عاداتنا في أحضان الحجاز/ وخاصة المدينة المنورة ومكة المكرمة

ب النسبة للعاداتّ والتقاليد الحجازيَّة ,, في الأفراح ,, طبعا الأفرَاح الحجآزية معروفة ب روعتهَا إللي محد يقدر يوصفها أول شيء يجي إبن الحلال ويحط البنت ف بالُه ,, ويروح لأمُـه ويقولها بدي أخطب فلانَة من الناس ,, ف يجتمعوا الرجال إما في بيت أهل العروسة المحروسه ,, أو في الحرَم المكي ,, أو المسجد النبوي << حآليآ نادرا مايملكوا بالحرم ,, وبس يكتبوا الكتآب ,, يعني بس عقد قران مَـ يحضره إلا مؤذن ,, وإتنين شهود والعريس وأبوه وأخوانهَ وأبو العروسة وأخوانها ,, وبعدين يعملو عشا للرجال في بيت العروسه ,, ويوزعوا فيه هدايا [ علب المِلكَة ] ,, وبعدها يسووا حفلة ثانية يسمونها [ الشبكَة ] ,, طبعا بعد الملكَة وبعد عشا الرجال ,, وفيها يجي العريس ويلبس العرُوسة الدبلة ,, وهيا كمان تلبسه ,, الشبكة إما تكون مختصرة بس لأهل العروسين ,, أو تكون كبييييرة مره تكون ف قاعة أو إستراحة كبيرة ويعزموا عليها الأقارب والأصحاب والأحبآب ,, وطبعن تكاليفها من إلى تكون على راس أهل العروسة ,, كووول شي من طاولات ,, على بطاقات الدعوة ,, على الكوشة وزينتهاَ ,, وشيء أكيد إنو عروستنآ مـ تلبس فستآن أبيض تلبس أي لون غيير الأبيض زي الوردي أو العنابي أو أي شيء تحبه ,, نجي للزواج ,, أول شيء عندنا حاجة يسمونها موكب العريس أو [ التشريعه ] يقوموا فيها أصحابه أو أقاربه ويزينوا سيارته ويخلونها زي الأنتكه مره خطيرة عروسه بحد ذاتها ههههههههـ ,, وهذي صورة لإحدى السيارات الحجآزية ليلَة الزواج ,, ويبدوا يزفوه ليييين قاعة الزواج ,, يسووا مهرجااان كبير يعني يبدوا يدقوا بواري ويطلعوا روسهم من الشبابيك ويزاعقوا ب إسممه ,, ويوصلوا القاعة ب سلآآآآم ,, و يبدا المجس والمواويل الحجآزية والمزمار طبعن الموال يكون عبارة عن أبيات شعر يمدحوا فيها العريس وأهله وأهل العروسه كمان ,, نجي عند الستات ومـ أدراك مـ الستات ,, أول شيء ليلةَ الحناء يبدأوا يحنوا العروسة أو يحنوها ف ليلَة ثانيه نسميها [ ليلة الغمرة ] في هذي الله طبعن تكون ف بيت العروسة ,, ويحطوا كذا طراحة أو مفرش مع مخده مطرزة بنفس اللون ,, ويحطوا قدامها ستارة طويلة ,, وتجي عروستنآ وتقعد فيها يعني تسمع الأغاني وكل حاجَة بس مـ تطلع قدام الناس وتجيها الحناية وتحنيها ,, بعدين يضيفوا المعآزيم بشيء إسمه [ تعتيمة ] وهذي حلويات قدييييييمه مشهورة عند أهل الحجآز وهيه [ اللدو - اللبنية - الهريسَه - المفروكَه ] ,, ويحطوا كمان خبز الشرِيك وجبنة وزيتونَ وباقي النواشف الخفيفة وف نهاية الحفلة يزفوا العروسة وهيا متغطيه يعني محد يشوفها ,, تكون لابسه الثوب التراثي " الثوب الخليجي زي اللي زمان نجيبه بالمدارس اذا كان فيه حفل ههههههههههـ ,, ويكون لونه احمر وذهبي او اخضر وذهبي ,, وتلبس ذهبها كله من راسها لرجولها تكون ذهب ,, وطبعن تكون متلثمه بس مطلعه عيونها ,, مرررررررره احوووب الليله هذي ,, بس ماصار الكل يسويها ,, ويرموا عليها الحلويات والفلوس وحاجات حلوه وبسيطة ,, وليلة الفرح ,, اول شي بعيشكم جووو الليلة ياام العروسة الله يتمم هناكي الليلة ليله سعيدة والحبايب معاكي الليلة ياام العروسة الله يتم سرورك الليله ليلة سعيدة والحبايب يجوكي ويلو عريسنا جانا بدفعو وطيبو ... ويلو يا عمتو يم العروس رحبيبو العروسة ف فرحها طبعن تلبس أفخم الفسآتييين أما الستات الكبآر ف يلبسوا حاجآت زي [ المحرمه - السدرية - المدوره ] ,, الحيآه الاجتماعيه ,, التكافل الاجتماعي ,, والحياه الاجتماعيه ,, والعلاقه بين الجيران من ارووووووووع مايكون بالحجاز ,, طبعن مااقول هالكلام لاني حجازيه وقسم هذا وااااااقع ,, يغلب عالحجازيين بصفه عامه الهدووء ,, وسعة الصدر ,, ونآدرا ماتجد سرعة الغضب واذا كان في احد جديد بالحاره تعالوا شوفوا الترحيب كيف وحفاوة الاستقبال والكرم والضيافه ,, الحاره كلها تعرف بعضها ,, والغريب بيكون مميز ,, والانظار تتجه عليه الين يشوفون وين مراده ووش يبي ..!! في شي قالته لي امي مررره عجبني بقووله لكم ,, تقوول انو كان زمان اذا فيه ست بيت محتاجه شي من برآ مخبز ولا خضار ,, تعلق قفة على الباب أو في واحد من شبابيك البيت من برى ,, ويجي واحد يكون خارج من بيته مثلا رايح مسجد ,, عمل اي مكان يشوف الكيس يجي ويهزه وهوه ينادي بصوت وآطي " يآاهل البيت " ,, ف يجيه صوت الست من جوآ تقول بالكيس مثلا 10 ريال ,, جيب فيها المقاضي ,, طماطم باميه ,, كزبره ,, .... وخلي بالك تكون بايته نقيها زي ماتنقيها لاهلك ,, ويروح اخونا سوق الخضار ويشتري لها اغرضها كأنو يشتري لاهله ,, ويرجع للبيت يسلمها طلباتها ,, ويسألها ,, وصل كل المطلوووب ..؟! ,, وتقول له " جزاك الله خير " ,, مررررررره شي راااائع ,, تتوقعون لو بسويها هالايام احد بيعطيني وجه هههههههههههـ ,, مااتوقع ,, يامحلى ايام زمان ,, اهل مكة حمام واهل المدينة قماري .. واهل جدة غزال والطايف اهله كناري يابنات الغربيه ياجوهرات العمايم .. ارحمو ذا الغريب اللي على الباب نايم طحت في بيركم وارمو عليا ثيابي .. والدوا عندكم لا تحرموني شبابي والبديوي يقول مطعون باربع جنابي .. واحدة عن يميني والثانية في فؤادي ثالثة عن يميني والرابعة من يساري .. من يذوق الهوى ما يرقد الليل ساري الاكلات الشعبيه بالحجاز ,, يشتهر المطبخ الحجازي بالعديد من الاكلات والمشروبات من العلامات المميزه للمنطقه لتنوعها وكثرتها ,, بحكم المدن المقدسه بالحجاز وكثرة الزوار والحجاج القادمين من كافة بقاع الأرض ,, اصبح طعامهم ايضا خليط من اطعمة تلك الشعوب القادمين للحجاز ,, وراح نستعرض بعض الاطعمه الشعبيه لانه لامجال لحصرها لكثرتها ماشاء الله علينا ,, منها الرمضانيه ومنها مايقدم بالاعياد ومنها اللي تقدم يومياً ,, الارز البخاري,, والارز الكابلي ,, الصياديه ,, السليق ,, والمعدوس ,, والهريسه ,, البريك ,, واليغمش ,, والمنتو ,, والشريك ,, واللغمن ,, والفرموزه ,, والمحجوبه ,, والسمبوسك ,, والتقاطيع الزلابيه ,, والقطايف ,, الاقر ,, والمشبك ,, واللبنيه ,, وحلاوه لدو ,, والششني والتعتيمه ,, والكنافه ,,والطرمبه ,, والقطايف ,, والغريبه ,, ولقمة القاضي ,, والبليله الدبيازه ,, ام الايسكريم تبع زمان كان بالمدينه يعملو شراب الفيمتو ولا السن كويك ويثلجوه او يبردوه تحت الخيش ويسموه تمتيك ,, وبمكه يسموه دندرمه ,, طبعن الحلويات اهمممم شي اللدووو والبنيه ,, والمحل المشهور محلات ابو نار بمكككه ,, خرااااااااااافه ,, وننزل مكه دايم عشانها ,, السليق صيادية الفرموزه فتوت البريك البف السوبيا الششبرك باللبن الششبرك بالطماطم المقلقل با اللحم الاقر العيش باللحم المعصوب المنتو لقمة القاضي حلاوة لدو الششني الكنافه وكانو زمان يعملوها بالتنور .. السمسميه الحيسه الهريسه السقدانه الششني سد الحنك اللبنيه وجنبها حلاوه لدو.. الدبيازه وهذي تقريباً الحلى الوحيد اللي إندثر إلا ماندر في بعض البيوت وماتتعمل غير بالاعياد خصوصاً عيد الفطر وخلاص أستبدلوها الحريم الكسلانات بالشوكالا ,, بس والله للحين احنا نسويها بالعيد " هذه الاكلات الشعبيه الحجازيه ,, ومازالت تقدم بالمناسبات ,, وانا ماستعرضتها كلها لانه مافيه مجال لعرضها وطريقة عملها ,, ونسيت اقولكم عن الدًوقه المديني ,, وهذه بالذات مايمتاز فيها غير أهل المدينه ,, دون الحجازعامه وتقدم على السفر الرمضانيه مع الفول والروب وكمان مازالنا نحافظ عليها ونحبها ونحرص على على شرائها أو عملها بالبيت ,, تحياتي لكم

ماشاء الله ياغزل موضوع رائع كروعة حظورك
عادات نصفها إندثرت إن لم تكن جميعها

مشكوره خيتوا على هيك موضوع متكامل

موضوعك بطل
عاداتهم بالزواج خوووووقاق


^
ودي اذوق هالمنتو بس للاسف الين الحين ماقد اكلتو
تعزميني خخخ


تسلم اناملك غزل

موضوع رائع وجميل أختي
غزل عسير
ويعتبر بحث متميز
عن هذه المنطقة الغالية والهامة جداً من بلدنا
تسلم يديك والله يعافيك وألف شكر لك
يتم التقييم

أخي الغريق شكراً للمرور الاكثر من رائع أنت راقِ في كلامٍ تخطه دائماً ومميز في كل ماتأتي به شكراً لك اخي العزيز تحيتي لك

بارك الله فيك غزل

موضوع قمة في الروعة

رووووووووعه
بس السوبيا ليه لونها كذا ؟؟

وبعدين المنتو شهيتيني فيه هو وعيش اللحم
مشكوره يالغلا

شقاوة روح فديتك يا الغلا نورت ...... شكراً لك ولمرورك المميز تحيتي لك اخي أرحبي فديتك وذوقي كل الأكلات الحجازية

أخي السلطان على أجنحة ألتقدير تسافر بي الحروف نحوك. نحو إبداع ممتزج با التفاني وحب العطاء وأرخي سمعي لعزفك المنفرد على أوتار العذوبة مروركـم على أحرفــي يجعلني أصل الى قمة الإستمتاع قراءة ناصعة الأناقة منكم و ثناء يحملني للسحاب الحالمون يصعب عليهم الرضوخ تحت أشد الأضواء سطوعاً تأبى أرواحهم إلا التعلق بأعطاف خيال وردي روحانيتهم الجميلة تظل تغرد وحدها في سماء الواقع وماذا يمنع أن تنجو من كل ما يعصف بها ؟ اللامحسوس و القادم سيكون أجمل فهذا ديدن البساطة سهل على القلوب هضمها و على الأرواح تشربها تألفها المشاعر بسهولة و يستسيغها وجداننا كالشهد كذاك كان ردكـم اخـــــــي ومعلمي ومن أحاول أن اقتبس منهم بعضا من صفات في التميز وحب العطاء دمتم لنا منارة نستدل بها على كل ماهو مفيد ونكون عند حسن ظنكم دمتم بعز

متلهفة للتقى فديتك يا الغلا نورت ...... شكراً لك ولمرورك المميز تحيتي لك أختي