لاهنت يادمعٍ

للشاعر : زعل الرشيدي

لاهنت يادمعٍ من العين هلي=دمعٍ تقل من ضيقة الصدر هارب
لاطاح لولا عزتي طحت كلي=والدمع بعض احيان مافيه ذارب
قاسي علي أقسى من فراق خلي=وأحر من لدغة خبيث العقارب
إحتجت له يوم اقرب الناس . زلي=ومشارق الهقوه طوتها المغارب
زله . وتلتني من أقصاي تلي=لين إرتخى حبلٍ من الطيب كارب
لوهي من أقصى الناس قلنا تحلي=لاشك هذي بين لحيه وشارب
كنت أحسب إنه لي عن الشمس ظلي=وعن الظمأ عدٍ عذي المشارب
لكن لقيته بالردى واقفٍ لي=ولقيت وجهه حزة الضيق غارب
واليوم للفرقا تركته يولي=والحر لامنه جزع . مايقارب
ورآى العوج من يتبعه مايدلي=والناس مختلفه شعور ومئارب
أحدٍ على الدنيا خدعه التسلي=وأحدٍ حريص وعلمته التجارب
تبرى جروح الوقت وتموت غلي=لاشك ماتبرى جروح الأقارب

صح لسان شاعرها وسلمت يمين ناقلها

صح لسآن الشاعر

وسلمت يمنـآك آبـن مهرس

لا هنت على النقل الرااائع

صح لساان الشااعر





تقبل مروري

قصيدة رائعه وجميلة

شكرا لك يا أبن مهرس وسلمت

صح إلسان الشاعر زعل

		المشاركة الأصلية بواسطة : عسااااااااااف اقتباس
	صح لسآن الشاعر وسلمت يمنـآك آبـن مهرس

الله يسلمك اخوي عساف وشاكر ومقدر مرورك

تحياتي