دلوني قبره واتركوني

ياللي دفنتوا جثته.. ليه تبكون؟=لولا الحيا..لأقول : معكم خذوني
منه انحرمت وكنت انا عنه مسجون=ما أذكر لمحته .. غير مره بعيوني
شفته ..وكانت فرحتي مالها لون=عجزت لأوصف .. من لمحته شجوني
ياليتني ..كنت الكفن يوم تمشون=أبقى معه بالقبر ثم تدفنوني
أو ليتني .. من خلفكم كنت (مجنون)=أتبع خطاكم والعذر هو : جنوني
أبكي وراكم .. وأدعي ان كان تدعون=ما يكفي انه عاش عمره بدوني؟؟
تكفون < هاكم عمري اليوم تكفون=برخص حياتي دام خابت ظنوني
ما فادني صبري !! ولا فادني عون=ولا فادني دمع(ن) .. حرق لي جفوني
يا ما بكيته والبكي يحرق عيون=ميت أو انه حي .. دمعي بعيوني!!
العام كان بفرحته.. يعزف لحون=واليوم ؛ تحت الأرض .. ماهو بكوني
لكن أنا في فرحته.. كنت مدفون=فوق الثرى .. واليوم موته سجوني
(سميت قلبي عقب فرقاه ملعون)=هو و الليالي .. عن هناه امنعوني
ياليتني.. ماعشت لحظه بهالكون=و ياليت ربعي .. في سكات اذبحوني
وياليتكم .. عن همّي اليوم تدرون=منه انحرمت > ومن عزاه .. احرموني
حتى بوفاته !! يوم أنا طحت مطعون=أخفيت طعناتي .. قبل لا يفضحوني
بكيت!! لكن .. ماتظاهرت بالهون=أبكي وأقول : الموت هو سبة طعوني
و إن كان في حبّي أنا ..ماتحسّون ..؟! =دلوني لقبره .. وهناك .. اتركوني

نور الهدى

بوح جميل واحساس يلامس الا حساس

نص صادق ..

رغم بعض الملا حظات على المبنى وليس المعنى

صح لسانك

نور صح إلسانك ويعطيك العافيه جميله القصيده

نور صح إلسانك ويعطيك العافيه

نور الهدى

صح لسانك على هذه القصيدة الرائعة بروعة حضورك الجميل وفقك الله

وتقبلي مروري

نور الهدى منقول جيد

ومكانة في القصايد المختارة

كل الود

قصيدة حزينه جداً تتكلم عن وفاة الحبيبه

صح لسان من قال

وسلمت يمينك اختي نور الهدى

متميزة بمواضيعك

يعطيك العافيه

مشكوره اختي نور على هالاختيار

وهناك بعض التجاوزات من الشاعر غير مرغوبه

مودتي

قصيدة جميلة ومعبرة ومحزنة

ولكن هنالك إعتراض وكلام ينبغي على المسلم العاقل

أن لايقوله حتى وإن كان في أضيق الأمور وأحزنها

الموت حق وكل عين بتشوفه وهذه سنة الخالق في خلقة

ويجب علينا عدم الأعتراض 0

نور الهدى الله يعطيك العافيه

الجزع في أي شيء منبوذ ومنهي عنه شرعاً

حتى لو كانت القصيدة جيدة جداً

ولكن يبقى للدين والشرع حدوده وضوابطه التي

ينبغي للشاعر أن لا يتجاوزها ،،،،

شكراً لكِ أختي نور الهدى