لاصار ماعندك من المرجله شي

بسم الله الرحمن الرحيم

ابيات نصيحه

واللي شدني بيت لغازي بن عون وهو شاعر غني عن التعريف وتربطني به علاقه وقمت بزيارته بمحافظة الدوادمي

والبيت من ضمن قصيده وهو يوصف الدنيا

يقول غازي

دنياك ياغافل كمافية الغار = نوخ وقيل فيه وارحل وخله

طرقي يشد اليوم مقفي عن الدار = والطرقي الثاني يحل بمحله


وانا اقول هالابيات وهي ليست بجزالة ابيات غازي وتوي بدعتها ونزلتها لكم


يامتًبع طرد الشهوات والغي = ضيعت عمرك ياخسارة حياتك

اتروح مع درب الملذات وتجي = ولا جلبت الا الردى من سواتك

اخذ الكلام ان طعتني واستمع في = نصيحةٍ مني ثمينه وجاتك

الدين بالظلما وبدروبها ضي = والطيش لاتضمن خلافه نجاتك

الحق قطار التوبه العمر يمضي = وان مااغتنمته بأول العمر فاتك

وساسك لزوم انه على الطيب مبني = والصدق خله والوفا من صفاتك

ودنياك غازي قال كالغار له في = نوخ وقيل به وحث اخطواتك

احدن يموت وفي محل خلق حي = يعني توقع بأي لحظه وفاتك

ولاصار ماعندك من المرجله شي = ترا حياتك ماتباعد مماتك



كلمات / سامي بن عايض الشدادي

كان لي حظ السبق
اخوي سامي الذيب
اتشرف بحظ الاولويه بالتصفح
شعر بلامعنى لايمت الي الشعر بصله
مهما كان الوزن والقافيه متقنه
انا وياك في هذا الشعرقلبا وقالب
تقبل مروري المتواضع وخالص تحياتي

لاصار ماعندك من المرجله شي - ترى حياتك ماتباعد مماتك
صح السانك يالذيب والسان ابن عون

أرحب يا سامي يا بن عايض يا هلا والله وغلابك ..
وبن عون أستند لكلام نبي الله نوح عليه السلام الذي قضا عمراً في الدنيا كثير وعدى الألف سنة بكثير
عندما سأله ملك الموت صف الدنيا . قال كأنك أستظليت بظل شجرة وقمت عنها ..

قصيدتك حكيمة ومفيدة وجعلها الله شاهدة لك يوم لا ينفع مال ولا بنون إلا من أتى الله بقلب سليم ..

كتب الله أجرك وصح إلسانك مدد بلا عدد

تستحق التقييم والفايف ستار .

الذيب
حاولت ان اجد بيت القصيد
ووجدت القصيدة كلها جزلة
وشاعرها جزل
قصيدة من القلب للقلب
الله يرفع قدرك في الدنيا والاخرة
شعر وشعور صادق
صح لسانك ياذيب القصيد
دمت كما تحب

صح السانك

اسال الله ان يوفقنا لعمل الخير

لاصار ماعندك من المرجله شي
ترا حياتك ماتباعد مماتك
الله واكبر يابو عايض على الحكمه اللى ضاقت بها هالقصيده وختمتها ببيت ينقش بما الذهب في صدور اهل العرف والشعر الحقيقي بيت يسوا قصايد وقصايد وقصايد لله درك وكفو ونعمين فيك وفي الشاعر العلم غازي بن عون وصح لسانك مليارات واله يعطيك الف عافيه
وتقبل تحياتي,,,

صحت ابدانكم جميعا


ولعلها تشفع لنا يوم العرض

تحياتي لكم

صح لسانك يالذيب على هالقصيده الجزله من راس جزل

لاعدمتك

صح لسانك يالذيب على هاذي القصيده الناصحه لعل من غوي يعي ويعتبر
تقبل مروري