غلاء الأسعار ... محاورة شعرية بين تركي الميزاني ومستور العصيمي

محاورة بين الشاعرين الكبيرين

تركي الميزاني
و
مستور العصيمي

عن غلاء الأسعار ومناشدة خادم الحرمين الشريفين الملك عبد الله بن عبدالعزيز
نقول عسى أن تصل رسالة هالشاعرين

تركي الميزاني

ياملكنا معي أمانة شعب وأحملها رساله =والرسالة عاجلة والشعر سامي وأنت سامي
الرواتب ما تكفي للإجار وللبقالـــه= وأنت تدري نص شعب المملكة جيعان ضامي

مستور العصيمي

كن كما ماكنت ياتركي ترى حالتك حاله = لاتنادي بالأسامي يا منادي بالأسامي
لعبة التجار ماندري غبى وألا جهاله = خلها تصبح قصيدة مثل ما قال الزلامي

تركي الميزاني

ارتفع سعير الشعير وهمّل الشاوي حلاله = وابتلشنا كلبونا من حرامي في حرامي
ليت ابو متعب طلوع الشمس لا ميّل عقاله = يذبح التاجر قليل العرف ملعون الرسامي

مستور العصيمي

ما لعب في سوقنا غير التستر والعماله = كيف انا بسمع كلامك وانت ما تسمع كلامي
انظروا في وضعنا تكفون يا اصحاب العداله =لو نشق إثيابنا ما عاد يلحقنا ملامي

تركي الميزاني

الفقير اللي عليه ديون مايصرف عياله = والخروف بقيمة الحاشي يا لو ماله سنامي
ساعدونا يا عيال العود واصحاب الجلاله = والله ان الناس تعجز فالشراب وفالطعامي

مستور العصيمي

من يجيب ومن يودي والرشا فوق المحاله = اقبلوا دعواتنا والنور أخير من الظلامي
انتبه ياتركي الألفين والدعوة سهاله = لا يموتن العروق ولايطولن النوامي

تركي الميزاني

قد كلينها من الأسهم وكلن راح ماله = يا ملكنا مابقى غير اللحم فوق العظامي

محاوره جميله مشكور عزوز ع الموضوع الرائع

الله يعين يا أبو عزّة
المحاورة في محلها
والوضع مأساوي ومن دون في دون
لكن عسى الله يزين الأحوال
وصحت ألسن شعرائنا الكبار
ولا هنت على الاختيار

محاوره قويه
ولكن وين اللي يجيب النداء
وفقت في نقلك

مشكور على النقل الرائع


الله يعطيك العافيه

عزوز جزل وماتجيب الا الجزل

بيض الله وجهك

وصح السان الشعار

والله انهم صادقين لاكن وين اللي يوحي الصوت

الله يزينها على الشعب وتزين=ولا يخربها على الشعب كله

صح السنتهم
وبيض الله وجيهم
محاوره قويه

والله يعطيك العافيه اخوي عزوز

أسعدني تواجدكم جميعا

والله لايهينكم على الحضور الرائع

تحيتي لكم

شعراء كبار وصحت ألسنتهم

مايصيحون إلا من الشيئ اللي حاصل وكلنا نصيح منه

الله يعين ويستر الأحوال

سلمت أخوي عزوز على نقل المحاره