|
||||||||||||||||||
أحلام الليالي
أعزائي أعضاء وزوار منتدانا الغالي اضع بين أيديكم هذه المشاركه آمل أن تنال إعجابكم وإستحسانكم يالله إني في رجاء فزرعتك ياذا الجلال=ياكريم ٍ كل من يلتجي بك مايخيب تفرج لعبد ٍ همومه مثل سمر الجبال=في رجاء عفوك ورحمتك وأنت المستجيب ضاعت أحلام الليالي وعشنا فالخيال=الله أقوى يازمان القراده والنصيب القصيده مثل عذرا ً تباهي بالدلال=ومن عطاها حقها نجمها ماله مغيب أتخير للقوافي معانيها الجزال=لجلها تسهر عيون ٍ عليها الله رقيب صغـتها ماهو طرب من عنى جرح الليال=أشهد إني من عنى جرحها حالي عطيب من عناه العـقل شارف على حد الهبال=والسبايب جرحها اللي سطى عيا يطيب سابح ٍ بالهم ماللفرح عندي مجال=في بحور اليأس وأمـسى الغرق من قريب ودايم أصحاب الرخى مثل كوم من الرمال=ساعة تهب الشدايد عن الناظر يغيب كيف أحقق مطلب ٍ صار لي صعب المنال=عشت في رجواه وسط الوطن كني غريب والسؤال ليا طرحته جوابه لي سؤال=مسأله وأحترت في حلها وأمر ٍعصيب وجور الايام أشتكوا منه قدامي رجال=وكم شباب ٍ لاشكى همها رأسه يشيب جايرات حمولها مابها حيله تشال=بس أنا اللي للهدف رميته دايم تصيب بالصبر قام الجمل قااااااام وحموله ثقال=وساعة الشدات حنا لها والكذب عيب والله إني من رجال ٍ لها التاريخ قال=يصبرون إن جارت حمولهم مافيه ريب مسند ٍ رأسي على العز عمان وخوال=المنايا حوضها نارده ورد القليب والشجاعه تاجها ملكنا في كل حال=عزووووة أجدادي نهار اللقاء سقم الحريب والفخر والعز والجود حنا له مثال=في سجل المجد تاريخنا روضه خصيب والكرم ماحدنا عنه فقر وقل مال=من بغاه الله سهل له الامر الصعيب تركي بن عبدالله بن مشعل بن دابان الشدادي
التعديل الأخير تم بواسطة تركي الشدادي ; 25 Jan 2009 الساعة 04:18 PM
|
04 Dec 2008, 05:31 PM | [ 2 ] | ||||||||
عضو متميز
|
سابح ٍ بالهـم ماللفـرح عنـدي مجـال في بحور اليأس وأمسى الغرق من قريـب ودايم أصحاب الرخى مثل كوم من الرمال ساعة تهب الشدايد عـن الناظـر يغيـب : صح لسآنك ولاهنت يا ابو غآيب .. تسلم يالغالي والله يخليك لنا دمت بخير |
||||||||
|
|||||||||
04 Dec 2008, 05:36 PM | [ 3 ] | |||||||||||||||||||||||||||
شاعر
|
أولاً:
أنت وينك؟؟؟؟ يالليث من أمس اتصل فيك ماترد ثانياً: صح بدنك يالغالي ولاهنت , أتصل لاتقطع ترى القطاعه شينه |
|||||||||||||||||||||||||||
04 Dec 2008, 05:50 PM | [ 4 ] | ||||||||
شاعر
|
ياسلام عليك يابوغايب جزل ولاتجيب اللى كل جزل
قصيدة رائعه لاهنت وصح اللسانك ملايين ننتظر المزيد والجديد لاعدمناك .... دمت بخير أخوك / ,,,, عنادالقاف |
||||||||
04 Dec 2008, 05:56 PM | [ 5 ] | |||||||
شاعر
|
صح بدنك أخوي الغالي أبو ساره وعسانا دائما ً مانجيب اللا الثمين المفيد |
|||||||
05 Dec 2008, 04:43 AM | [ 6 ] | |||||||
عضو متميز
|
أتخيـر للقـوافـي معانيـهـا الـجـزال لجلها تسهر عيـون ٍ عليهـا الله رقيـب صح لسانك يا تركي ويروق لي قصيدك وشاعر جزل ما شاء الله عليك تقبل تحيتي |
|||||||
|
||||||||
05 Dec 2008, 07:35 AM | [ 7 ] | |||||||
|
مسند ٍ رأسي على العـز عمـان وخـوال=المنايـا حوضهـا نـارده ورد القلـيـب
والله والنعم ..
شاعر مبدع وسليل رجال يقف لهم التاريخ أحتراما .. صح لسانك مدد .. وتقبل ودي |
|||||||
|
||||||||
05 Dec 2008, 09:40 AM | [ 8 ] | |||||||||||||||||||||||||||
شاعر
|
مشرفنا الغالي أولأ : أبارك لك هذا الانجاز الذي جعلك محلاُ للثقه فالاشراف على المنتديات العامه ورغم مافي ذلك من مشقه ولكن مالها الارجالها ثانياً صح بدنك أخوي حاتم ولاهنت يالنشمي قصيدي يروق لك بس أشغلك أحياناُ في ترميم وترتيب وتنسيق بعض المشاركات ولكن تحملنا يالليث وتقبل كل الود |
|||||||||||||||||||||||||||
05 Dec 2008, 05:09 PM | [ 9 ] | |||||||
جود القلم
|
الله الله الله
ياتركي صح لسانك مليوون ولا يوفوون فكلماتكـ اخرست الخطيب وانطقت الاخرس تعجباً دمت ودام ابداعك تقبل مروري |
|||||||
|
||||||||
05 Dec 2008, 08:54 PM | [ 10 ] | |||||||
شاعر
|
ماعليك زود يابوسليمان أنت الله يعطيك العافيه أحيان آخذ كم يوم مالك أثر وبلحظه ماأدري ألآ الشريط كله سعود شيك على المشاركات كلها |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فاز من قام الليالي | بادي الحارثي | الشيلات والقصائد الصوتية والمرئية | 10 | 28 Aug 2012 10:50 AM |
أحلام | بسمة | القسم العام | 4 | 28 Nov 2006 03:36 PM |
كبـــــرى الليالي | طالب الجنة | الخيمة الرمضانية | 6 | 15 Sep 2006 03:01 PM |
دورات الليالي | ابن مهرس | قصائد وأقوال وشيلات في الشدادين | 16 | 02 Apr 2006 02:22 AM |
أدوات الموضوع | |
|