قِمّة

ياقلب فرّق بين هذا وهاذيك = هذا مهم وذيك ماهي مهمه
هذا هو المقسوم ياعل يغنيك= وهاذيك فيها ذكرياتٍ خضمه
وضح النقى لاشك يبهر مباديك = لكن ماشفته وفي الجو غُمه
الواكده بان المناشيب تبريك = وان السهاله تجعلك دوم زمه
اسلك طريقن مختصر عود يُضويك= واترك سبل فيها ملاوي وظلمه
في ذمتي لن ماتُسارع خطاويك = أخشى عليك تعيش من غير هِمه
وتروح فرصه ثم ماعاد يمديك = تحضى بعيد الأهل فرحه ولمه
وانا احترم ذوقك واقدر مساعيك = لكني اخشى يجلب الدهر همه
خذها نصيحة صادقن مغرمن فيك= والقاف سمه كيف ماطاب سمه
هذا وانا يادوب فكري يباريك = وانت الذي في كل ماشفت قمه !

كفو والله يا شاعرنا العزيز
أبو حمد
والله يعافيك وسلم يديك
حضور مشرف ومشاركات مميزة
وصح لسانك ملايين

ماعليك زود وعساك سالم وغانم .
صح بدنك وقلبك .

صح لسانك ولاهنت عَ القصيدة الاكثر من رائعه ، شكراً لك ..

.

















وَضح النِقَىَّْ لا شَّكْ يِبهر مبَاديِكْ
وَضح النِقَىَّْ لا شَّكْ يِبهر مبَاديِكْ


حُييتْ أبا حمَّد وَ صَّح الله بوُحكْ عدَّدُ بِلا مدَّد
قَافُ يعتليْ القٍمَّة زاخِر بـِ/ تراتيِلْ منْ النُصح
الوارِفْ للهِ دُركْ وَ لا هِنتْ يَ فاضِلْ

يعطيكم العافية ويصح أبدانكم

"ساره"
كم العدد دامه بلا مدد؟