الجادل اللي يهز القلب طاريها<<<<مصافحه اولى انشالله تحوز على رضاكم

السلام عليكم ورحمه الله وبركاته
اخواني اعضاء منتدى الشدّادين هذي اول مشاركه في هذا القسم
وانشالله انه تكون البدايه الحقيقه في مجال الشعر من منتدى الشدّادين
وانا تراي مبتديء اعذرونا على القصور وامل ان تحوز على رضاكم انشالله

الجادل اللي يهز الــقــلب طـــاريها = من فارقتني وانا ضايق وتعباني
من عقب ماروحت والنفس مشقيها = حالي تردى وفكري اليوم حيراني
هو ليه انا بس ازعلها وابكيها = صحيح في حقهــا تراي غلطــاني
من يوم فرقاه دموع العين اداريها = واخاف بين العرب تفضحني اعياني
واذكر ليالي غرام كنت امضيها = يومن قلبي معه والحال طرباني
والحين انا حالتي ماقدر اجاريها = يروح ليلي وانا طايح ومرضاني
لا طول غيابها ماني بناسيها = وهي بعد غصب عنها ماتناساني
وان عودت للغلا تراي مغليها = حبه بقلبي تملّك كل وجداني
ياشينها لحظه الفرقا ما ادانيها = كلن يحط الغلط في عاتق الثاني
لكن ابى اروح ادورها واراضيها = واقول ياهيه بس ارجع علشاني

وسلامتكم
اخوكم / نواف الشدّادي

		المشاركة الأصلية بواسطة : اقتباس
	وان عودت للغـلا تـراي مغليهـا=حبه بقلبـي تمّلـك كـل وجدانـي ياشينها لحظه الفرقـا مـا ادانيهـا=كلن يحط الغلط في عاتـق الثانـي لكن ابى اروح ادورها واراضيهـا=واقول ياهيه بس ارجـع علشانـي

صح لسانك ولا هنت يالشاعر .. جمااااااال لا يضاهى.

ياشينها لحظه الفرقـا مـا ادانيهـا=كلن يحط الغلط في عاتـق الثانـي

أخي نواف صح لسانك

قصيدة بالفعل في قمة الروعة

أخي نواف أرجوا من الأستمرار بمثل هذه القصائد

من يوم فرقاه دموع العين اداريها = واخاف بين العرب تفضحني اعياني

الله يحييك ياولد العم ونتشرف بوجودك بيننا في منتدى الشعر الشعبي

وقراءة ماتطرحه من قصائد وكلنا نتعلم من بعض وانا اخوك.

اخوي نواف صدر البيت المقتبس ماني مرتاح له وقد يكون سليم من ناحية الوزن إذا

تجاوزنا وخففنا بعض الحروف

في كلمة( فرقاه) بس اشوف انها تسوي تكه في القراءه العاديه للبيت.

وش رايك نبدلها بكلمة (قفا)بحيث يكون:

من يوم (قفا) دموع العين اداريها.....او سبة فراقه دموع العين اداريها .

والله يحييك يانواف وصح لسانك وننتظر جديدك

شكرا على مرورك اختي المستحيل وصح بدنك

صح بدنك اخوي البرنس وشكرا على مرورك

شكرا على مرورك اخوي ابوراكان وصح بدنك
بس ابو ركان بالنسبه للصدر البيت انا متأكد انه مو مكسور لان ملحن القصيده على عده الحان وماتبين لي الكسر وانا معك على انا نخفف من الحروف علشان يزبط البيت بس انت لحنها وشوف اذا مازبط اللحن معك فكلامك صح
وشكرا على التنبيه

صح السانك اخوي نواف الشدادي

على القصيده الرااااااااائعه

صح السانك اخوي نواف الشدادي

على القصيده الرااااااااائعه

صح بدنك اخوي ابو عزه واشكرك على المرور