماني قريب مدى وأناظر إجنوبي ولا آرد عدودٍ كثير الناس تاردها=أتعب على لقمتي وأشقى لمشروبي إديارن أصبح بها وديارن أهجدها=والرزق عند الولي والأجل مكتوبي مريت كل الدير وأعرف مساجدها=لأدى فريضه ماجيت أنفض إجيوبي كرامتي غاليه والنفس أجاهدها=لو إن الأيام حطت دوبها ودوبي لعل يكون تساؤل اقتباسي للابيات سويا ولكن لشدة ترابطها وهي تحوي تمجيد الشاعر لنفسه لذا هي تعبر عنك انت شخصيا ولايخفاك بانها احترافية بتمجيد النفس قد تكون مطب لاحد الاشخاص من طاوع النفس والأرياء توسدها=ولا عاد تفرق معه غالب ومغلوبي فعلا كاني استحظرت هذه الاية(ختم الله على قلوبهم) من يطاوع النفس يصاب بعمى القلب ذكاء شاعر يستحق الاشادة واللي يميز بصادرها وواردها=يبعد عن أهل الجرب لايصير مجروبي (من عاشر القوم اربعين يوم صار منهم) اسقاط لحكمة مرتبطة جدا جدا بالقصيدة وأهل الحكي ما يشرفني تواجدها=ولاني على رفقة الأنذال مغصوبي اهل الحكي : المقصود هنا المعنيون بالقول فقط والفقراء بالافعال ومن يسعون بالنمة مازلت تمارس اسقاط الحكم المترابطة مع القصيدة أبرهن السالفه بالفعل وأسندها=إن جيت محسوب وإن قفيت محسوبي هاذي علومي وأنا أخوك وتفقدها=والله يسامح خطاك ويغفر إذنوبي رغم نهيك في الابيات الاولى عن الاستناد على كلام الاصدقاء عدت هنا وامرته بالتاكد من صحتها الشطر الثاني: لا اعلم ماهو الخطا ولكن قد يكون سؤال مبنية من اجله القصيدة نطر لطريقة الطرح الموجهة لشخص ما باقي الابيات مطرزة بالابداع ويكسوها الاعتزاز باختصار: كلك شعر كلك احساس كلك ابداع تقبل مروري (صقر)

يامرحبا أخوي صقر المراجل وعتاب مثلك وشرواك على العين والراس
وتقبل هذه الأبيات من قصيده طويله لأخوك الرحال

باب المعاتب بين الأصحاب مفتوح=ولا العدى مانيب أداري زعلها
لا تبتسم لي يا أبيض الوجه وتروح=كل العلوم اللي بخاطرك قلها
خل المجامل مالنا فيه مصلوح=الله خلق كل النفوس وكفلها

وسلامتك نرجع لمحور حديثنا وهي القصيده إستمتعت وتشرفت كثيرأ بتمعنك في القصيده وشرحك لها كأنك من كتبها
لله درك هذا المطلوب ومطلب كل شاعر من جمهوره الله يكثر من أمثالك والغربي قبلك قال
ربما تكون بطياتها قصيده أخرى ولكن لم يوضح وأنا أقول ربما يكون ذالك
والقصيده هاذي سالفتها سالفه ولو أعلمكم بها أحرقت القصيده
ويوم أقول الله يسامح خطاك ويغفر إذنوبي
خطاه إن صدق في قبل يعرفني
من عرفهم على حقيقتهم بعد معرفتي
ما أقول إلا الله لايهينك شرفني تواجدك وتوضيحاتك وإطرائك الجميل
وبالنسبه لقولتك إحترافيه أهديك قراءت الأبيات الشطر
الثاني قبل الأول وهكذا وأنت شاعر
ومتذوق وناقد ومبدع ولك شكري وتقديري على هذا الحظور الجميل
وصح الله بدنك وفكرك وتقبل جزيل الشكر والتقدير
أخوك عزيز الشدادي