|
||||||||||||||||||
قصيدة في إجتماع قبيلة الشدادين
السلام عليكم ورحمة الله وبركاته .. قصيدة ألقيتها في إجتماع قبيلة الشدادين الذي أقيم في قيا بـ ديوانية خامس البدوه مساء يوم الجمعة الموافق 3 / 2 / 1435هـ ..، يالله يا رب العباد اللي لك الأمر المطاع = يالواحد اللي عالم ٍ غيب الليالي والسنين فيصل بن مهرس
أبدا بذكره وأستعينه قبل لا أفّل الشراع = عساه يرحمنا ويهدينا دروب الصالحين دوب أستوى بدع المثايل وأحتمى صدري وفاع = وجتني هواجيس الضماير من يسار ومن يمين وقمت أتنقّى الزين في سوق المشاري والمباع = وأنا عوايد هاجسي ما يقلط ألا بالسمين ومن يوم ما قالوا ترى عند الشدادين إجتماع = ما عاد لك شرهه على الأيام يالقلب الحزين يا راسي أفخر وأنتصب وأرقى النوايف والرفاع = لك عزوة ٍ دايم مواقفهم على الشده تبين ربعي ليا صاح المصيّح وأرتعد رخو الذراع = يردون حوض الموت ميراد الظمايا الهالكين بالرمح والسيف الحدب والمارتين إلها لعاع = يثنون في يوم الملاقا دون جرعات الحنين وعاداتهم ما يذبحون ألا المفادي والشجاع = كم فارس ٍ خلوا هله فوقه يجرون الونين على جرايرهم يعيش الطير وتعيش السباع = تلقى عشاها عقب مركاض ٍ يشوق الناظرين وترعابهم سحج العشاير لا نشى الوسمي وماع = ما كفّه الربع الخلاوي لا حدود الرافدين وإن زارهم ضيف العشاء يلقى الكرامه والشباع = العود والبن اليماني عقبها سمن وسمين والجار يآمن في ذراهم لا بوار ولا خداع = من دونه الأرواح ترخص كنه بحصن ٍ حصين فعل ٍ عليه شهود ما قلته خيال ٍ واصطناع = يشهد لهم نجد المسمى والقبايل شاهدين يالآد شداد أسمعوني والخبر لازم يذاع = تكفون خلوكم على سلم الجدود الأولين تكاتفوا ترى التكاتف زين والفرقه ضياع = واللي يجنب عن بني عمه خسر دنيا ودين إليا تصافينا خذينا من ورى الباعين باع = وإليا تفرقنا غدينا عرضة ٍ للشامتين والرأي نبغى الرأي واحد ما نبي كثر النزاع = نمشي على رأي ٍ سديد وندحم بجنب ٍ متين ونكحل عيون اللي يخايلنا ورى ذاك الرواع = وجه ٍ بغيض وعادته يفرق خدين ٍ عن خدين الله ياكم واحد ٍ ودّه تضيق بنا الوساع = قلبه ملاه الحقد ويحاول بنا في كل حين لكن حنا لا بدا اللازم وشانن الطباع = عاداتنا من دون هيبتنا نهول الهايلين نثني رقاب القوم والصعبه تجي معنا طواع = وعزومنا لا لان عزم أهل السناوي ما تلين يالآد شداد أسمعوني والخبر لازم يذاع = تكفون خلوكم على سلم الجدود الأولين والجاهل اللي ما يميّز في الثنيه والرباع = ما تلحقه شرهة رجال العرف وأنتم خابرين واللي ليا منّه بدا اللازم تعذّر بالصداع = خلوه يقعد ما ورى كوبان حب ولا طحين تم الكلام وبارك الله في ليال الإجتماع = وصلى الله وسلم على وجه النبي الهادي الأمين
التعديل الأخير تم بواسطة شيهانة المرقاب ; 16 Dec 2013 الساعة 09:02 PM
سبب آخر: تنسيق الابيات
|
16 Dec 2013, 08:23 AM | [ 2 ] | ||||||||
مراقب عام
|
رد: قصيدة في إجتماع قبيلة الشدادين
سمو اﻷمير فيصل بن زائد بن مهرس صح لسانك وبيض الله وجهك شاعر وتملك القوة الشعرية حتى أننا ﻻنمل من تكرار قراءة القصيدة واﻷستمتاع بجزالتها الشعرية. وفقك الله. |
||||||||
|
|||||||||
16 Dec 2013, 08:34 AM | [ 3 ] | ||||||||
مؤسس شبكة الشدادين
|
رد: قصيدة في إجتماع قبيلة الشدادين
لا هنت يا فيصل ما قصرت وصح لسانك |
||||||||
|
|||||||||
16 Dec 2013, 06:28 PM | [ 4 ] | |||||||
<img border=
|
رد: قصيدة في إجتماع قبيلة الشدادين
صح لسانك لاخلا ولاعدم لك شكري وتقديري |
|||||||
|
||||||||
16 Dec 2013, 07:59 PM | [ 5 ] | ||||||||
|
رد: قصيدة في إجتماع قبيلة الشدادين
لاهنت على القصيده قـواك الله يا شاعرنا |
||||||||
|
|||||||||
16 Dec 2013, 09:00 PM | [ 6 ] | ||||||||
|
رد: قصيدة في إجتماع قبيلة الشدادين
... صح لسانك ورفع شانك شاعر مخضرم ولا هنت والله ونعم فيك وفي قبيلتك العريقه دمت ودام تميزك |
||||||||
|
|||||||||
17 Dec 2013, 01:37 AM | [ 7 ] | ||||||||
عضوة متميزة
|
رد: قصيدة في إجتماع قبيلة الشدادين
باررك الله فيك وصح لساانك قصيده جزله احترامي |
||||||||
|
|||||||||
17 Dec 2013, 10:27 AM | [ 8 ] | ||||||||
|
رد: قصيدة في إجتماع قبيلة الشدادين
صح لسانك
ولاهنت أخوي على القصيدة الجزلة |
||||||||
|
|||||||||
17 Dec 2013, 03:03 PM | [ 9 ] | |||||||
عضو جديد
|
رد: قصيدة في إجتماع قبيلة الشدادين
سلمت هذه القريحه التي حلقت بنا في سماء الابداع بارك الله فيك |
|||||||
|
||||||||
18 Dec 2013, 09:48 PM | [ 10 ] | |||||||
عضو جديد
|
رد: قصيدة في إجتماع قبيلة الشدادين
صح لسانك قصيده رائعه تضهر فيها إبداعك وتميزك الله يوفقك |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|