سهم القصيد يناديكم

يالله عساكم بخير وعز في كل عام = الرجل ياربع تحمي لحيته شاربة

الشاعر اللي يبيها مثل ضرب الحسام = يقدم وانا أعطيه بالشلفا على غاربة

يا مرحبا عد ما ناضت بروق الغمام = والضاويه ضاويه والهاربه هاربه
يا مسحل أرتاح مابه حرب وألا خصام = خل المعاني طريّه ماهي امضاربه

لا يدخلك جهلك المشؤم وسط الزحام = في بر تحت السماء والطير ماطار به
وان كان صاب الفكر لذعة وجاه انحسار = احذر تجي عندك الاقوال متضاربه

صحت ألسنتكم
بيض الله وجيهكم وعساكم على القوة

مستمتعين بهذه المحاورة

يا سلام يا سلام هوشة شعار

حاتم أختار لك واحد وصف معه وانا بعد بأختار القوي

ههههههههههه


صح إلسانك يا سهم القصيد

وصح إلسانك يا بن زايد

وبيض الله وجيهكم

ياليت بعض العرب يختار زين الكلام = حتى يجي مثل قصر ٍ نارت كهاربه
يا مسحل الصقر ما يشبه فروخ الحمام = وأنا قريبي يا أبو زيّاد ما احاربه

حاتم الشدادي

بندر النايف

حياكم الله يالغالين وحضوركم يشرفنا

يا هلا والله بعيال العم
سهم القصيد وبدر بن زايد
مواجهة حامية من أولها
استمرا فنحن نتابع ونشجع
وبالله التوفيق

السلطان

مرحبابك يا أبو نورة وشرفتنا

يافيصل انته علامك لاتصح النيام = مافيه طلبة وكل يبحر بقاربه
ترىالجمل مايقرط بالسنون السنام = لولكان جا فرك خشم وشفتها خاربه