عيون الجاذبية

تغريده

ياجاهل الاحكام والقبر مترين=وتفضل الرتويت ويا ردوده
مالك عذر ذلحين ياعاصي الدين=افلو للقرني وسلمان عوده
الان سو افلو لا تقول بعدين=افضل من متابع تحاليل فوده

فايز بن مشحن

ياحبيبي ويش تالي هالسواه =كن صايبنا من الناس دعوه
لا مقيم ولا مبيت ولا حياه= كان عاجت بالمواصيل سهوه

فايز بن مشحن

هذا الشهر ماهوب شهر المحطات=شهر الرقاب اللي تعتق من النار
اكرب حزامك جاك وقت المهمات=لاتاكل السفره وتجحر كما الفار

فايز بن مشحن

كتايب الاسلام تفطر على القط= يالله لا تنزل علينا العقوبه
ماعاد نبغى لا مساكن ولا نفط =والناس تذبح والبنيت مغصوبه

فايز بن مشحن

شيمة بدو وسلوم وطبع وعوايد=هي عاير العاقل ولا يحيد عنها
عين وحسد وهياط وسحر ومزايد=حنا بخير ان كان نفتك منها

فايز بن مشحن

عز الله ان الناس منك اتوذى=يالجاهل اللي عشت رهن النميمه
دامك على لحوم الاوادم تغذى=مالك شبيه اليوم كود البهيمه

فايز بن مشحن

هذي شروق الشمس ولا نحرها=غيداء تثنى غصنها من على الغيد
مدري هلال االكون ولا قمرها=بس الاكيد بشوفها نعلن العيد

.فايز بن مشحن

بعض الرسايل والتغاريد تقرى=اما حنين الشوق ولا دعايه
وبعض الرسايل جرحها كيف يبرى=جرحٍ عميق ولا بدى له نهايه

فايز بن مشحن

بعض الاوادم حبهم يحرج احراج=اليا تجاهل جملة الناس لك خص
وبعض الاوادم دبلجة فلم واخراج=خايف على جرحه ليا قلت له اص

فايز بن مشحن

ياعيون الشمس وش باقي وراك=يوم شال الليل ثوبه وانفلق
الله اللي تممك وانتي ملاك=واحسن التصوير يوم انه خلق

فايز بن مشحن