التعلّك

		المشاركة الأصلية بواسطة : الـريـم اقتباس
	هههههه يعطيك العافية شغب من ناحية شغب شغب < وين العريفة عنك ياااا قدميييي هيييي يا حزم الظامي ذكرتيني خيتو بعلك الطبعة على قولتك كنت أشتريها مخصوص و أقط العلكه و أكشخ بالطبعة وكم مرة أخذت تهريئة من أمي بسبتها هل انت/ي من النوعية اللي تتعلك ؟؟ أكل العلك بس مو في أي مكان ولا في أي مناسبة , وهل تشوف التعلك عيب والا عادي ؟؟! عادي بس على حسب المكان و الأشخاص يعني مثلاً صعبة تروحين زواج كاشخة و حاطة رجل على رجل و أخر شيء تطقطقين بالعلك قدام الناس < مافيها ذوق أبداً أو أمام ناس كبار و أغراب لكل مقام مقال يعطيك العافية شغب بس ما قلتي لي سالفة العلكه مع طوماس حقيقة ولا شغب أنثى

هلا والله بالريم ..اسعدني مرورك ..

يعني انتي زيي كنتي تكشخين بس بالطبعه انا ابد مايهمني العلك كثر ماتهمني الطبعه اشوفها على يدي احس اني ملكت الدنيا كلها ههههه الله من ايام الله يعيدها

وقصة طوماس حقيقه انا قريتها بس المسيكين مانجح في صنع العلك ..


الريم شاكره لك مداخلتك

		المشاركة الأصلية بواسطة : شدادي كوووووووووول اقتباس
	البعض يشوفه عيب وآخرون عاااااااادي وبصراحة انا من الفئة الاولى وكل انسان وطبعة موضوعك حلو اختي العزيزة .. وطريف في نفس الوقت. دمتي بصحة وعافية

أهلين اخوي شدادي .. يعني انت تشوفه عيب .. بس مثل ماذكروا الاخوان والاخوات انه له وقته ومكانه .. عالعموم مثل ماقلت كل انسان وطبعه ..


شاكره لك مداخلتك

		المشاركة الأصلية بواسطة : ~شجون الشدادين~ اقتباس
	يسلمو على موضوعك المتميز عني انا .... صحيح اني اموت بالعلك ولو فتحتي درجي تلاقي كل انواع العلك بس بالحقيقه انا مآاستخدمه الا للضروره يعني بعد الاكل خصوصا اذا كان مطبوخ بثوم او بصل واكثر شي احبه هو لبان الآمي.....لانه مايضر الاسنان وبصراحه عادي جدا ان البنت تستخدمه.... اما الرجال يشوفوه عيب وانا لو اشوف رجال يعلك احسه عادي ويحب يهتم بريحة فمه... مدري ليه يشوفوه عيب..؟؟؟ تقبلي مروري

هلا والله بشجون


انا معك ان العلك للضروره وخصوصا مثل ماقلتي بعد الثوم والبصل من جد هذا يبيله علوك موعلكه وحده


شاكره لك مداخلتك

		المشاركة الأصلية بواسطة : جُمان اقتباس
	هل انت/ي من النوعية اللي تتعلك ؟ انا اول امووت عالعلك . . الحي خفييت شووي مو مثل اول بس بااقي احبه وهل تشوف التعلك عيب والا عادي ؟؟! لا مو عيب عاادي .. وعلى حسب المكان والاشخااص موضوعك مره حلو يعطيك الف عافيه يالغلا

هلا وغلا بجمان

فعلا على حسب المكان والمناسبه اللي انت فيها ..


نورتي الموضوع يابت .. شاكره لك مداخلتك

		المشاركة الأصلية بواسطة : غالية اقتباس
	هل انت/ي من النوعية اللي تتعلك ؟؟ لا ما احب العلك المشكلة ما اعرف اعلك احس كأني رقاصة اذا أكلته بس اّكله لمدة بسيطة و أتجنبة بالعزايم فشلة وهل تشوف التعلك عيب والا عادي ؟؟! الشكل وانت تتعلكين مو حلو خاصة عند السوالف عيب على قولة خالتي الي يكلمك وبفمه علك هذا ما قدرك والرجال عيب يتعلك ياخزيااه اختي ما تحب الرجال الي ياكل علك تفاجئت ان زوجها علاك ههههههههه شكورة ياقلبي على الموضوع يعطيك ألف عافية مرة ممتع موضوعك

هلا وغلا بغاليه

هههه حلوه كنك رقاصه ..

الله يسلمك ياغاليه ..نورتي الموضوع

جزيتي خيرا على هذا الموضوع الرائع...

وردي هو:

هل انت/ي من النوعية اللي تتعلك ؟؟

ايييه نعم أعلك وبكثرة

وهل تشوف التعلك عيب والا عادي ؟؟!

مثل قالوا اخواني خواتي عاادي إذا كنت لحالي لكن عيب قدام النااس

هلا وغلا بنت الزين ..

اشكرك عالمرور الرائع ومداخلتك


دمتي بود ..

طرح جميل حقيقه بس ابي اسئل من وين جبتي صور العلك القديم الصوره الاوليه الي الصق صورتها على اجسامنا كنت اعلكها وبالليل اخلايها بالثلاجه وانا اشوف من ابسط حقوق الشخص انه يأكل العلك وش فيها ليش احنا اذا مانحب الشي لازم نفرضه على الاخرين ولا نخليهم يكرهونه مثل انا ما أكل منه كثير ولا اشوف فيها اي شي من العيب. افضله من ريحت فمه الخايسه















تحيات/شرواي حلم

هل انت/ي من النوعية اللي تتعلك ؟؟
عادي مو مره بس احب اطقطق بالعلك
ومره من المرات وانا امشي في سيب المدرسه ايام الاختبارات
لا شعوريا وانا ماسكه الكتاب اراجع جالسه اطقطق بالعلك
وجات وحده من المعلمات ولعنت شكل شكلي
انا استغربت مو متعوده احد يهاوشني
وقلت ليش تهاوشين قالت اذا عرفتي وش معنى الطقطه بالعلك تعالي قولي ليش تهاوشيني
ومن بعدها ما عاد صرت اطقطق بالعلك ابداً خفت من كلامها حسيت انه عيب بقوه
صرت اطقطق اذا كنت لحالي بس
بس اموووووووووووووووت اعرف وش معنى الطقطقه بالعلك

وهل تشوف التعلك عيب والا عادي ؟؟!

لا عادي
بس اذكر مره قلت لاخوي تبي علك
قال لا خير ان شاء الله اكل علك قدام الرياجيل

ويعطيك العافيه شغب ع الموضوع الحلو والمعلومات الاحلى يالغاليه