ادبشه مايدري وين وين

امس العصر في مجتمع ولاتقول وين المجتمع=لفيت لي رجلٍ كبير مابان به اثر السنين
قال انت من اين اتيت ولإي قومٍ تنتمي=جاوبت من ارض الحرم ومن روس قومٍ غانمين
قال ونعم والله بهم اميرهم فعله فريد= اللي نطح سبع الجموع ماقيل جنبها يمين
ثم قال بقول منهو انا قلت انت معروفاً لدي=ويعرفك غيري من الرجال اللي تراهم فاهمين
ولا البهيمه اتركه وكبه عنك ابمبركه=مايدري وين اموجهه ادبشه مايدري وين وين
وفجأه سمعنا اللي صدح رجلٍ ياكثر اللي اسفهه=حكيم وزينٍ منطقه وسأل وش فيهم مدبرين
قلت دارت علينا الدايره بقعا علينا غايره=ياكثراللي تجاهلو واكثرهم اللي رافضين
احوالنا لاماتسر لالاصديق ولاعدو=قال انت عايش بينهم وعندك ترى العلم اليقين
عطني اعلومك بستمع من ضمن اللي يستمع=انت اتكل على الولي والله عليها لك يعين
قلت البلا من يفهمه ياكثر منهو يجهله=دم ولحم مايجتمع صارو كذا متنافرين
صارو سوات الموجبا مايجتمع مع سالبه=كلاً يقول الفضل الي انا عليكم اجمعين
تفرقت اعضا الجسد ماعاد يوجدبه جسد=لو تمسكه بأصابعك بتذرذره مثل الطحين
عشرين عاماً نستغيث ومقلبين الالبسه=عشرين عاماً روحت ماقد قيل امربعين
دايم نشوف ابروقها ونسمع رعدها يطحن=ما امطرت ماسيلت ياحظ اديار الكارهين
دايم علينا امخيله ولإرض المسيح امسيله=وارض الحسين امربعه يازينها ارض الحسين
مات الدبش ياهل الدبش ماعاد عندك من دبش=قضت عليه امراضها وزوداً عليها ممحلين
قال الى هنا وقف هنا ماتسمع اللي اسمعه=قلت المصيبه كايده تعال شوفه شوف عين
واخذه وسط المعمعه في وسط ناس امجمعه=يشوف ويش اللي حصل شيٍ يهول الناظرين
شفنا فتاةٍ عاريه تبكي ولاهي راضيه=اللي ايتناوشها بأيديه واللي فيها امشبهرين
واللي ضربها بالوسط واللي يهزلها الوسط=وسألنا وين ارجالها وجتنا الاجابه فاعلين
ونمشي ونتركهم ورى عزالله ان فيهم زرى=وسألني منهم ياتٌرى ثم قلت مايسأل فطين

صح لسانك
واعتلى بالخير شانك
ولاهنت شاعرنا على القصيدة الرائعة

صح إلسسانك شاعرنا
إعتلى بالخير شانك
شكري وتقديري

بنت النشامى
الشذى
صحت ابدانكن
ومشكورات على مروركن

الله عليك ياشاعرنا
قصيدة ولاأروع
لاهنت ..

فارسة الاحلام
منوره
حياك الله
ومشكوره على مرورك

صح لسانك شاعرنا سعد ..
قواك الله لاهنت أستاذي الكريم .

قصيدة جميلة
الله يعطيك العافيه على الجهود يا شاعرنا

قصيدة رائعة 

يعطيكِ العافيه
   شاعرنا

صح لسانك اخوي
وبيض الله وجهك