بيض الله وجه اللواء طيار مسلط بن عايض الشدادي

اخواني واخواتي اعضاء وزوار منتديات الشدادين

اسعد الله جميع اوقاتكم بكل خير

وتقبل الله صيامك وقيامكم

لأن من لايشكر الناس لايشكر الله

فإنني من خلال منتداكم اقول

بيض الله وجه اللواء طيار مسلط بن عايض الشدادي الحارثي

قائد الشرطة الجوية بالقوات المسلحة

حيث وقف مع من كان في حاجة لوقفته

واشهد لله انه تجمّل وكفى ووفّا

حيث جيته في موضوع رجل طيب ووقف معه وقفة مشرّفه

مع ان المواقف المشرفة طبعه وعوايد ربعه

الا ان شكره واجب

لذلك احببت ان اشكره هنا

القصيده التي ألقيتها امامه اقول فيها

يامسلط الطيّب من الناس شرواك= نجيه لاضاقت علينا الوسيعة
واليوم ضـقـنا وابتلشنا وجيناك= جيناك في موضوع مانستطيعه
ولولا الثقة في وقفتك مانصيناك= طيّب وجار ومن بيوتن رفيعه
منصبك واصلك واتزانك ويمناك= للمنتخي مثل الحصون المنيعه
واليوم جينا فاللزوم ونخيناك= ولابيننا اللي محرين بالقطيعه
سقنا الركايب لين راجت على ماك= لاهيب لاضميا ولاهي مجيعه
لكن نبا الفزعه بجاهك وبرياك= فالطيّب اللي سدّوا الناس ريعه
راعي صلاة ويدرك الجزلة ادراك= وابو عيال وعجز حظّه يطيعه
يركض هنا وهناك وهناك وهناك= مثل الذي يطرد سرابن بقيعه
افزع معه بالجاه والله يجزاك= بالخير والطيب صنيعه شفيعه
وختامها هذا هو العلم وعفاك= تكفى ياابن مهرس بما تستطيعه

وسلامتكم جميع
وعز الله ان ابو خالد وقف معه

محمد الدهيمي يعطيك العافيه وصح لسانك الله بيض وجه

اللوا مسلط الشدادي وماهي غريبه على ابو خالد فهو من الرجال اللي فيهم خير

وجزاه خير على فزعته لمن في حاجته

يا هلابك والله يالدهيمي

ومرحبا فيك وكل عام وأنت بخير ,,

وأنت طيب وتستاهل الطيب وصح إلسانك ,,

يستاهل أبو خالد كل خير
ولا هنت أخوي محمد والله يحييك في منتديات الشدادين
نرحب بك أجمل ترحيب ونتمنى لك تواصلاً طيباً معنا

صح لســانك يالدهيمي والله يعطيك العافية
وكل عام وأنت بخيــر

يستاهل أبو خالد العلم الغانم

وبيض الله وجهك يا محمد وأنت من رجال عرف عنهم الطيب والنخوة

صح لسانك ولا هنت يالعاني

محمد الدهيمي يعطيك العافيه وصح لسانك الله بيض وجه

اللوا مسلط الشدادي وماهي غريبه على ابو خالد فهو من الرجال اللي فيهم خير

وجزاه خير على فزعته لمن في حاجته

صح لسانك اخوووي

ومايقصر ابوخالد

ويستاهل كل خير

بيض الله وجه اللواء طيار مسلط بن عايض الشدادي الحارثي

عساه ما يهون أبو خالد ،،،


وصح لسانك يا محمد الدهيمي ،، والطيب منكم وفيكم بعد ..