..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > بحور القوافي
  [ 1 ]
قديم 14 Aug 2011, 05:31 PM
عضو جديد

سعد فهاد الغامدي غير متصل

تاريخ التسجيل : Aug 2011
رقم العضوية : 42186
الإقامة : saudi arabia
الهواية :
المشاركات : 3
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
1000معلقة غامد الهيلا التاريخية 1000 بيت



قصيدة للشاعر مسفر جمعان الصفا الغامدي

لاإلاه إلا الله بها نبتدي = لاإلاه إلا الله بها نقتدي
لاإلاه إلا الله بها نهتدي = لاإلاه إلا الله رب الكاينات
لاإلاه إلا الله الرب الرحيم = لاإلاه إلا الله الرب الكريم
لاإلاه إلا الله الرب العظيم = لاإلاه إلا الله مبيد الطغاة
الله الاسم الوحيد الاعظمي = المهيمن ذو الجلال الاكرمي
السلام المؤمن المقدمي = عالم بكل الامور الخافيات
الحي القيوم غفار الذنوب = المغيث القادر ومنشي النصوب
الحليم المقسط مزيل الكروب = السميع المدرك لكل اللغات
مالك الملك الإلاه الرافعي = كافل ارزاق العباد النافعي
الحكيم اللي لخلقه جامعي = في نهار يذهل اللي مرضعات
الجبار المنتقم من قوم عاد= مهلك امة ارم ذات العماد
ومهلك فرعون وارباب الفساد = وارث كل القرون السالفات
المتين المحصي لكل الامم = الذي علم نبيه بالقلم
الشهيد الخافض الرب الحكم = مسيّر فالبحر سفن جاريات
الرشيد الاخر الفرد الصمد = القدوس اللي عليه المعتمد
الواجد الماجد الواحد لاحد = مرسل احمد بالهدى والبينات
الودود المقتدر وهو الحبيب = الكبير اللي على عباده رقيب
الحفيظ الواهب الرب المجيب = كافل ارزاق النفوس الجايعات
العلي الوالي المتكبري = الواسع المانع المصوري
الرؤف بكل عبد معسري = منزل على الرسول المعجزات
التواب الباري مزيل الظلام =فاتح ابواب الخزاين للانام
المتعالي جابر كسور العظام = الباطن ملجا النفوس المذنبات
محيي الموتى الولي القاهري = للذنوب وللمعاصي غافري
الشكور لك عبد شاكري = منشي انصوب المزون الممطرات
العزيز الجامع الرب المجيد = العليم القابض الرب الحميد
المقدم المؤخر المعيد = اللي بفضله تدوم الصالحات
المميت الباعث الضار القدير = البديع الهادي النور المنير
الملك المبديء الرب الخبير = غافر كل الذنوب الموبقات
القوي الباعث الحق الجليل = الغني المغني العفو الوكيل
المذل لكل افاك ذليل = خالق بروق السحاب الساطعات
الرحمن الباقي العدل الشكور = الباسط الظاهر البر الغفور
اللطيف الرازق الحق الصبور = مرسي اوتاد الجبال الراسيات
خالق الملائكة من اصل نور = وخالق الجن من لهب نار تفور
وخالق ادم من تراب ومن صخور = ثم صوره ونفخ فيه الحيات
جاعل الجنات ماوى الاتقيا = وجاعل النيران مثوى الاشقيا
ومرسل بالوحي كل الانبيا = هادي قلوب العباد الغافلات
ادم اول الانبياءْ والمرسلين = جاعله فالارض خليفه وامين
بامره الوالي إلاه العالمين = منزل سورة سبا والنازعات
وشيث من بعده رسول مرسلا = ارسل بخمسين خط منزلا
بامر رب الكون خلاق الملا = واهتدت كل القلوب الجاهلات
وبعده ادريس الذي ربي حباه = ورفعه باعلى المنازل واجتباه
صادق ونبي ما يخفى نباه = وانقذ الله به رقاب هالكات
ونوح في قومه تعدى الاف عام = وبالسفينه فوق موج البحر عام
واغرق الطوفان كفار الانام = عبرة لاهل العقول الراشدات
وهود بالاحقاف ينذر قوم عاد = عادا الاولى ارم ذات العماد
اهلكوا بالريح في يوم المعاد = كنهم اعجاز نخل خاويات
وارسل الله صالح لقومه ثمود = فكذبوه وزادوا عْناد وجحود
فاهلكوا بالصيحة بيوم الوعود =ما بقى الا اخبارهم متداولات
وارسل ابراهيم بعده بالهدى = محطم الاصنام ومذل العدى
وصانه من النار في يوم الردى = وبالوحي احيا القلوب الميتات
ولوط مبعوث الى قرية سدوم = قرية فيها خبيثين العلوم
شالها جبريل من تحت التخوم = وصارت اعلى بيوتها فالسافلات
ثم شعيب لقومه المطففين = اهل مدين الطغاة الظالمين
جاتهم الرجفه وصاروا جاثمين = بسبعة ايام عليهم حاسمات
والنبي اسحاق للعليا سما = البشرى به جات من رب السماءْ
وامّه من هول الخبر تتبسما = كيف عاقر تصبح ظمن المنجبات
ومن نسله يعقوب نبيٍ عظيم = الكريم ابن الكريم ابن الكريم
بنى بيت المقدس بْوحي العليم = ربنا ماوى النفوس الحايرات
وايوب الصابر على انواع البلا = اسوةٍ للصابرين من الملا
بالصبر لاعلى المقامات اعتلا = بعدما ألمت بهْ البلوى سْنوات
والنبي ياسين في قومه رسول = للهدايه يدعوا ارباب العقول
ولا لقي منهم مجيب ولا قبول = وبالفنى دارت عليهم دايرات
ويونس ارسل في بلاد الموصلي = وامنو به كلهم بامر الولي
قرية بايمانها تتوسلي = عند من يحيّ العظام الهامدات
وموسى الكليم ظمن الانبياءْ = ارسل لْفرعون قدوة لاشقياءْ
مع هامان ومع جنوده لاغبياءْ = فاغرقوا بامواج بحر لاطمات
وهارون ارسله الله لْموسى وزير = وبالفصاحه دائما صوته شهير
معْ بني اسرائيل ما اخلف بالمسيري = ولا استمع دعوى القلوب الماجنات
وتبّع اول من كسا الكعبه بثوب = ارسله رب الخلايق للجنوب
يدعو لْتوحيد علام الغيوب = فاليمن كتب السير له واصفات
ووالخضر في سيرته اعظم خبر = معه موسى يستفيد من العبر
في دهاليز البراري والبحر = واذهلته المعجزات الخارقات
والياس ارسل بالهدى لاهل الشمال = في ضواحي بعلبك فيما يقال
فاخلفوا امره وبادوا بالزوال = وانقذ انفوس بربه منقذات
واسماعيل وقصته فيها مثال = حكم ربه قابله بالامتثال
ثم فداه الله بالكبش الحلال = وانقضى ظيم النفوس المشفقات
اليسع بالوحي مرسول ونبي = ولا يكذب دعوته الا الغبي
بالرساله والهدايه منتبي = من هنر لبنان الى نهر الفرات
وذكرالقران سيرة ذوالكفل = مؤمن ورسول من ظمن الرسل
فيموادر سيرته اعظم مثل = للقلوب اللي تحب الموعضات
ويوشع بن نون من بعد الكليم = حبْسة لْه الشمس بامر من الكريم
يوم فتح القدس وافهم يافهيم = وانتصر وجيوش عدوانه شتات
والنبي داؤد ذوالراي الرشيد = جامع الحكمة مع الباس الشديد
بامر ربي في يده لان الحديد = يصنع اصناف الدروع الواقيات
والنبي عُزير عبره فالحياه = مات مئّة عام واحياه الإلاه
ورغم ذلك ما اختلف اكله وماه = وهْو يشوف المعجزات النادرات
ثم سليمان الذي ربي عطاه = ملك ما مخلوق من بعده خذاه
استجاب الخالق الباري دعاه = والخلايق تحت حكمه مذعنات
ثم زكريا وهوْ شيخ كبير = بعدما وهنت قواه عن المسير
ارزقه ربي بمولود صغير = جاته البشر من اعلى السموات
ويحيى اللي اوتي الحكمه وليد = عن ثمان سْنين عمره مايزيد
قتل في محرابه يصلي شهيد = اغدرت فيه النفوس الغادرات
وعيسى ابن مريم تكلم بالمهاد = قال انا رسول من رب العباد
كذّب اهل الافتراءْ واهل الفساد = اليهود اهل العلوم الكاذبات


الصلاة على محمد والسلام = الرسول اللي بعث للناس لام
للرسل والانبياءْ مسك الختام = واشرقت شمسه على كل الجهات
وخضعت له يوم مولده النجوم =وانتثر ديوان كسر بالحزوم
وانطفت نيران فارس والسموم = بعد ماهي بالف عامٍ واشيات
وانجلى نور كشف ليل الظلام = وشعّت انوار الهدى شرقٍ وشام
ثم توالت بعدها اياتٍ عظام = مبشره باحداث عزٍ اتيات
ومثل ما هو سايد بذاك الزمان = يبعثون الطفل للبدو بضمان
حتى يصبح بارع وطلق اللسان = ويتصف باقوى الصفات البارعات
وحين ما جن المراضع مقبلات = عنه صدّن واعرضنّ مقّفيات
ما يليق بْهن ولابه مغريات = وعن رعايته انتحنّ الحاضنات
جنّبن عنه المراضع كلهن = مالقن برضاعته فود لهن
ذاليتيم اللي ماله قدر وثمن = وابعدن عنّه وصدّن معرضات
ولما حليمه ما لقيت له بدل = ظمّته وهي يساورها الخجل
ثم عليها الخير من ربي نزل = وعمّة البيت السعيد الرحمات
وبعد ما كمّل من العمر اسنتين = ارسل الله له ملائكةٍ ثنين
وشقّوا صدره والاوادم غافلين = وحصنوه من الشياطين الجفات
وخافت حليمه عليه وردته = وباسرع مايمكن لامّه ودته
وقلبها بيذوب من مودته = ما تبيه يغيب عنها لحظات
وعاش في كفالة امّه امنه = ثم جده لين عدّى الثامنه
ثم عمّه ابو طالب ظامنه = حتى حاز من العمر باعلا السمات
واستغاث بقومه وتوه غلام = وظللته السحب في يوم الزحام
والشجر والصخر يقريه السلام = معجزات خالدات باهرات
واشتغل راعي غنم فاوّل صباه = وبالتجاره ما حدٍ يبلغ مداه
ولقّب بالامين في كل اتجاه = والتجاير في يدينه رابحات
ويوم شب وصار لعلومه قبول = كان له ميقاف في حلف الفضول
وحكّم بوضع الحجر بين الزحول = وحل بالراي السديد المشكلات
ثم بدا بالخلوه براس الجبل = يْتعبّد خالقه عز واجل
والوحي عليه من ربه نزل = والروى اللي في منامه صادقات
وامره ربه يلاه العالمين = امره بانذار قومه لاقربين
ومنهم من امن ومنهم مشركين = وسبّحت في راحت ايديه الحصاة
ثم صدع بالحق واعلن دعوته = واخلفت بعض القبايل هقوته
لكن ذلك ما نقص من قوته = لم يزيده غير تصميم وثبات
ويوم قومه مالقي منهم وقار = هاجروا صحابته عبر البحار
للنجاشي وجهوا سر وجهار = والمراكب فالجالج مبحرات/ ناهجات
وحكمة قريش حكم ظالمي = لْبني طالب مع ابني هاشامي
بعزلهم فالشعب بامر حاسمي = في ثلاث سنين مر كاملات
وقيّض الله بعد ذلك من محى = من رجال قريش شمطان اللحى
ماكتب من ظلم في وقت الضحى = وانتهى ظلم السنين القاسيات
وراح للطايف يبي دعوة ثقيف = و لا لقي منهم مجيب وجا نكيف
ما وجد في جمعهم رجل حصيف = ما لقى إلا اهل العلوم اللاغيات
وعند وادي نخله ووضعه حزين = طوقوه الجن من ايسار ويمين
من بلاد الشام جو له منتصين = واذعنة جموعهم له منصتات
ثم بدا الاسراء من البيت الحرام = انطلق بالليل والعالم نيام
وبالرسل ولانبياءْ تقدم امام = بامر من انزل عليه العاديات
ثم عرج به للسماءْ السابعه = رحلة فيها الحكم متابعه
وكلّمه ربه وباذنه سامعه = والزمه يفرض على امته الصلاة
ثم هبط فالقدس بعد الانطلاق = وعاد الى مكه على ظهر البراق
واخبر برحلته في كل النطاق = وكذبوه اهل القلوب المشركات
وطالبوا قومه بايات وعبر = ثم بامر الخالق انشق القمر
وكذبوه وقالوا سحر مستمر = وهكذا طبع النفوس الظالمات
وحاولت قريش قتله فالمنام = وبالمكيده معهم الشيطان قام
لكن ما حقق لهم ربي مرام = وبالثرى غطّى الرؤس البايخات
واتجه للغار والعالم خفوت = وبنت عليه بيت العنكبوت
وشتت الله فكر عدوانه شتوت = والعيون عن البصاير مغشيات
وقرر الرحله لطيبه فالصباح = وثاروا الاعداءْ ولجّوا بالصياح
واعلنوا جوايزٍ فيها الرباح = لمن يرده قبل ما يذهب فوات
وانطلق سراقه بخلف الركب = وغاصة ايدي مهرته الى الركب
وايقن ان هذا النبي ما ينغلب = وبشره باعز واعظم لامنيات
قال كيفك ياسراقه بعد حين = تالتبس تيجان كسرى باليمين
وصدق المعصوم بالقول المبين = وقتل كسرى والجيوش مجاهدات
ثم واصل فالتقدم والرحيل = والدايل للموكب الهادي دليل
وما لقت قريش من طرده حصيل = وعادة الركبان دونه منكفات
وحين ما شرّف على يثرب وزاع = ورحبوا به من ثنيات الوداع
مرحبا ياخير مرسول وداع = وألف قلوبٍ قبل متخالفات
وفالسنه الاولى من الهجره بدى = يجمع الاصحاب ويخيف العدى
والصحابه معه في يوم الردى = مرخصين إله النفوس الغاليات
ثم بناءْ اول مسجد له في قبا = وحرّم بْيوع التغابن والربا
وفالمدينه شاع بالذكر ونبا = واهتدت معه العقول النابهات
وسارت الرحله عل ساق وقدم = وبركت به ناقته بامر قسم
وفوق مبركها بنى البيت الحرم = بامر خلاقه رفيع الدرجات
واهل يثرب قبل مقدمه بسقم = كلها امراض ومتاعيبٍ والم
ورْفع الله مابهم من كل هم = وزالات اتعاب السنين المعجفات
ثم بدا ببعث السرايا والدعاه = وحمزه قاد اول سريه فالحياه
بالشعار الابيض يرفرف لواه = واستجنت منه الاعداء هاربات
وفالسنه الثانيه والوضع شاق = بان كيد اهل الخيانه والنفاق
تظاهروا بالدين في كل النطاق = والقلوب بكفرها متوقدات
وبدت الغزوات في كل اتجاه = واول الغزوات ( الابواء ) مع عداه
صوب رابغ سار والقوّه معاه = وجنّبت عنه الوجيه الناحسات
ثم ( بواط ) مْع ( العشيره ) بعدها = (وبدْر الاولى ) ما تغير وعدها
الجموع اللي تضده ضدها = والفوارس بالسلاح مدججات
ثم بدا عصر اليهود اهل النفاق = اليهود اهل النفاق اهل الشقاق
امة تاريخها غدر وْ بواق = شاهرين بالنوايا الخاينات
وبعدها حربه مع ( بْني القينقاع ) =(وفالكدر) مع سليم اهل الخداع
وغزوة( السويق ) تتبعها اتباع = في جميع احوالها متشابهات
ثم بد يشن المعارك والخطوب = وفي ( بدر) تجلجلت ام الحروب
وانتصر وجيش ابو جهل مغلوب = وفالحرم ناحن عليه النايحات
وصارت القبله الى البيت الحرام = وفرضة الزكاه معْ شهر الصيام
ثم صلاة العيد سنّه للانام = للخطايا والذنوب مكفّرات
ومرت الايام واشتد الصراع = مع دعاة الكفر وخباث الطباع
بين حرب وبين تكذيب وخداع = وواجه من اعدا السلام معارضات
وفالسنه الثالثه زادت الامور = وغزوة وادي ( امرْ ) تحفظها السطور
وغزوة ( معدن بالحجاز ) إلها حضور = وفرت جموع الاعادي خاسرات
ثم قاد القوه ( بحمراء الاسد ) = وفر ابوسفيان عنها وابتعد
بعد ما هوْ للمواجه مستعد = خاف من ضرب السيوف الشابيات
وفي جبل ( احد ) مع قريش التقا = قايد لْجيشه وحاضر ما اتقا
ولقي من قومه متاعيب وشقا = وقاسى اصناف الامور المتعبات
وفالسنه الرابعه علم شنيع = واول الاحداث حادثة الرجيع
بغدر وفد القاره بيوم مريع = ونقضهم كل البنود المبرمات
وبير معونه وحادثها الجليل = وفعل عدو الله عامر بن طفيل
بقتله لْسبعين صاحبي جليل = وقطعه احبال العهود الواثقات
ثم غزوه لليهود ( بْني النظير) = وتجليتهم غصب فاليوم العسير
ما بقى منهم كبير ولا صغير = واتركوا كل الحصون مهدمات
ثم صارت موقعة ذات( الرقاع ) = واحتمت غطفان في روس القلاع
وغزوة ( السويق ) في نفس المزاع = وعادة قريش بوجيه عابسات
والسنه الخامسه ياقربها = وقاد غزوة ( دومة الجندل ) بها
وغزوة ( الخندق ) توقد حربها = وسورة الاحزاب ترويها بثبات
ثم ( بني قريضه ) تخون العهد = وصوبهم وجه جيوشه واستعد
وحكّم الرسول فالموقف سعد = وقصّة اعناق اليهود المبلسات
ثم حربه لليهود الخائنين = وطردهم من المدينه صاغرين
وصاروا بكل الامم متناثرين = وبادت اطماع النفوس المغرضات
ثم في هذي السنه فرض الحجاب = و التبني حرّم بخط الكتاب
بعدما كان إله مقدارٍ مهاب = نزل بْه ايات حق موثقات
وفالسنه السادسه سل السيوف = ( ولبني لحيان ) وجهها صفوف
وغزوة ( ذي قَردٍ ) تجلت دون خوف =( وفالمريسيع ) نْكسر جمع الغزات
والسريا وجهت في كل صوب = تدعوا لْتوحيد علام الغيوب
وتقمع الحراب في يوم الحروب = وحققت كل العلوم المروسات
والملوك ارسل لهم كتب ورسل = الى كسرى ثم قصير في عجل
وللمقوقس والنجاشي ترتحل = والحارث والمنذر إلهم ناهجات
ثم صارت حادثة لافك العظيم = وْتولى كبره النذل اللائيم
شيعوبه اهل سين واهل وجيم = بقذف ام المومنات المحصنات
وما انثنى رغم الضروف القاسيه = شامخ مثل الجبال الراسيه
واسلمت له الرقاب العاصيه = اسلمت له طايعات او مرغمات
ثم في هذي السنه من هجرته = صوب مكه سار واعلن وجهته
ومنعته قريش مادى عمرته = ثم صلح صلح بنوده مغضبات
لكن فالموقف تجلّت حكمته = ولا اوهنت روس القبايل همته
والتجت خزاعه بمظلته = وبني بكر مع قريش الغوات
وفالسنه السابعه قاد الحبيب = قاد غزوة ( خيبر ) بعزم صليب
وحاصر اليهود فاليوم العصيب = وفتحت ابواب الحصون الموصدات
وغزوه ( لْوادي القرى ) بْذات المسار = يلطم الاخصام ويزيد الحصار
وصارت جموع الاعادي بانكسار = والرقاب العوج لامره خاضعات
وقضى عمرته في هذي السنه =حسب توثيق العهود المتقنه
وانتحت قوافل الاعدا عنه = والنفوس لْربها متذللات
وفالسنه الثامنه شاد النظام = والسرايا وجهت شرق وشام
ينشرون الدعوه لْكل الانام = وابذلوا كل الجهود المجديات
ومعركة (موته ) بها الوقع الشديد = قتلوا القواد فاليوم النكيد
ثم تولى فالقياده بْن وليد = سيفنا الصارم على رقاب البغات
وحاربة بكر خزاعه فالحرم = واستباحة حرمة البيت الحرم
وساندتها قريش فاليوم الاهم = ونقضت كل العهود الموثقات
والتجت خزاعه بحلف الرسول = ثم سار الجيش فاليوم المهول
بعشرة الاف يخوضون الوحول = وانتحت خيل الاعادي هاربات
وحان يوم الفتح والنصر العظيم = وراغ للاصنام واردها هشيم
ثم وقف ما بين زمزم والحطيم = يحمد الله والنواظر شاخصات
ثم بدت هوازن بجمع الجموع = واللتقا الجمعان في يوم يروع
وانتصر عليهم وراحوا فزوع = وخابت اطماع النفوس الماكرات
ثم ضرب على ربى الطايف حصار = بعد ما لاذت هوازن بالفرار
ثم راء الرويا وظمنها القرار = وعاد وقلوب الاعادي زايغات
وبعد تقسيم الغانايم من حنين = من على التنعيم لبوا محرمين
وطافوا بالبيت المقدس وامنين = والجماجم للمهيمن خاشعات
وفالسنه التاسعه غزوة ( تبوك ) = ارهب الرومان افراد وملوك
وخيّب اظنون الاعادي والشكوك = فوق ضامرت الجياد الصافنات
وفالسنه العاشره عام الوفود = جوا له السادات من كل الحدود
يعلنون إله الولاء بكل الوجود = واهتدت معه القلوب النابغات
ثم حج بها السنه حج الوداع = وقرّ في امته سنة الاتباع
وتحت حكمه كل ما يامر مطاع = والنفوس بتبع دينه راغبات
وبعدما ادّى حجه وحلّ الحرام = عاد من مكه لطيبه في سلام
وّاصل الدعوه بعزم وباهتمام = وله تحققن الجهود الراميات
ثم داهمه المرض يوم الربوع=من ربيع اول و في أول أسبوع
والصحابه حوله افراد وجموع = والقلوب من المفارق مفزعات
وامره ربه يزور اهل البقيع = وزارهم فالليل والعالم هجيع
واستغفر لهم وللامّه جميع = واشتدت به الكروب الموعكات
واستاذن من كل زوجاته بحين = وانتقل لبيت ام المومنين
وقال وهو يهلل القول المبين = ان للموت وْ نزوعه سكرات
ويوم الانثين استحب الله لقاه = وحانة القدره وظمّته الوفاه
وليلة الربوع وريّ في ثراه = والدموع من النواظر مسبلات
مات وانقطع عن الارض الوحي = مير هديه باقي تقول حي
من تمسك في حباله يفلحي = وبه يلوذ من الامور المهلكات
ومن يخالف منهجه خاب وخسر = ما اتعسه مادام حي وفالقبر
وفي نهار العرض ماواه بسقر = والقلوب من الهوايل مفزعات
نصح الامه وبلّغها الخبر = ورغم ما لاقى من الاعداء صبر
وجهاد الاعداء وحارب وانتصر = وخاض ميدان الحروب الفاصلات
سبعه وعشرين غزوه قادها = والسرايا اربعين اعدادها
بين تصبيحاتها ومهجادها= والسيوف من الاعادي مخضبات
سبعه سيوف معه وقت الطلب = ذوالفقار مع القلى ثم القضب
والخليف ومعه مخذوم الحدب = والبتار مْع رسوب المصلتات
ورايته سودا مسميها العقاب = من تذرّى في لواها ما يهاب
وكلمة التوحيد مكتوبه كتاب = شاهره باعلى الصروح الباسقات
واذكر القصواء من ابل المصطفى = والسكب من خيرة الخيل وكفا
ما جمعها للفخر والاحتفاء = الا لجهاد الاعادي عاديات
بالشجاعه نادر ما له مثيل = ينطح الاهوال فاليوم المهيل
وبالمكارم كنّه النو المخيل = يحيي عروق الهشيم اليابسات
وايده بالمعجزات الخالقي = والماء من بين الاصابع دافقي
والاسد والذيب باسمه ناطقي = والغزاله تشتكي له بالفلات
والجمل يسجد له اجلال وقار = والجذع يحن له سر وجهار
والخشب يصير سيف له شنار = وعين قتاده تعود إلها الشفات
وغيرها كم غيرها من المعجزات = ما تقدر بالالاف وبالميات
وما تحيط بها دواوين الرواة = معجزات خالدات بالغات
عليه الصلاة منّا والسلام = عدّ من زكّى ومن صلّى وصام
وعدّ من حج ونصى البيت الحرام = وعدّ دورات النجوم السابحات

ثم بدا عهد الخلفا الراشدين = اهل تقوى واهل علم واهل دين
من هداهم يهتدون المسلمين = واقمعوا روس الدعاوي الكاذبات
ابتدا عصر الخلافه بوبكر = وحارب اهل الرده اصحاب المكر
وارسل القوات لبلاد الكفر = وللنبي انجز جميع التوصيات
وبعده الخطاب ما وهنت قواه = تهاب منه الانس والجن تخشاه
فتح المقدس واقام به الصلاه = وقاد قوات الجيوش الفاتحات
ثم عثمان ابن عفان الوقور = الامام العادل الفذ الصبور
قتل في محرابه بغدر الغدور = بفعل وتدبير النفوس البايهات
وبعده تولى الامام ابو الحسين = ابو طالب صاحب الراي الرصين
قاصم الهامات فاليوم المكين = كاسب الطالات فوق المسرجات


وبعد ما مر الف وميتين عام = مع مئة عام تلتها بالتمام
انبلج نور جلى ظلم وظلام = وبادوا اهل الظلم واهل المظلمات
ابتداء للعز ميلادٍ فريد = واشرقت شمس الريادة من جديد
جاء معزي يرفع النصر المجيد = وجمّع الامه عقب ما هي الشتات
بالف وثلاث مئه وتسعة عشر = انتفظ راع الزعامه والفخر
عبدالعزيز الامام المعتبر = واشرقت انوار عز مبهجات
سار من صوب الكويت مع اربعين = موجهين للرياض ومنتصين
وصبّحوا عجلان فاليوم المكين = وراح عجلان وزماميله رفات
ثم معه اهل الجنوب من الرياض = ادخلوا فالحكم من دون اعتراض
وبايعوه ومعه ساروا فالفياض = يلطمون اهل الوجيه المغضبات
وبعدها هيمن على الوشم وسدير = وفر ابن رشيد فاليوم الكبير
واذعنت للقايد الفذ القدير= وبادت اطماع النفوس اللاهثات
واتجه يقود جيشه للقصيم = يسالم اهل السلم ويبيد الخصيم
ولاذ ابن رشيد بالطبع القديم = وانهزم منها بدون مقاومات
وصار في روضة مهنا ما يريد = وثبّت الله خطوة الشهم الفريد
وقتل فالميدان خصمه بن رشيد = بضرب شابية السيوف الصارمات
ثم وجه قوته صوب الحسا = واقتحم سور الهفوف وبه رسى
وبايعوه الناس في ذات المسا = وانتهى ظيم السنين الفايتات
وبعد ذلك ظم حايل في حماه = واسلمت له بالسيوف وبالرماه
والتجى له شيخها يبغى النجاه = ثم رفع عنه الزعيم اللايمات
ثم واصل فالتقدم والمسير = لين صبّح ال عايض في عسير
ويوم حجلا زفت النصر الكبير = انطفة نيران ظلم وارِيات
واعتزى به بن لؤي ضد الشريف = وفالخياله التقى قيف بقيف
وانتصر بالسيف فاليوم الكليف = رغم قوات العدو الضاربات
ثم للطايف توجه بالجموع = واتجه لْمكه بجيش يروع
وانتحى عنها الشريف بلا رجوع = شارد ظمن الجموع الشاردات
واقتفت اثاره جيوش السعود = عبر جده والمدينه في سنود
لين عدّوه الطوارف والحدود = ولا بقى له فالوجود مغامرات
بعد ذلك صوب جيزان انتحى = وراح الادريسي كما حب الرحى
اسلم وسلّم وقفى وانتحى = واصبحت كل الطوارف وامنات
هذا هو عبدالعزيز ابن سعود = فارس ما صار مثله فالوجود
صامل الوقفات والفعل محمود = قايد قاد الحروب الطاحنات
سل سيفه وامتطى ظهر الجواد = ينطح الغارات في يوم المعاد
بالفوارس والذخاير والعتاد = فوق صلفات الجياد الراكضات
فيصلي فالمواقف فيصلي = لا بدا في كل موقف جمّلي
خصمه بيوم الطراد مجندلي = جامع كل الصفات الفارعات
قاد نمرا شيّبت روس الرجال = ما حد ياصل مواصيله محال
يجدع اطوال اللحى يوم القتال = بالرماح وبالسيوف الفاتكات
به تليق احلى الوصايف والنعوت = والملاحم والقصايد والبيوت
اشعل انوار العداله فالخبوت = بعد ماهي بالظلايم حالكات
وانتهى عصر المغازي والحروب = وبادوا الانذا قطّاع الدروب
ولاذوا ارباب الحناشل بالهروب = واصبحت كل الخلايق وادعات
واستتب الامن في كل البلاد = وانقضى وقت التناحر والفساد
والعدى راحوا كما اسراب الجراد = كنهم شرد الوحوش الجافلات
صبّح الديره وهي ظلم وظلام = لا شريعه لا حكومه لا نظام
والعشاير مستبده فالخصام = عايشين في غدر ومشاحنات
القوي بسلمهم ياطى الضعيف = علمهم ما بين رمح وحد سيف
يومهم بكل حالاته مخيف = والليالي بالجرايم موحشات
اسس الدوله على الشرع القويم = وجمّع الامه على النهج السليم
وامتثل له كل افاك اثيم = بالسيوف وبالخيول الرامكات
ثم بدا عصر الحضاره والنهوض = وقام حظه عن رديين الحضوض
واضح الحجه بلا زيف وغموض = وانتهت كل الامور الغامضات

نسأل الله يرحمه فانه رحيم = ويحفظه من هول نيران الجحيم
ويجعل مسكانه بجنات النعيم = في ظلال نعيمها اللي وارفات
وبعد موته قلّد المنصب سعود = وقادها لاعلى المراتب في صعود
يبذل المجهود في كل الوجود = وارتقت لاعلى الشعوب الراقيات
ثم فيصل فيصل السيف الصروم = الشجاعه والسياسه له تروم
الزعيم اللي به تقوم العزوم = فارس فيه المزايا النادرات
ثم بعده خالد الشهم الحليم = صاحب الراي المسدد الحكيم
المليك العادي الحر الكريم = حاوي كل الصفات الفايقات
ثم فهد فهْد الفهود النادري = السياسي الفريد الماهري
سيّس الدوله بفكرٍ باهري = وحل عسرات الامور المبهمات
ثم عبدالله عسى عمره طويل = الزعيم العادل الحر الاصيل
ابو متعب راعي الفعل الجميل = حاويٍ كل الصفات النايدات
قايد الامه الى بر الامان = باذل جهده لها سر وعلان
مخلص مع امته في كل شان = وملجم افواه الكلاب النابحات
السياسه من لها غيره يسوس = والامم من حكمته تاخذ دروس
والدول تلجي له بيوم النحوس = لا تنصتها الامور الطاميات
صاحب الراي السديد الحاسمي = الحكيم بكل علم فاهمي
سيفنا اللي بالاعادي واسمي = صقر يْصيد الصقور الصايدات
ومعه ابو خالد على الايمنى سنيد = صامل الوقفات والراي الرشيد
العضيد الوافي الشهم الفريد = وبالعطا يغني اليدين المعدمات
ونايف اللي بالمواقف نايفي = كلٍ بمجهود نايف شايفي
في جنابه يامن اللي خايفي = ساهر وعيون غيره نايمات
وفي ظلال ملوكنا حنّا بخير = هم ذرانا لا دعى اليوم الكبير
وحْنا معهم فالمواقف ما نحير = وحبهم بين الضلوع المهدفات
جدوا وْجادوا طويلين الذراع = وصيتهم بالعدل والانصاف شاع
قادوا النهضات في كل البقاع = والقرى مثل المداين ناهضات
نهضةٍ عمّة جميع بلادنا = وارتقيت الى الامام بلا دنا
نحمد اللي بالعطايا زادنا = من فضايله الجزال الزايدات
للحرمين الشريفين اهتمام = معتنين بها رفيعين المقام
باذلين الجهد من عهد الامام = وطوّرة باعظم وبارقى التوسعات
في مجال العلم حاربنا الجهل = ونافسنا بالمعرفه كل الدول
المدارس والمعاهد بالجٌمل = وشيّدت في كل صوب الجامعات
وللصناعه فاتحين ارقى المدن = تحتوي بانتاجها من كل فن
منتجات ما تقدر بالثمن = نادرات فالوجود وفاخرات
وللزراعه ما انتوانا بالجهود = والصحاري صارت ازهار وّرود
وفي جمع الاوديه بنيت سدود = والبحار بها تقام التحليات
وفي مجال الصحه اذهلنا الامم = وارتقينا في منيفات القمم
وانقضى عصر المتاعب والسقم = وفتحت بكل القرى المستشفيات
والمواصلات صارت بازدهار = واكبت ركب الحضاره بافتخار
ورْبطة خطوطها كل الديار = وعبرت روس الجبال الشاهقات
وفي مجال الامن فزنا بالرهان = والمواطن عايشٍ بامن وامان
ما يضيم ولايضام ولايهان = وقطْعت يْدين الجناه السارقات
والجيش اللي يحمي حْدود البلاد = من هل الاطماع واصحاب الفساد
طوّر بروس النشاما والعتاد = واليات من جميع التقنيات
والتجاره راس مال ومفخره = قوّة اقتصادنا اللي نذخره
السفن عبر المواني مبحره = والبضايع واردات وصادرات
نعمة من ربنا جل وعلا = نحمده ونشكره رب الملا
ونعلن لْملوكنا كل الولا = الكرام اهل اليدين المصخيات
كم لهم من فضل على المسلمين = منفقين بكل وقت وكل حين
وللارامل واليتامى كافلين = وامسحوا حزن العيون الدامعات
الله يحفظهم لنا طْوال العمار = هم لنا القادات واصحاب القرار
نفتخر في حبهم سر وجهار = الحصون اللي علينا مظللات
ومملكتنا تفتخر برجالها = حرةٍ دوم السعد يبرى لها
درةٍ ما فيه دار مْثالها = وفي مغانيها الصروح الرائعات
في كنفها يسكنون الغانمين = الرجال اللي بها متنومسين
كاسبين المدح في عسر ولين = اهل قالات وفعولٍ طالعات
بمدحهم يتشرف اللي ما دحي = قدوة البيرق ونور لا يحي
من تذرّى في ذراهم رابحي = فالسنين التاليه والمرمسات
نمدحي اهل المدح بالقول الجزيل = ولا نحسّب للضعيّف والهبيل
ومعْ هل البنيان نبني ما نهيل = ولا نوالي لليدين الهادمات
ونذكر اهل الطيب والفعل المجيد = بالثناءْ والمدح واجزال القصيد
كل من يسكن وطنّا به نشيد = والقبايل للمعالي شايمات
وانا عندي قول ما هو باي قول = علم يجمّل وله قدر وقبول
وجيت اعنّ الهجن واعسف الخيول = والظماير بالشجون مهوجسات
امدح اللي يكسبون الطايلات = الزحول اللي مواقفهم ثبات
القروم اهل الفعول النادرات = اهل وقفات وعلوم ذائعات
وباسم ربعي ابتدي ولي الفخر = غامد التاريخ من بدو وحضر
غامد الهيلا وهل يخفى القمر = مسطرين امجادنا اهل المعجمات
غامد الهيلا اسمنا وقت الزحام = لا اشتبك عج المعارك بالعسام
وادلهم ملح الثميدي كالغمام = كم جموع قدمنا راحوا شتات
خصمنا في كل ميدان مهزوم = وعلمنا يفوق عن كل العلوم
وسلمنا يفرق على كل السلوم = العوايد والمذاهب نادرات
غامد الهيلا مزبنة الدخيل = غامد الهيلا مروية الصقيل
ما نشى فينا ذليل ولا بخيل = بالنواميس المواقف شاهرات
ان دعانا الحرب نلطم كل عين = وان دعانا البذل مدين اليدين
بالجمايل والجزايل شاهرين = الروابع والمبادي ساميات
في ميادين الرجوله سابقين = ولا دعى الميقاف فالموقف نبين
حاضرين ٍ للزوم ومحتسين = والمواقف بالجميل مشوقات
من رجال الازد تاريخ ونسب = وطيبنا تشهد به اشراف العرب
ثابت ومثبت بصفحات الكتب = ولا التفتنا للعقول الفارغات
من قبايل خندف الحلف العريق = ما نبور ونخلف العهد الوثيق
نقهر العدوان ونعز الصديق = ولا حسبنا للعلوم الواهيات
من قبل الاسلام حّنا فالوجود = وبالمعالي والشرف نرقى سنود
نكسب الطالات من عهد الجدود = ولا نتصدد في نهار الواجبات
لنا تاريخ ومواقيف عظام = عن مداها تعجز حروف الكلام
وان شرحنا بعضها ما به ملام = حجه وناموس من ذات لذات
نبتدي بالفخر من عهد الرسول = يوم جاه الوفد منا في قبول
له عهدنا ما نحول ولا نزول = لو يزولن الجبال الواتدات
ومعه سرنا بالرجال وبالعتاد = حاضرين فالصباح وفالهجاد
ولا نّتغيّب لا دعى داع الجهاد = جموعنا مع الرسول مكابدات
يوم خيبر معه جاهدنا اليهود = وفعلنا مشهود والموقف يزود
عن رسول الله وعن دينه نذود = وروس الاعداء بالوحول مجندلات
وبعدها في معركة ذات الرفاع = علومنا في كل ميدان تشاع
نجتلد يوم الوغى مثل السباع = ونلطم اصحاب العلوم السامجات
وفي حنين لّنا حضور بارعي = وصيتنا يوم المواجه شايعي
نردع الظالم بسيف لامعي = والاعادي في دماها ناقعات
ويوم موته في مقدمة الصفوف = بالقنا والمرت وحداد السيوف
ونسقي الكفار بالسم الزعوف = وفرّت جيوش الاعادي مرغمات
ومعه في تبوك زعنا للقتال = ظمن جيش العسره بعسر الليال
في نهار الحرّ ما رمنا الظلال = وبددنا شمل الجموع الموذيات
وبعده بايعنا الخلافا الراشدين = ولا بدّلنا ديننا بعده بدين
مؤمنين ومسلمين وقانتين = ولا اتبعنا اهل الدعاوى الكاذبات
لجل نشر الدين جاهدنا العدى = ولنا في كل المواقيف اشهدى
لانادى المنادي نّلبي الندى = نشبه صقور الحرار النايضات
مع ابو بكر لنا فعل يهول = حاربنا المرتد عن دين الرسول
فعلٍ يجمّل لماضين الفعول = لين تابن النفوس الفاسقات
ومعْ عمر لنا المواقيف السمان = يوم فتح بلاد فارس باصفهان
من شهدانا بشير الترجمان = فارس ضد الجموع الحاشدات
ولاعرج اللي في نهار القادسيّه = يحمل الرايات بعزومٍ قويّه
قايدٍ ما فيه بالميقاف زيّه = مع زحولٍ بالنفوس مفاديات
وجندب ابن زهير علمه ما جهل = يضرب بْطيبه وماقفه المثل
معْ علي موجود في يوم الجمل = ومعركة صفين له فيها طرات
والحكم ما غاب في يوم التلاق = جاهد اهل المعصيه واهل النفاق
قُتل في حرب الخوارج بالعراق = ما تراجع والمعارك مروعات
ثم سفيان ابن عوف اللي هجم = هيت والانبار فاليوم الاهم
قتل الوالي ورزّ بْها العلم = وانتصر وعيون الاعداء صاغرات
وبن نعيم القائد الشهم العزيز = كلّفه عمر ابن عبدالعزيز
على خراسان منصوب وعزيز = ثم وصاه الوصايا الكاملات
وابو مخنف صاحب اخبار السير = عالم التاريخ واسمه مشتهر
فارس وْعالم وقائد معتبر = وله في علوم الحديث مؤلفات
وابو عبدالله محمد له مقام = عالم ومفتي ورجال هُمام
زال عن بغداد سربال الظلام = ولا اخلفت عنه العقول الفاهمات
ثم زهبر ابن سليم الغامدي = في نهار القادسية صامدي
بالمهنّد شل راس القائدي = من جيوش الفرس وعلومه رهات
وعبدالله ابن سليم اسمه فريد = بغزوة اليرموك له فعلٍ مجيد
ومعْ علي يوم الجمل ضد الضديد = واستشهد وسيوف مجده شاهرات
ولا نسينا ذكر مخنف بن سليم = سكن الكوفه وله علمٍ طميم
حكم اصفها بالسيف الصريم = وبالعداله له فعولٍ شايقات
وابوعبدالله محمد بن زهير = حكم البصره وميقافه شهير
بامر هارون الرشيد اصبح امير = ودانة بفضله نفوس فاضلات
والحارث في عالي القمّه سكن = وعن مجاهدة الاعادي ما وهن
وعن علي ما غاب في عام الفتن = ما تراخى والرؤس مدنقات
وعبدالله ابن عفيف اسم وعلم = ارتقى لاعلى المعالي والقمم
فقد عْيونه ولا حس بألم = ودون قول الحق مارضي السكات
وصخر صحابي من اصحاب الرسول = وله مع ارواة الحديث اسم وْقبول
تاجرٍ عظيم وامجاده تطول = والبوازل بالتجاير ظاعنات
وجندب اللي له مقام باهري = قتل بْحد الحسام الساحري
في مجلس عقبه وعلمه شاهري = دون دينه مارضي بمساومات
وجندب ابن زهير ومنيب الكريم = والاصم ومدرك وروح الفهيم
وعبدالله معْ طارق وقيس الحكيم = وحبيب وحجن ذربين السمات
وغيرهم كم من صناديد وزحول = صيتهم بارع وموقفهم يهول
لو نبي نذكرهم المعنى يطول = والسير باخبارهم متوشحات
وفي مقارعة المعادي والخطوب = والمغازي والمعارك والحروب
كم خصيمٍ قدمنا عاد مغلوب = وللفوارس فالمواقف لجلجات
يوم حرب الترك صدينا الغزاه = والمعادي نزرع بحلقه حزاه
ومن تمنى حربنا يلقى جزاه = بالكماة اللي يضدون الكمات
وفي صفا عجلان في اليوم الشهير = على جيش الترك شبينا السعير
لين راحوا بين مقتولٍ واسير = وانكسر جمع الجيوش الغازيات
ورهوة البر تشهد بميقافنا = والمعادي بعدها ما حافنا
الجميل والشيم لاسلافنا = وتشهد بوقفاتنا جْبال السرات
ولنا في رغدان معْ الاتراك يوم = يوم حطينا على الاعداء وسوم
والجنايز جمّعت مثل الرجوم = في نهار الملحمه والتضحيات
وفي نهار الزرب والموقف يروع = عشرة منا تصدوا للجموع
ولا لقى في جالنا الطامع طموع = وهذا هو فيد النفوس العايلات
ولنا معْ قحطان ميقافٍ فريد = يوم رد الابل فاليوم العنيد
من عتيبه في جرب علمٍ اكيد = موقفٍ جمّل على اهل الصايبات
ومن مواقفنا لنا امثالٍ جزال = في كرامة غامد الحاها مثال
علمٍ يجمل كريمين السبال = وبه يشيدون الصنايد الثقات
وغامد اللي فالحمى عند ابلها = اسمها الاول ولا احدٍ قبلها
الاسود اللي ينومس شبلها = ولا طْْمعت فيها النفوس الطامعات
والمثل لاخر كلامٍ واردي = غامدي والقلب دايم صامدي
رجلنا وقت المغازي قايدي = ولا يواطن للعزوم الواهنات
من عزاوينا على ظهور الجياد = خيال الحردا ليا حان الطراد
نحصد ارواح العدى وقت الحصاد = بطعن مذلّقت الرماح القاتلات
والشعب وسم ابل غامد ومعروف = ولا يوصف فالقبايل له وصوف
واضحٍ رسمه على كل معسوف = ماركه قبل زمان الماركات
وبالثلاث الغامديات اسمنا = شاهدٍ ينبي بماضي علمنا
وبان بوجيه الاعادي وسمنا = ما تغيره السنين الدارسات
ومن فضل ربي إلاه العالمين = ما اعتدينا ولا هجمنا الغافلين
ومن غزانا نكسره في كل حين = بنار مشعلة الرصاص الكايفات
ما حدٍ من صوبنا قفّى بثار = وجار ما يلحقه منّا بوار
وظيفنا يبشر بسفطان وشنار = ومن زبنّا عنه شلنا المكلفات
ويوم توحيد الوطن لنا حضور = ولا قصرنا عن طويلين الشبور
لنا وقفاتٍ وميقاف ودور = ضد قادات الظلال العابثات
قادنا المكي ببيرق بن سعود = ثم زعنا زوعةٍ تشفي الالكبود
نصمد بوجه العدو وقت الصمود = وقدمنا انهدّت جموع مرجفات
في غليله حظنا بالنصر قام = نردع الخصّام في وقت الزحام
فايزينٍ والعلم رفرف شمام = وانتصرنا والمواقف محرجات
وفي نهار الصور زعنا بالسلاح = بالقنا والمرت وسيوف ورماح
والعدى اسقناهم السم الذحاح = والفتايل بالذخاير والعات
وال فاضل تحت هيبتنا اسلموا = بعدما صدوا عن الحق ونحوا
عادوا لْدرب الهدايه واذعنوا = وخابت اطماع النفوس البايسات
وابن موالا بعدما رام العناد = يوم زعنا تاب واعلن لنقياد
عاد لدروب الهدايه والرشاد = واسلمت جموعه المتعصبات
هذي هي بعض المواقف باختصار = عزٍ وناموس وجلال وشنار
وهيبة وسلطه وقوّه وافتخار = فخر لا جاءْ للرجال مفاخرات
بالجمايل والفعول النادره = فعلنا واضح وكلٍ خابره
والماقف بالجمايل شاهره = والحقايق للعوارف راهيات
من شكى الظيم ولجا في جالنا = نظلله يوم الشقا بظلالنا
ما يضام اليا اعتز برجالنا = عنه نركي للحمول الفادحات
وافتخر في ذكر ربعي بد بد = وعزنا بالخالق الفرد الصمد
لاتنصتنا اللاوازم ما نصد = والفتى منا يلادي له ميات
ال حلة عزوتي وقت اللزوم = صيتهم مثل القمر بين النجوم
هم مزبنة الدخيل اهل السلوم = سلمهم ما قد حصل مثله بتات
بالدّخل لنا مع القرعان كار = حين جانا المشنوي وبنا استجار
جينا للخصّام في وضح النهار = مصلحين وقايمينٍ بالديات
ويوم عنّا صدّ والميقاف طال = ولا اقتنع بالحكم والراي العدال
ولا رضي بالحق ووجيه الرجال = وصارت القصه جدل ومجادلات
قلنا له مقروع قرعانٍ يشوم = قرعانٍ يشوم ويشق الخشوم
راسمينه يوم كلٍ له رسوم = ما تغيْره السنين الباليات
سنه وشهرين وعشرن من ليال = وليلتين وليل ما فيها جدال
ونصف ليلٍ بالتمام وبالكمال = فارضينه والعلوم مثمنات
وربعي الزهران ما قفهم كبير = بالكرم والجود والسيف الشطير
كاسبين المدح فاليوم العسير = كم عيون من سببهم باكيات
وبني ضبيان الاسم البارعي = الأصل لاول بدون منازعي
الوفا والطيب منهم نابعي =والمراجع بالحقايق شاهدات
وربعي رفاعه هل السيف البريع = رجلهم في كل ميقاف شجيع
هم هل الفزعات في يوم الفزيع = خصمهم يموت قدام الممات
وربعي الجرشان سيل من العنوق = لا تزبر له رعود وله بروق
ما نشى فيهم خدوع ولا دروق = دوحة باسمى الجمايل عامرات
والهجهاجي له في العليا مكان = مشبعين من العدى حد السنان
نخوة الناخي ليا اشتد البطان = كم جموع في كنفهم لا يذات
وبني خثيم هل تقوى ودين = وبالشكاله والدلاله فايقين
وبالعلوم الغانمه متنومسين = فالسنين الماضيه والحاضرات
وال طالب مثل نايفة الحصون = القبايل في ذراهم يتقون
فالمعادي والمبادي يشكرون = نورهم يجلى ظلام الحالكات
وال عبدالله كما نوض البروق = البروق اللي تسوق المزن سوق
الجمايل عندهم عشق معشوق = وبالكرم مثل الغروس المثمرات
والزوايع عز من يلجي لهم = بالمكايل دوم يرجح كيلهم
وبالمغازي ما تفرق خيلهم = كنهم نصب قفته الذاريات
والشهامه قسم بالشهم الكرام =رجلهم يرقى العلا وتوه غلام
والمواقيف العظيمات الجسام = ما لها الا اهل القلوب الصاملات
وال مسلّم للعدى غدة نحر = وفالمواقف كنهم موج البحر
بفعلهم بين القبايل نفتخر = مجدهم شامخ وراع المكر مات
والرهوه من ربعنا ومن روسنا = لبسهم يوم الوغى ملبوسنا
والعدى يسقونهم مر وسنا = بالرماح وبالسيوف الباترات
وغامد الزناد من صوب التهم = فارقينٍ بالشهامه والكرم
حي قيفٍ له في العليا سهم = سيفنا الصارم على روس العدات
والكبيري درعنا على الجنوب = مثل ضلع ما تحركه الهبوب
خصمهم في كل ميدان مغلوب = وعنهم رقاب الاعادي صايفات
وربعي ابني سيد حامين الظعون = كم خصيم عقبهم راح مغبون
وبالجمايل يذكرون ويشكرون = عز من ظامته عوج النايبات
وربعي القنازعه سيف صروم = ما يتغيّب رجلهم وقت اللزوم
اهل عادات وتقاليد وسلوم = معقلين اهل العقول الدايخات
وربعي البشابشه مرسى الضيوف = طيبهم في كل الازمان معروف
وفي نهار الهول احد من السيوف = السيوف المرهفات القاصمات
كلبونا دعوى قيف الغامدي = ما دخل في صفنا خبل وردي
واسمنا بين القبايل سايدي = لاسم سايد والمذاهب سايدات
القبايل في كنفنا يلتجون = ولا نصونا فالموقف يبشرون
المتاعب لجل حشمتهم تهون = والمصاعب في رضاهم هينات
كم كفلنا من قبل وقت الكفيل = صلب قيفٍ ضده العلم الجليل
يوم جونا من قبايلهم جفيل = احتميناهم بعز وطيب ذات
الشاهدٍ موجود ما يمحى صداه = يوم كزوه الاعادي من قفاه
غيرنا ما احدٍ تجرأ واحتماه = و لا يسوي غيرنا هذا السوات
استجار بْنا وحنا اهل الجوار = ما نهاب الى اشتعل فالحرب نار
ننطح العايل على ظهور المهار= ونردع وجيه الخصوم الجايرات
لا بدينا فالصفوف الجامعه= والفتايل بالذخاير والعه
اعوّدت خيل العدى مترايعه = لا جاءْ في يوم الملاقا خذ وهات
والقبايل كلهم رواد طيب = كل قيفٍ دون ميقافه صليب
رودة الرايد ولطم للحريب = والعوايد والمذاهب بارزات
واجب نذكرهم بجزل الكلام = حق واجب لانظيم ولا نظام
كل قيف له مكانه واحترام = والفعايل للعوارف باينات
روس زهران العناصي غانمين = صاملين الروس وكرام اليمين
في ميادين الرجولة بارزين = بالمبادي والسلوم الزاهرات
وخثعم اهل الوافيه وقسات روس = الوفا ما غيرهم له من يروس
والعرب من طيبهم تاخذ دروس = من الفعول الباهرات الفارعات
ونذكر ظهور السواني روس قوم = البقوم اهل المراجل والسلوم
والله ونعم ياصناديد البقوم = لا دعى الميقاف ما قفهم ثبات
ودوحة الغلبا سبيع اهل الكرم = والشجاعه والمعارف والحكم
لا ذكرنا سبيع قلنا والنعم = بالرجال اهل الوفا والمكرمات
واكلب السفرين واعزاز النفوس = كاسبين المدح وحماة الغروس
عيال تغلب لا بدت روس لروس = صيتهم شاهر بكل الناحيات
ولانسينا معاويه واحلافهم = فالمواقف ما اختلف ميقافهم
والعزاوي من قديم اسلافهم = خيال المعطاء بكل الواجهات
واذكر عتيبه متعبة الركاب = رجلهم يوم الملاقا ما يهاب
القروم اهل الاصاله والاداب = فعولهم بين القبايل واضحات
وبني مالك معسّفة المهار = اهل صولاتٍ وجولات وشنار
لهم في كل الميادين اعتبار = لابة لاسمى المعاني شايمات
والشلاوى اهل الكرم واهل الشرف = والوفاء من طبعهم ماهو سلف
وارثينه من سلف الى خلف = وهو حماة الدين ستر المترفات
وبلي اهل الوفا واهل الكمال = مكرمين الظيف وكرام السبال
مجدهم بالعز شامخ ما يزال = ساطع مثل النجوم الواهجات
ولا نسيت اولاد وايل بالذكر = عْنزه اهل المكارم والفخر
صلب قيفٍ فالمواقف معتبر = وكاسبين العز فوق الجامحات
واذكر المطران حمران العيون = بالجمايل والمدايح يذكرون
رافعين الغبن عن كل مغبون = وفالمواقف يكسبون الاولات
ولا نسينا صلب قيف الناشري = مثل حد الهيلمان الباتري
طيبهم طيب فريد ونادري = بالفعول الوافيات المحكمات
والزعوب اللي لهم صدر المكان = كاسبين الفود وطْوال اليمان
احتموا مشربهم بحد السنان = وصدّروا هجن الاعادي مضميات
واذكر شهران العريضه فالجنوب = منزهين من النقايص والعيوب
غدة الحراب في وقت الحروب = والمشاهد فالمواقف مذهلات
واذكر هذيل الشرف درع الحجاز = عسكر البارود وقروم عزاز
صورهم يوم المعادي ما يهاز = ومن يلوذ بجالهم يلقى النجات
ثم بني خالد عمى عين الحريب = لا وشت روس الفتايل باللهيب
في نهار الضد ما قفهم صعيب = مطوعين اهل الرقاب العاصيات
وروس بالاسمر لهم عز وشرف = يعسفون العاصي اللي ما انعسف
خصمه يوم الملاقا يرتجف = والمواقف واضحات و بينات
والطويرق بالجمايل سابقين = في ميادين الشهامه بارزين
عزوة في كل ميدان تبين = والمذاهب والعوايد فايقات
ونعم بسفيان سفيان الوفا = رجلهم في كل موقف ما هفا
للمكارم والنواميس احلفا = صيتهم بارع بكل الواجهات
ونعم بشمران بحر ما يقاس = وباسهم على العداة اشد باس
خصمهم ما لذ في جفنه نعاس = كم عيون من سببهم ساهرات
والرويلي له بعد قدر وّقار = اهل فزعات ونوماس وكار
من نصاهم يلتقي جود وشنار = اهل تاريخ وفعول هايلات
واذكر جهينه الاشاوس بالجميل = مالهم في كل ميدان مثيل
ظلهم في ساعة الهيجا ظليل = والجمايل بالمواقف كايدات
والطنايا شمر الاسم العريق = غد الحراب ريف للصديق
تشهد لهم اجا وسلمى وطويق = والسيوف الباترات المرهفات
وبالثنا والمدح ما ننسى السهول = الصناديد المغاوير الزحول
صيتهم معروف من عهد الرسول = بالشرف والعز واجزال الصفات
والظفيري ونعم به لا هريت = الظفير اهل تماثيل وصيت
مثلهم بين الخلايق ما لقيت = بالجمايل والعلوم الغانمات
وما نسينا بالذكر صبيان يام = من زبنهم ما يهان ولا يضام
نورهم يجلى حناديس الظلام = كنه انوار البروق الخاطفات
والشرارات اسمهم يقدح شرار = للمعادي في نهار الحرب نار
وللموالي عز وجلال وّقار = لا بة بافعالها متميزات
ثم ثقيف الى بدا قيف لقيف = علمه صعيب والموقف كليف
كنهم وقت الشدايد حد سيف = يقصمون اهل العلوم التافهات
ولا نسينا بالذكر قوم الرسول = اذكر قريش الصناديد الزحول
عزهم عز مجيد ولا يزول = وخيلهم يوم المغازي هاجمات
ثم بني مره لهم وجه وجاه = الكرم والجود منهم مبتداه
مطوعين بالقنا روس الطغاه = وفارقين بالعلوم الوافيات
ثم بني رشيد عزما يبيد = حاضر مجيد والماضي تليد
اسمهم في كل ميدان فريد = والقصايد عن مداهم عاجزات
ثم قحطان الشرف واصل العرب = مطوعين الخصم بالسيف الحدب
من مدح قحطان قلنا ماكذب = نجدة المضهود وقت المعضلات
ثم بني تميم ونعم يا تميم = علمهم في حزة الشده طميم
وقيل لو تغضب قبيلة بن تميم = تحسب ان كل القبايل غاضبات
والهواجر ما تغبا طيبهم = كل رواد الحكم تدريبهم
عزوة اللي فاللقا يبدي بهم = الهواجر كاسبين الطايلات
وقيف بالحارث يعد لهم عدود = في ميادين الشرف مثل الاسود
وبالمكارم اهل طيب واهل جود= مدللين اهل العقول التايهات
واذكر الاشراف والموقف كبير = صيتهم في كل ميقاف شهير
عزوة في مدحها المادح يحير = وفاللقا مثل الصقور الجارحات
والحويطات اسهم بالعز بان = لا دعى الداعي لهم قدر وشان
كاسبين المدح من ماض الزمان = وخصمهم يلقى الدروب المتعبات
والدواسر سيف يقص الحديد = عزوة المضهود فاليوم النكيد
باسهم عند اللقا باس شديد = خطلان الايدي جزيلين الهبات
ونعم بحرب الدول حرب العدى = رجلهم ما ينهزم يوم الردى
وعزهم يبقى على طول المدى = وفي مواقفهم يشيدون الروات
والعسيري دون ميقافه عسير = مروي بالدم مسلول الجفير
وبالمكارم كنه النو الغزير = يروي فجوج الخبوت الممحلات
وروس بالقرن الرجال اهل الشيم = الزحول اهل المذاهب والقيم
كنهم نار على راس العلم = وروسهم بين القبايل عاليات
ثم بالاحمر لهم علم وخبر = صيتهم في كل موقف معتبر
واسمه بين المناصيب اشتهر = بالمدايح والعلوم الفارقات
ولابة العجمان لاصاح المصيح = خصمهم في ساعة الهيجا طريح
ويفتخر في مدحهم راع المديح = كنهم شم الجبال النايفات
وان ذكرنا سليم طيب فوق طيب = كاسبين المدح فاليوم الصعيب
رجلهم ما يلحقه شك وريب = من سليم اهل الفعول الخالدات
وبني شهر الكرم والمرجله = فعولهم وقت الشدايد مذهله
صلب قيف يكسبون الاوله = عنهم كفوف الاعادي قاصرات
واذكر الصيعر عريبين النسب = في نهار الغيظ نيران ولهب
خيلهم دايم على عز الطلب = للاعادي فالمبادي ناصيات
وبني عطيه شيوخ وجبر = علمه بين القبايل مشتهر
وخصمهم يسقونه الدم الحمر = كنهم موج البحور الطافرات
وروس عليان الصناديد الدهاه = من يلوذ بجالهم يلقى النجاه
لابة تاريخها يبهج سناه = بالسيوف اللي بالاعداء واسمات
ولا نسينا ذكر قيف الوادعي = اسمهم يوم الملاقى فارعي
كنهم برق شعاعه لامعي = يردعون العيّل اللي طامعات
وْبني ذبيان ونعم بالرجال = كاسبين المدح ذربين الفعال
اهل شيمات ومدات جزال = لابةّ بارقى المبادي نايدات
وْبني سهيم للعليا سموا = ان بدوا في كل موقف جملوا
جملوا في كل طيب وكملوا = بالمذاهب والفعول الشايقات
ثم خزاعه واسمهم ما ينسي = قيفٍ بكل المواقف محتسي
وللعدى يوم اللقاء متحمسي = ولهم في كل المواقف تجربات
وكل جيزاني على مذهب ودين = موقفه في ساعة الشدة يبين
دون حد المملكة درع حصين = لا حصل عند الحدود مناوشات
والنجراني باسم نجران اعتزا = وبالجمايل والفوايد بارزا
وبالفعول اللي تجمل فايزا = معتلي عن الدروب الهابطات
واهل فيفا علمهم ما ينجهل = كل فيفي عريب اصل وفصل
اسمهم باعلى المعالي مستقل = وخيلهم يوم الطرايد سابقات
ولا نسينا دعوى قيف القنفذي = للعلوم اللي تنومس محتذي
رجلهم على الجمايل مغتذي = والمواقف والفعول مبرهنات
واهل مكة واهل جده والمدينه = والذي من ربعهم باية مدينه
كل سعودي على الاسلام دينه = دون حد المملكة درع وحمات
مخلصين للوطن سر وجهار = ونردع العايل على قحص المهار
ولنا في كل المواقيف اعتبار=ونتصف باسمى الصفات الكاملات
واعتذر لاهل الوفا عذرٍ جميل = للرجال اللي يعرفون الدليل
عذر وافي يذخره جيل لجيل = كان ما اوفيت الحقوق اللازمات
اعتذر لاهل الجمايل والفخر = ان نسينا صلب قيف ماذكر
لله الكمال خلاق البشر = عالم بسر الامور الكامنات
كلنا فالاصل شعب واحدي = وديننا الاسلام دين خالدي
امة وحدة وبالله نهتدي = ولا استمعنا للدعوي المغرضات
ديننا الاسلام ومنهجنا السلام = وانتهضنا للعلا والحظ قام
وبيننا ما فيه فرقه وانقسام = والهمم لاعلا الرتب متحمسات
كلنا الامن دعى الداعي جنود = تحت ظل مْلوكنا ال السعود
نرخص الارواح من دون الحدود = لا حصل عند الحدود مجابهات
بيننا ما به طوايف جاهليه = ولا استمعنا في دعاة العنصريه
يظمنا الشعب السعودي بالسويه = وللاسلام وللسلام حْنا الدعات



ندعم الامه ونجمع شملها = ونحتويها من براثن جهلها
وفي نهار الهوش نبدي قبلها = لا حصل عند الحدود مناطحات
ودون فلسطين والاقصى الشريف = ما تخلينا وموقفنا شريف
نقدم الابطال فاليوم الكليف = ودون تحريره ما نرضى مساومات
باذلين الجهد والله يشهدي = ولا نتسالم مع عدوٍ معتدي
اليهود بشرعهم ما نقتدي = ولا نتفاوض مع نفوسٍ هابطات

وعن فلسطين الحبيبه وش نقول = ضاعت الكلمات من جور الذهول
واقعٍ يحيّر اصحاب العقول= وفي رحابه يجمع المتناقضات
عايشينٍ تحت ظلم الاحتلال = والنصر باحلامهم شيٍ محال
كن ما به لا سلاح ولا رجال = وكل يومٍ به تزيد النكبات
اليهود تعيث بالارض الفساد = تحرق الاشجار وتبيد العباد
والسكن تهدمه واصحابه رقاد = وتبني فوق انقاضهم مستوطنات
المسجد لاقصى مهدد بالزوال= وقبة الصخرة لها نفس المال
واهدموا كل المساجد باي حال = وشيدت على ارضها المستعمرات
عايشينٍ تحت نيران اليهود = اليهود اللي ما تربطهم عهود
والحصار مطوّق بكل الحدود = والمعابر دون املهم موصدات
مطوقين الشعب من بر وبحر = ونارهم على الاوادم تستعر
الذي مقتول واللي فالاسر = وفوقهم تمطر رصاص الطائرات
الحصار مشدد بكل الجهات = وكل مخلوقٍ مهد بالممات
الوحوش مْعَ الاوادم والنبات = انقضوا تحَت لهيب القاذفات
البحر فيه الزوارق والسفن = للسواحل والمواني وجهن
من يقرّب صوبها شاف الغبن = بالصواريخ السفن له راجمات
وفوق الارض مجيشين اعتى الجيوش = تهدم العمران وتشب العشوش
ضاقت بالقتلاء المقابر والنعوش = والمدافع بالقذايف مدويات
ودولة اليهود زادت طيشها = وانفظت على الاوادم ريشها
لجل ترعبهم بقوة جيشها = كل عامٍ تشترك بمناورات
تمتلك قوة ردع من نوعها = من نتايجها ومن مصنوعها
فالسماء والبر جت بدروعها = والبحر ترسي عليه البارجات
ودونهم تبني جدارٍ من حديد = حتى تبعدهم عن العالم بعيد
ولو شجبنا الشجب والله ما يفيد = والجيوش على الحدود مطوقات
يحكمون بكل عنف ويظلمون = وللارامل واليتاما يقتلون
طبعهم اليا احكموا ما يرحمون = ومن غضبهم احرقوا حتى النبات
واغلب امتنا دعاويهم كذب = ولا يسرونك الى حان الطلب
امنيهم صوت مزمار وطرب = وإلا رقص مع البنات الراقصات
فالمسارح والنوادي يلعبون = وللكوره واللاعبين يشجعون
وفالملاهي يسرحون ويمرحون = شفهم فن ولعب ومباريات
اهم شيءٍ عندهم بنت تهز = ولا لهم فالعز ياهل العز عز
ولبسهم غربي بجاكيتٍ وجنز = والعقول عن الهدايه غافلات
نرقص ونلعب وهم تحت الحصار = الا شهامه لا كرامه لا اعتبار
واليهود تشب فوق النار نار = والبيوت تزيلها بالشيولات
وحنا مغرورين بمعسول الكلام = من وعد بالفور ضيعنا السلام
لاسلام ولا كلام ولا احترام = ولن نحقق حلمنا بمفاوضات
كل مؤتمراتهم كذب وخداع = كل ماراح اجتماعٍ جا اجتماع
طالت الايام واشتد النزاع = ما جنينا الا كذب ومأمرات
الامم بافعالها لا اقوالها = والعرب باقوالها لا افعالها
مئة عامٍ ما تغير حالها = والقلوب عن الهمم متدنيات
كل ما جاء نكبة جاءْ مؤتمر = وحضروا قادتنا باول خبر
شجب واستنكار وفعلٍ مايسر = وغيرها ما به علومٍ مفرحات
ما اجتمع شمل العروبه من سنين = في جميع احوالهم متخالفين
والعداوه بينهم في كل حين = والقلوب عن الهدى متفرقات
كل قائد دولةٍ يتبع هواه = وشايف ان بعض العرب اكبر عداه
وللنصارى واليهود اعلن ولاه = ومعه قادات العدى متحالفات

وشعب فلسطين مكتوف اليدين = تحت سيف الظلم يرضخ من سنين
ما معه قوّه ولا له من يعين = واليهود تدكهم بمدرعات
شردوهم فالصحاري والقفار= وشتت جموعهم في كل دار
ومن بقي منهم عليه اصدر قرار = ما يعيش الا بوسط مخيمات

شعبٍ مْجرد من انواع السلاح = وبالحجر يعلن جهاده والكفاح
والعذار ما لهن غير الصياح = باكيات ونايحات وصارخات

وفي لاهاي اصل القضيه كامله = بمحكمة عدلٍ ولا هي عادله
لليهود بكل حال مجامله = والخطط ضد العروبه محبكات
القضيه حلها اصبح مستحيل = الا بربط الخيل والسيف الصقيل
في نهارٍ يصبح الكافر ذليل = وتقطع ارقاب اليهود الفاجرات
لا بداء اعلان المعارك والجهاد = وشبت النيران في راس الزناد
واستعنا بالولي رب العباد = فرت جموع الاعادي لا جيات
وحررنا الاقصى من يدين اليهود = وحققنا كل المطالب والوعود
وانتهى عصر اليهود من الوجود = وانقضى وقت الفتن والمهزلات
الشهادة والنصر مطلوبنا = حبها متساوياَ بقلوبنا
كم من الاعداء قضوا بحروبنا = لا حصل وقت الجهاد مصامكات
ما يوخذ بالغصب فاليوم الكليف = ما يعود الا برمح وحد سيف
لا احتمى الموقف وجاء القصف العنيف = ما نبي فيها هدن ومسايسات
تسلم الاعداء لا جاء قرع الخطوب = وينكشف زيف المنافق والكذوب
ومن يخالف منهج الرب مْغلوب = ما بقي فيها حيَل ومحايلات
هكذا هي حكمة الله فالحياه = ينصر اهل الحق ويذل الطغاه
وكل من يعمل عمل يلقى جزاه = واحكام الله في عباده نا فذات
وبعد هذا القول ياهل المعرفه = النصيحه واجبه من معرفه
راعي العلم السديد يشرّفه = لا بدابه فالصفوف الجامعات
ذكرى والذكرى تفيد المومنين = وتهدي قلوب الشباب الجاهلين
والتجارب درس للرجل الفطين = من شجرها يجني احلى الثمرات


طاعة الله خير من ما يجمعون = عالم بْما كان اللي ما يكون
جاعل امره بين كاف وبين نون = والكواكب في العروش مسبّحات
فارج الضيقات ومزيل الكروب = عالم بْما فالظماير والقلوب
مجري الهبايب ومنشي النصوب = ومن عيونه فوق خلقه مرقبات
وحد الله واشهد انه لا إلاه = إلا الله اللي تعالى في سماه
واحدٍ ما خاب مخلوقٍ رجاه = من بقدرته الشدايد زائلات
واشهد ان محمد العبد الامين = خاتم كل الانبياء والمرسلين
ارسله رحمه لكل العالمين = واسوه لْكل النفوس التايبات
واجتهد في طاعته وادّ الفروض = وبالكلام التافه احذر لا تخوض
لا تردّى معْ رديين الحظوظ = العصاه اهل القلوب اللاهيات
خمسة فْروضٍ لها وقت مْحدود = واطلب الله فالركوع وفالسجود
يرحمك لاصرت في جوف اللحود = وبحثت اعمال السنين الخاليات
وزك مالك لا كمل حد النصاب = مثل مأوصى به نبيك فالكتاب
وارج من رب المخاليق الثواب = ورحمته ورضاه خير الجائزات
وصوم شهرك لا وجب حق الصيام = وادّ صلاة التهجد والقيام
واسأل الرحمان والعالم نيام = يلطف بحالك بوقت السكرات
واغتنم مدام للعمر اغتنام = لا تؤخر حجتك في كل عام
الحج يكفر ذنوبك والاثام = المناسك للذنوب مكفرات
واحفظ السانك من الهرج البذي = حتى كل في مقامك يحتذي
لا تلحّق عرض هذا معْ هذي = اركد وخلّ الهروج مقننات
انتقاص الناس عيب من العيوب = وفالشريعه ذنب من ظمن الذنوب
ما يذم الناس رجال محسوب = الا من حب العلوم الهايفات
والصدق فالرجل من زين الطبوع = يرتقي به من طلوعٍ في طلوع
يرفع اسمه بين ظالات الجموع = صادق ويحسب حساب القافيات
والكذب فالرجل عيب ومنقصه = عن مقام اهل الجميل ينقصه
كل علم ينقله ما يبخصه = الكذب فالرجل عيب العايبات
والامانه شانها شانٍ عظيم = شيمة في كل رجالٍ فهيم
ترفع الكريم وتذل اللئيم = وميزة لاهل العقول الراجحات
والخيانه ما تواطنها العقول = ولا تقبلها الرجال اهل الاصول
لانها قسم الرديين الخبول = مقسمٍ لاهل النفوس المفتنات
والشجاعه عز في يوم القتال = لا تكسرت النصال على النصال
تعرف الرجال من أي الرجال = وتنكشف فيها الرؤس المشكلات
والرخامه دائما قسم الرخوم = كل من يعجز عن فعول القروم
ما يتقدم لا بدت قومٍ لقوم = غيبته معْ حضرته متساويات
واغتياب المسلم المسلم حرام = معصيه للخالق وذنب واثام
من تكلم في قفا غيره ملام = وارتكب اعظم واشد المعصيات
والنميمه تورث الحقد الدفين = وما يشرف نقلها الرجل الفطين
تزرع الشحناء بين المسلمين =و كم نفوس ازهقتها النمنمات
والكرم فالرجل من زين الصفات = يرتقي به في رفيعات السمات
مثل ما قد قيل باخبار الروات = الكرم ستر العيوب المنقصات
والبخل هوان ما بعده هوان = عيرة الرجال في سر وعلان
ما يجمّل معْ طويلين اليمان = وعن فعول الطيب يْديه مكبلات
والوفاء فالرجل من شيم النفوس = يرفع الرجال عن طبع النجوس
الوفاء زرعٍ في القلب مغروس = الوفاء خير الصفات المنجيات
والعقل فالرجل زينه يارجال = يعز قدره عن كثيرين الجدال
ويحفظه لا يعوم ببحور الظلال = ولا يهمز مع النفوس الهامزات
والتزام الصمت عن كثر الهروج = خير من هرجٍ عن المعنى يدوج
ولا يقدّم في فالمواقيف اللجوج = من هروجه للمشاكل مؤقدات
وحكمة الرجال تبقيه معزوز = وبالرجاحه عن هل الباطل ينوز
اكتساب العرف كنز من الكنوز = راعي الحكمه علومه واردات
ولا يضيّع راعي الطيب معروف = من يقدم خير بالخير مخلوف
ما ينسى فعل الجميل الا الضعوف = الخبول اهل العقول السامجات
والاشاعه نقلها للرجل عيب = عيب ياروس الرجال وشق جيب
ما يشيع بعلمها رجلٍ لبيب = ولا تقبلها النفوس الواعيات
والجيره لها حقوقٍ واضحه = جارك لوجاء منه زله سامحه
ولا تضده بالعلوم الجارحه = ولا تسمّعه الهروج المزعلات
واعلم ان الجار له عدة حقوق = بيّن الاسلام معناها بفروق
على ثلاثة امورٍ ما تفوق = واضحاتٍ بالكتاب وثابتات
جارك الكافر عطه حق الجوار = ولا توريه الجفيا والبوار
عامله باللطف في سر وجهار = ولا تهضم حقوقه المستوجبات
والمسلم يزيد عنه بواحده = حق واضح ما حدٍ له جاحده
وله حقوقٍ فالشريعه وارده = عز قدره والحقوق معززات
وجارك اللي معه يربطك النسب = اعطه حق الجيره وحق الحسب
وحقه فالاسلام يامسلم وجب = وصوب عرضه لا تلد النظرات
والعاني للعاني الحق الكبير = لا تخلى عنه فاليوم العسير
حق واجب للكبير وللصغير = ولا تصد عن الحقوق الثابتات
واعظم الحقوق حق الوالدين = اوجبه عليك رب العالمين
فيهم فعل البر والاحسان دين = من عيالك بعد شيبانك بيات
والسماحه فالرجل يازينها = لا لفت في وقتها وفي حينها
كم رجالٍ بالذهب شارينها = مكسبٍ لاهل النفوس السامحات
والعيا فالرجل ما ياتي بفود = مايحصل صاحبه ايات زود
صاحبه للحق ما يرقى سنود = ولا تقنّعه الحقوق المقنعات
والغرور الله يكفينا الغرور = شر واعظم شر من بين الشرور
يهزم الرجال لو انه وقور = ويبشر المغرور دائم بالشمات
والسماجه فالحكي والثرثره = تجمع الرجال باوصاف المره
ولا يحصل من وراها مفخره = ومن يثرثر ما على هروجه شفات
والضحك فالمجلس بليا سبب = مثل نا قد قيل بامثال العرب
اشهد انه صدق من قلة لادب = ولا تواطنه العقول الزاكيات
والرجاله فالرجل عين الصواب = بالتجاره والحرف والاكتساب
يطلب من فضل الولي منشي السحاب =والغنى بالله ياطلاب الغنات
ما يفيد الطيب من يهوى الكسل = لا نفع نفسه ولا حقق امل
ولا اجملوا لابطال معهم ما جمل = ولا يحصل من كسله الفايدات
من عجز عن الرجاله في صباه = ما يجي بالفود في تال الحياه
لا بلغ حلمه ولا حقق مناه = ولا ربح مع النفوس الرابحات
لكن اللي خير من جمع الفلوس = يستفيد الرجل فالدنيا دروس
ويخلص للرحمن خلاق النفوس = خير من جمع الامور الفانيات
وحنا في اخر زمان الله يعين = كل يومٍ فيه معضلةٍ تبين
والاقارب بالجفا متناحرين = كل يومٍ به زعل ومهاوشات
القرب اليوم مايبغى القريب = ويفرح الى شاف به نقصٍ وعيب
وفالمجالس والمحاكم له طليب = وبالخفا يدوّر عليه الحايفات
فالمحاكم والدوائر يشتكيه = حتى لو ما به خطأ يزعل عليه
يلبّسه بالعار لو انه نزيه = وكل يومٍ يطلبه فمحاكمات
وده بذبحه جهار من النهار = والا انه ينفيه من كل الديار
ما حسب له اي قيمه واعتبار = ولا تقنعه الحقوق المرضيات
ولا بحثت عْن لحقيقه والصواب = ما لقيت الا كذابٍ من كذاب
وان سألت سوال ما تلقى جواب = الا تزييف وردى ومخادعات
كل واحد يحلف ويقسم يمين = بانه راع الحق والقول المبين
ولا درست الوضع بالعقل الفطين =تكتشف كل العلوم محرفات
كلٍ بكذبه يسمّن حجته = ما تسمع الا رغاه ولجته
يضرب الخد لين تظهر عجته = واكثر هروجه ما فيها فايدات
ما يقبل نصيحة اللي ناصحي = وبالهروج الذارفه ما يستحي
وما تحصل منه علمٍ ناجحي = نيته قشرى وفعوله نادمات
القرابات المشاكل بينهم = تشتعل نار الفتن بايدينهم
والزحول اهل المعرفه واينهم = ما حدٍ يسمع لهم بمناصحات
زادة النعمه على الناس وطغوا = وبعد ما كانوا جميع اتفرقوا
عن بعضهم فالميادين انزحوا = وضيّعوا كل الروابط والصلات
كل ربعٍ بينهم حرب ضروس = والطماعه غاية اضعاف النفوس
والنمايم والكذب فيهم تنوس = في بعضهم طاعوا اهل النمنمات
حد وقت الخوف والوقت المجيع = تلقاهم في كل منزالٍ جميع
ومن نواهم بالرد ما يستطيع = صْفوفهم وقت الطلب متلاحمات
واما في ذالوقت ياكثر النزاع = صار في صف القريبين انصداع
وكل واحد شد عن ربعه وزاع = وعال من ظمن الجموع العايلات
عن بني عمه نزح بابعد مكان = بيته مطرّف وفي حزمٍ بيان
حتى كل الناس تاشر بالبنان = بان هذا افلان منصى الظامرات
مشيّدٍ بيته على روس القمم = ويتفاخر بالذبايح والكرم
ما تكرّم كود في وقت النعم = والا وقت الجوع ما جاله طرات
في زمان الجوع بيته مدرق = واذا ما ينقص بطيبه ما فرق
واما هذا اليوم للعليا سبق = والقضيه كلبوها مجاهرات
يبغي كل الناس دائم تمدحه = لن له غايه وقصد ومصلحه
اما مالٍ من ظيوفه يربحه = والا له مقاصد اخرى مربحات
ما يقدم حاجه الا له هدف = والجميل ان قدّمه عدّه سلف
في اساليب الطماعه محترف = ويقصد من كل الامور معاوضات
هذا هو البعض واما البعض غير = دائم اسمه معْ هل الطاله شهير
كاسب الناموس فالوقت العسير = وبالكرام دائم يدينه منفقات
موقفه لاهل الشيم ما ينجحد = وبالكرم والطيب ما مثله احد
الكرم له ورث من ابٍ لجد = مكرمينٍ بالسنين المعسرات
وهذا كله سهل يا وجيه الرجال = لكن العلم الذي شفته محال
صار بين الناس فرقه وانحلال = ومثل ما شفت الاوادم شايفات
فيه ياروس النشاما ظاهره = ظاهره ياهل المعرفه قاهره
من سبايبها النواظر ساهره = مذهله ظمن الامور المذهلات
كل من يغضب على ربعه رحل = وخرج مْن القوم في لحظة زعل
يْتبرى الفرع من ساس الاصل = ولا تقنعه الحلول المجديات
قاطعٍ كل الروابط والصله = ويحسب انه كاسبٍ له مرجله
مادرى ان بعض المعاني مخجله = ومن وراها ما يفيد المرجلات
رجلٍ بْلا ربع مكسبه الهوان = ولا له عند الناس مقدارٍ وشان
ما يفيد المدح في سر وعلان = ولا يفيد من العلوم مْشرّفات
ما تجملك اليمين بلا شمال = ولا يعزك رجلٍ بليا رجال
حتى لو يملك رصيد وراس مال = من شنى ربعه عليه ملومات
اشهد ان شقر العصا عيبٍ وعار = عند روس القوم واصحاب الشنار
من بدابه ما يفيد الا الصغار = لانه قسمٍ للعقول الناقصات
ما يفرق شمل ربعه كود لاش = ما يجمّل فالمواجه والنقاش
يهدم الجدران ويشب العشاش = الضعيف اللي عزومه فاترات
ينقل النمات ويشب الفتن = كلها عْلومه يقول وقال هنّ
منه ما تسمع كلامٍ له ثمن = وعن فعول الطيب عزومه شاذيات
من فارق عن ربعه ماحصل حصيل = ويبقى طول العمر مكسور وذليل
ولايجمّل فيمواقيف الجميل = وما يفيد من الفعول منومسات
الخبل يسير في صف الخبول = والزحل يمشي مع روس الزحول
كل شخصٍ له مع اشباهه ميول = وبعضهم من بعضهم له مصلحات
وفيه ياهل المعرفه عدة امور = تذهل العراف ووساع الصدور
يحير فيها راعي الفكر الخبور = كلها اسباب العقول البايرات
الخوامس بينهم حلّ الفراق = وشبّت النيران في كل النطاق
عايشينٍ في تفراق وْ شقاق = وبينهم في كل يوم مواجهات
كلٍ يسعى للعرافه ويعدي = وده فوق اكتاف ربعه يصعدي
ويتعصب فالردى معه الردي = في علومٍ ما وراها طايلات
راحوا الخامس على عدّة قسوم = وكل مجموعه لهم شيخٍ يزوم
ويتسمّع للمنافق والنموم = ومعه خْبولٍ فالردى متعصبات
يشجعونه فالعلوم المتربه = وغير تشتيت الشمل وش مكسبه
وقام يتعزوى ويفتل فاشنبه = وحط ما بين القروم مواجعات
لا قبل حقٍ ولا طاع الشوير = ولا كسب فودٍ ولا جاء منه خير
شمل ربعه راح باسبابه نثير = وحط ربعه في فتن ومنازعات
ما ورى تلب العرافه فائده = كان ما تنقص فلا هي زايده
وبعضهم ما قصده الا مكايده = وده بين الربع يحدث تفرقات
ينقهر لا شافهم متجمعين = ويفر الى شافهم متزاعلين
وده يْفرقهم ايسار ويمين = وكل يومٍ في زعل ومناقشات
وان حضر معهم علومه ما تسر = كلها كذب وتملاق وغدر
وينبث عْلومٍ له سْنين ودهر = وبينهم يحدث فتن ومصادمات
والعرافه امرها والله بسيط = لو مشاكلها كما امواج المحيط
لكن بعض الناس بامره مايحيط = وما يقدّم من دعاوي باطلات
العرافه غيرها باقي نكود = الشياخه تاسر قلوب الفهود
كلٍ جمّع له محبين وجنود = وجاءْ يعن خيول حربه عاديات
جاءْ يجر البشت ويشيل الختم = والشياخه ما له منها الا الاسم
لا شهامه لا زعامه لا كرم = لا كسب طيبٍ ولا جاء بحسنات
لو معه ختمٍ كما خف الذلول = ما يعلي قيمة النذل الهتول
ما يحوز الطيب في فعلٍ وقول = ولا له في كسب الجميل مساهمات
الشياخه يالربع تبغي رجل = رجل يضرب به في القوم المثل
بالفراسه والسياسه والعدل = وله مع ربعه مواقف زاهيات
معهم الى من دعى الداعي حضر = وعن وعدهم ما يغيب ويعتذر
وكل منصوبٍ بقيفه يفتخر = والصعاب من الامور مسهلات
يْتواضع للكبير ولصْغير= ولا يطاوع فيهم النذل الحقير
وان دعى الميقاف فاليوم العسير = لا حضر حل الامور المكربات
بينهم لا من وجد له مشكله = حلها مهما تكون المعضله
ما يقفي والجمال محمّله = ودايم يْجي بالحلول المنصفات
ما احد عنده فاليمين وفالشمال = كلهم عنده سوى في كل حال
ولابد الى من حكم حكمه عدال = ولا يميل مْع النفوس المايلات
ما يجامل مع هذا والا هذاه = وينصح المخطي الى اخطا عن خطاه
ومن تمادى فالخطا والا عصاه = يكسره كسر الغصون اللينات
وعن بني عمّه بماله ما يشح = وبالكرم والطيب قلبه منشرح
يقدّم الكرمات ويفيد المدح = ومجلسه فيه الدلال مهيلات
ما يصك الباب من دون الضيوف = ولا يشح بفعل طيبٍ ومعروف
مزبن اللي ضده الوقت بكلوف = وبالوفاء دائم فعوله نادرات
يساعد المحتاج ويزور المريض = ولايوري ربعه الوجه البغيض
وللعلوم الغانمه دايم حظيظ = ونفعته دايم لربعه والمات
هذا هوْ الشيخ ياشباه الشيوخ = مجلسه عامر وزيزوم طنوخ
شيمه وقيمه ونوماس وشموخ = ما هي ختم ولبس بشت وبهرجات
مثل ما قالوا هل الراي الدليل = ما يسوس القوم رجالٍ بخيل
البخيل يْموت ما فاد الجميل = وان تهرج ما على هرجه شفات
ونحمد الله جل شانه في علاه = واحدٍ ما خاب مخلوقٍ رجاه
العظيم اللي تعلى في سماه = عالم اسرار النفوس الكامنات
كلبونا شيوخ في ظل الملوك = في جميع بْلادنا ما به ضنوك
بالعدل ما في عدالتهم شكوك = ومن حسانيهم علينا ضافيات
ال سعود اهل الوفاء واهل الكمال= بطيبهم معْ شعبهم يُضرب مثال
بالشريعه حكمهم في كل حال = ولا استمعنا اهل العلوم الهادمات
نجدد البيعه لهم في كل حين = طايعين وصادقين ومخلصين
طاعتهم في شرعنا واجب ودين = والقلوب بحبهم متشوقات
والصلاه على محمد والسلام = الرسول الهادي الشهم الامام
في بدايتها وفي مسك الختام = عدّ همسات العيون المرمشات
وعدّ ايات الكون واوراق الشجر = وعدّ حب الرمل ورشاش المطر
وعدّ من حج المشاعر واعتمر = وعدّ ما فالبحر سفنٍ جاريات


رد مع اقتباس
قديم 14 Aug 2011, 07:33 PM [ 2 ]


تاريخ التسجيل : Dec 2010
رقم العضوية : 34477
الإقامة : saudi arabia
الهواية : .السهر.
مواضيع : 157
الردود : 5480
مجموع المشاركات : 5,637
معدل التقييم : 35العربية للعود is on a distinguished road

العربية للعود غير متصل


مـجـمـوع الأوسـمـة : 5
المشاركة في احتفال المنتدى

فعالية أين الكرة؟

العضو المميز

العضو المميز

الحضور المميز


رد: 1000معلقة غامد الهيلا التاريخية 1000 بيت


الله يعطيك العافيه ..
لكن الصفحه فيها مشكله
ربي يسعدك


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

08:47 PM
Powered by vBulletin® developed by Tar3q.com