أبيات قديمة

لا والله الا عتم الجو تعتيم=لاتنشدون اللي تعكر مزاجه
الشك خلاني على وجهي اهيم=مع الربع والفكر فيه اندلاجه
ياريم من حقك علي الملازيم=لبحث ودور واحتري كل حاجه
مانلبس البسام ولا المراسيم=حتى نعرف اللي حصل للخواجه
الله كريم ويظهر الحق ياريم=وبحكمته يجبر كسور الزجاجه
حنا بدار اللي على شعبهم غيم=خلو قراح الماء يجي من هماجه
ال السعود فهود ماتقبل الضيم=على الرفيق اللي مفلي نعاجه
عمي سكب بنزيم في وسط برسيم=وتصايحت وسطه فروخ الدجاجه
صمم يجيب حقوق الايتام تصميم=ماجا يضيع صيدته في عجاجه
لانه رجل عند المهمات وفهيم=فاهم ولا تمشي عليه العواجه
من حنكته طلع جميع الجراثيم=الله واعلم كان طفو سراجه
تقاسمو رشاوي السحت تقسيم=اللي ربت على الحيل والسماجه
يدس سمه في العسل بالتباسيم=وجهه بشوش وسمح والقلب صاجه
لابد من يوم يجي سين مع جيم=ولا يموت بحسرته وانزعاجه

حياك الله يا أبو محمد
والله يسلمك ويبارك فيك
الأبيات قمة وطيبة جداً
ولكن ما ذكرت لنا من هو صاحبها؟

صح لسان قائلها أخوي أبو محمد
والله يعطيك العافيه
أبيات جميلة ورائعه

صح لسانك يابن العم

ورحم الله عبدالله بن حديّد وأسكنه فسيح جناته

شكرا لجميع اعضاء المنتدى
وزواره والقايمين عليه هذا المنتدى اشبهه بنهر النيل اللي يزوره مره يعود له كل مره

صح لسان الشاعر
والله يعطيك العافية يا انحش جيتك
تحياتي لك

قصيده جزله تستحق الشكر عليها حفظك الله