نقاش في بعض الأنساب بين بني الحارث وعتيبة

السلام عليكم ورحمة الله وبركاته

يا أخون أنا ابا انشدكم ياللي تحاولون تعرفون في قبايل عتيبه
وأحب أذكركم بقول الله تعالى ( والذين يؤذون المؤمنين والمؤمنات بغير ما اكتسبوا فقد احتملوا بهتانا وإثما مبينا }الأحزاب
1578 وبقول أفضل البشرالرسول صلى الله عليه وسلم

عن أبي هريرة رضي الله عنه قال قال رسول الله صلى الله عليه : (( وسلم اثنتان في الناس هما بهم كفر الطعن في النسب والنياحة على الميت رواه مسلم ))


وأما عن الحفااه والعضايين معروفه أصولهم وأتمنى محد يحرف فيها لأنه راح ينسئل عنها في قبره وأخوي عبدالله الضيط ما قصر وضح لكم لاكن أزيد على كلامه صح في عضايين الحرث وفيه عضاين الروقه وونعم فيهم كلهم لاكن يوجد في عضايين الحرث حلف من عضايين الروقه وانا وأنتم وياهم تدرون بهذه الشي واللي يحب يتئكد زياده يجيني فالشرايع في مكه حياه الله وأوديه عن عضايين حرث ويعترفون بئنهم من الروقه فالأصل وأوديه عند عضايين حرث أصليين يعترفون إنه خش فيهم حلف من عضايين الروقه وانا ما أحب الكلام الفاضي اللي كلن يصرف من رااسه يجني وانا والله لأوديه عندهم


واما عن الاخ اللي ذاكر قصة الحفاه اللي أول مره أسمعا بها يم عيو يعطونهم عيال عمهم قسمهم من الأراضي راحو للحرث يبون يشتكون ومدري ويش ويوم درو العتبان إنهم رايحين للحرث قالو رجعوهم (مانا قد مشاكل الحرث) والله ثم والله إنك أضحكتني وإني بئنتضار القصه عشان أكتبها في قسم الضحك والفرفشه دون قصور فالحرث وونعم فيهم والله لاكن القصه كومديه


واما عن البيشي اللي يقول عتيبه أحلاف وهذه اللي نسمعه والله يالبيشي ما صدقت ولا جبت الصدق وماعمري سمعتها في حياتي من أي أحد إلا فالنت فالنت كما تعلم مجمع لذوي الاحتيجات الخاااصه وما أقصد الكل لاكن اللي يسبون في القبايل هذولي مقصدي فالكل يحرف على كيفه ولا في مجالس الريجيل ما تسمعها وإذا كان كلامك صدق فتئكد ما يقول هذه الكلام يالبشي إلا اللي دقو خشمه العتبان


وفالأخير كل أخوان فالأسلام والنسب والله ما ينفع احد يوم القيامه فابو جهل من أفضل قبايل العرب من قريش وقريش سادة العرب لاكن ما نعفه نسبه وخش النار وبلال حشبي ومن المبشرين بالجنه ومالنا عزة إلا بالاسلام فخلو الكلام اللي ماله سنع عنكم ولا تشعلون الفتنه بين القبايل

واتمنى ان تفهمون إن كل قبيله وفيها حقها من رجاله وفيها الشين


توضيح الكلام موجه لمن يطعن فالأنساب ويولف فالقصص الخياليه ويقلل من حقوق القبايل

<<<<<<عابر سبيل

هلابك اخوي صاحب حق

اما بنسبه للاحفاة هم معترفين بنسبهم انهم من بنيوس بني الحارث

وهذا كلام كبار السن لديهم ونا سامعه بذني

وبعدين وش دخل الموضوع في الترحيب والتهاني شفت انك ضايع

وام عن عتيبه احلاف او مو احلاف مالي دخل فيهم

هذا الي حبيت اوضحه

وفي الختام اقولك حياك الله في منتدى الشدادين

حياك الله بمنتديات الشدادين يا أخوي

ياليت تنسق كلامك
وتنتبه لأخطائك الإملائية
يالله يالله قريت موضوعك

وياليت تغير أسلوبك بالطرح
هذا مو طرح صاحب حق .. ولا طرح للنقاش

الدعوة ما هي عنهجية ؟!


وياليت بعد تختار القسم المناسب لمواضيعك

أبو نايف تشرفت بمرورك العطر واما الحفاه منهم اللي معترفين سمعتهم بئذنك ؟؟؟؟ يا اخوي والله ونعم والف نعم بالحرث لاكنهم عتبان أصلن وفصل وإذا كان عندك دليل هاته

واما عن العضايين فانا أبا أحطها في ذمتك تروح تنشد شيبان عضايين الحرث وقول ما خشو في قبيله العضيان حقين الحرث عضايين من الروقه وشوف وش يقلك

تشرفت بمرورك ولي عوده شوي

حاتم الشدادي اللله يبقيك ويخليك لعين ترجيك

إنشاء الله يتغير الأسلوب مع كثرت الأستمرار

وما كتبت الموضوع إلاإني أبا أثبت شي وسلامتكم

الحمد الله اني مو مقروش حالي بهالمسائل ابدا ابدا

		المشاركة الأصلية بواسطة : إحساس واثق اقتباس
	الحمد الله اني مو مقروش حالي بهالمسائل ابدا ابدا

ههههههههه والله وش نسوي موضوع حمسني وحبيت أشارك عشان لا يعتقدون بئن كلامهم صحيح ويعطيك العافيه ولاهنت على المرور

صاحب حق
نرحب بك بمنتديات الشدادين وانت قلت صاحب حق فابشر بالحق
الحق العضاوين من الحرث يرجعون فيكم والحفاة منكم يرجعون من بني الحارث
وهذا مافيه جدال انتهى . وارجوك انت اللي أسال وتعرف
وفقك الله

		المشاركة الأصلية بواسطة : خيال الشدادين اقتباس
	صاحب حق نرحب بك بمنتديات الشدادين وانت قلت صاحب حق فابشر بالحق الحق العضاوين من الحرث يرجعون فيكم والحفاة منكم يرجعون من بني الحارث وهذا مافيه جدال انتهى . وارجوك انت اللي أسال وتعرف وفقك الله

الله يبشرك بالجنه ولاهنت واما عن العضاوين مو كلهم يرجعون في عتيبه في منهم من هم من الحرث أصل وفصل وفي من هم من الحرث أصل وفصل وهذه الكلام والله ثم والله ما خذه من حرث وانا قلت للي يبا يتئكد يجني واوديه لهم ويبشر بسعده

لاكن فيه ناس كثير من الناس كل ما شاف قبيلتين متشابهت الأسماء قال إن أنهم قبيلة وحده وهذه خطاء يقع فيه كثير من الناس ومعروف إن أسماء البدو تتشابه منول وإلى الأن وعلى حسب علمي والله ثم والله إني أعرف إن فيه حفاه العتبان أصل وفصل فالروقه وماعمري سمعت غير كذا والله لاكن والله لزيد واسال عنهم ناس لهم خبره ولو إني متئكد إن فيه تشابه أسماء لاكن برضه راح أسئل وأنت أسئل وشوف

وسواء كان عتبان ولا حرث والله والنعم فيهم كلهم وونعم في كل القبايل كل قبيله وفيها حقها من رجالها

حياك الله يا صبي عتيبة
ويا هلا بك هنا معنا في هذا النقاش الأخوي الأكثر من رائع
واللي كلنا بإذن الله بنستفيد منه دام إنه يسير في جو حواري أخوي
يسوده الاحترام ويعمه التقدير من الجميع

ولهذا سوف أقوم بتغيير عنوان الموضوع وأنقله من هنا
لقسم قبائل بني الحارث ونتمنى أن يأتِ من يحاور ويناقش ويفيد ويضيف
بدون الخروج عن نص الأدب في الحوار والطيب في التعامل والرقي في الأخذ والعطاء

أتمنى من مشرفي الأقسام الشعبية المتابعة الشديدة لهذا الموضوع
وأن لا يسمحوا فيه بأي تجاوزات أو أي خطأ ضد أحد من الأطراف.