المشاعر برد وابرد من جليد

الاخوه
اعضاء وزوار منتدى الشدادين
اقدم لكم هذه القصيده راجيا ان تنال رضاكم

ان بحثنا عن نهايه في دهاليز الخفا=لاجديد /غير ما يلفي علينا من بعيد
وان سألنا عن مدى شدة معاناة الجفا=فالاكيد/ تنثني وتذوب قضبان الحديد
وان طلبنا منكرينا جزء من نسبة وفا=فالعديد /المشاعر برد وابرد من جليد
وان تمنينا بدنيانا فقط ساعة صفا=تقطع ايد /واحمد الله لو سلم حبل الوريد
وان تشجعنا على غفله ورددنا كفا=وش يفيد/ يستمر الحال والامر الشديد
وان صبرنا وان تجاوزنا على رمي القفا=تستقيد/ فوق ما يكفيك والزايد يزيد
وان تمادى الحال واللي عال قلنا له أفا=مايزيد /غير مايغمرك ضر ولا يفيد
وان بغينا نعزم البردان في جال الدفا=ما يريد/ غير طردتنا لكي لا نستفيد
وان غطينا الجرح لين انه تورم واعتفا=من يكيد/ زاد ترديد الملامه والوعيد
وان عطينا من سألنا حاجته لين اكتفا=ما يحيد / وان غرفنا له من اموال الوليد
وان سألتوني وش الدبره اقول اللي عفا=السعيد/ من بحبل الله على الراي السديد

يروق لي شعرك كثيرا ويعجبني قافك

صح لسانك على القصيدة الجزلة

الاخت الفاضله
شيهانة المرقاب
بارك الله فيك
لاهنتى
تحياتي

صح لسانك
وعلا شانك
ولاهنت شاعرنا
على القصيدة الجزلة

صح لسانك وَ بيض الله وجهك
ماقصرت والله

السعيد من بحبل الله على الراي السديد
حياك الله يالسفير
وصح السانك وقلبك مليون
ابدعت بماء كتبت
وألف لاهنت

الاخت الفاضله
بنت النشامى
بارك الله فيك
ولاهنتي
تحياتي

الاخت الفاضله
زهرة الكرز
بارك الله فيك
ولا هنتي

الاخ العزيز
الشيخ
لاهنت يابن العم
ولاهان غاليك
سرني مرورك
وشعورك الطيب
لاعدمناك
تحياتي

الله الله صح لسانك سفير وشاعر
على القصيده الجزله وشاعريتك الفذه لايسعني الا ان اقول لك فالك البيرق