|
||||||||||||||||||
تحيّر العقل الفطين
اقدح ومن راس وقف بين التمرّد والعناد=ابيات تجلي صفحة التاريخ والحكمه تبين بين التفكر والتنكر بالوفا والاجتهاد=واقع ظحك به من جهل ويحيّر العقل الفطين اوضح من اشراق البدر وادق من شوك القتاد=والذ من طعم العسل وامر من مر السنين كم لاح من برق وسرى هلّت هماليله وجاد=وكم نجم في ليله ضوى بشروق شمسه مايبين وش فايدة كرت احترق واثمن منه عود العراد=وياكيف نسقي من شرق بالما وهو باقصى المعين ان هان من كان اعتلا وان شاب طفل في مهاد=وان عاش حي بلا ذرى وان ودّع السعد الحزين كل على نهجه طرق واستهلك القرب البعاد=والله خلق والله فرق والناس من تربه وطين مابين من باع وشرى ضاع المأمل والمراد=وان ما اكتسينا من عرى وش قيمة الكنز الدفين لوهي على شح الموارد ماتهقوينا وكاد=وان هي على زود الطمع كل الخلايق ميتين دارت دواليب الزمن واستدرجت روس العباد=واتواترت والاقرب الله منك يا حبل الوتين نومه بلا قومه تسمى موت وان قالو رقاد=ورجوى بلا تقوى سراب اكذب خبر كم غرّ عين وشرعه بلا قانون تاليها متاريس الفساد=وبلوى على بلوى بحال الجمع تبقى بلوتين اول من اصل المستحيل يحاكم الحي الجماد=ومن المحال ان العمى يقود صف المبصرين سوق المبادي يعلن ان اللي عنينا له كساد=والحرّ بالارض الوسيعه حاير وفيها سجين امانعاكس سيرنا والا بدرب الانقياد=والا انتهاج المعضله والا نصفّق باليدين تنحاز روس اموالنا ويخمها سوق المزاد=والكسب يالجهد الجهيد بذمة الراعي رهين ماباقي الا تصدق الاحداث ويباد الجراد=واذا انقطع عقد الخرز تناثر العقد الثمين تتلاه ضدات الزمن ويبور مخزون العتاد=ويرخص نبا غالي الثمن ويخوّن الحر الامين وتشح مدات السّخا ويسود مفهوم الهجاد=وتجلجل اجراس الزمن ويوافقه ختم الجبين كم من موازين اخفقت واختل صلب الاعتقاد=واتلاه كفه مجحفه من عقب عدل الكفتين
|
13 Dec 2013, 02:48 PM | [ 2 ] | ||||||||
مؤسس شبكة الشدادين
|
رد: تحيّر العقل الفطين
الله الله يا أبو فهد شعر كبير وتغرف من بحر وشاعر أكثر من مميز وجزل لا هنت وصح لسانك والله يبيض وجهك |
||||||||
|
|||||||||
13 Dec 2013, 07:41 PM | [ 3 ] | ||||||||||||||||||||||||||||
شاعر
|
رد: تحيّر العقل الفطين
وصح بدنك وارجو ان يكون وصف وافي لواقع نعيشه جميعا في وطن ينعم بالخيرات ولازال يطلب منّا المزيد نسأل الله السلامه شاكر لك اخي السلطان وفي رعاية الله وحفظه |
||||||||||||||||||||||||||||
16 Dec 2013, 09:18 PM | [ 4 ] | ||||||||
|
رد: تحيّر العقل الفطين
صح لسانك يا شاعرناعلى هذا التألق والابداع لك تحياتي . ... |
||||||||
|
|||||||||
16 Dec 2013, 09:47 PM | [ 5 ] | ||||||||
عضوة متميزة
|
رد: تحيّر العقل الفطين
صح لسانك وَ بيض الله وجهك ................................... |
||||||||
|
|||||||||
17 Dec 2013, 01:46 AM | [ 6 ] | ||||||||
عضوة متميزة
|
رد: تحيّر العقل الفطين
ابيات بقمة الجمال والروعه صح منطوقك وعلى مقامك |
||||||||
|
|||||||||
18 Dec 2013, 08:22 PM | [ 7 ] | ||||||||||||||||||||||||||||
شاعر
|
رد: تحيّر العقل الفطين
تسلمين وصح بدنك وبارك الله فيك ولاهنتي تحياتي لك |
||||||||||||||||||||||||||||
20 Dec 2013, 05:05 PM | [ 8 ] | |||||||
<img border=
|
رد: تحيّر العقل الفطين
كل على نهجه طرق واستهلك القرب البعاد=والله خلق والله فرق والناس من تربه وطين مابين من باع وشرى ضاع المأمل والمراد=وان ما اكتسينا من عرى وش قيمة الكنز الدفين لوهي على شح الموارد ماتهقوينا وكاد=وان هي على زود الطمع كل الخلايق ميتين دارت دواليب الزمن واستدرجت روس العباد=واتواترت والاقرب الله منك يا حبل الوتين نومه بلا قومه تسمى موت وان قالو رقاد=ورجوى بلا تقوى سراب اكذب خبر كم غرّ عين وشرعه بلا قانون تاليها متاريس الفساد=وبلوى على بلوى بحال الجمع تبقى بلوتين تتلاه ضدات الزمن ويبور مخزون العتاد=ويرخص نبا غالي الثمن ويخوّن الحر الامين كم من موازين اخفقت واختل صلب الاعتقاد=واتلاه كفه مجحفه من عقب عدل الكفتين شاعرنا تميزت قصيدتك (تحير العقل الفطين ) بقلمك واحساسك الرائع تبارك الرحمن تقديري |
|||||||
|
||||||||
22 Dec 2013, 04:40 PM | [ 9 ] | ||||||||||||||||||||||||||||
شاعر
|
رد: تحيّر العقل الفطين
وبارك الله فيك ولاهنتي |
||||||||||||||||||||||||||||
22 Dec 2013, 04:43 PM | [ 10 ] | ||||||||||||||||||||||||||||
شاعر
|
رد: تحيّر العقل الفطين
وصح بدنك وبارك الله فيك ولا هنتي |
||||||||||||||||||||||||||||