آخر 10 مشاركات |
مختارات | بداية العلم أن تكتشف جهلك وبداية الجهل أن تكتشف علمك |
|
||||||||||||||||||
مساجلة فارس بن ضويّان و فيصل بن مهرس
السلام عليكم
بدع ورد بين الشاعرين فارس بن ضويان و فيصل بن مهرس
يافيصل يابن مهرس ترفّق على المنكوس=حزين وقصيدك زاد حزنه على أبياته توجّد على وقتٍ مضى وضايق ومعبوس=وجفنك يهل الدمع .. من ماضيٍ فاته تكابر على شان الهوى والهوى محسوس=تبيّن على وجه ( الهواوي ) علاماته وانا مامتلك قدره ولا في يدي فانوس=آوقّف قطارك .. لا تعدّى محطاته دخيلك يابو زايد ليا واردتك هجوس=رفيقك من اشعارك تجٓدّد معاناته فراق الحبايب خابره كنه الكابوس=على النايم الحالم لافز ب تنهاته وجع سجة الذكرى على الخاطر المعموس=تخلي من اونسها يجامل ب ضحكاته تركز مضاربها من القوس لين القوس=وتخلف قوي العزم عن كل هقواته وانا خابرك قرمٍ تدوس الاعادي دوس=لاجاء الموقف الغصّاب وكلٍ ووقفاته ليا كبرت القاله ودِق للخطر ناقوس=مايذخر عن لزوم الذي جاه فزعاته عريبٍ طليق حجاجه وهمّه الناموس=مايقطع بني عمه على قلّ جيّاته يوم ان المجالس هرج فاضي وشين نفوس=لقاها السفيه اللي تضحّك تفاهاته وشرواك منطوقه عدل مايجي معكوس=قبل ينطق لسانك .. تحسّب لكلماته تجيب العلوم الوافيه والرجال جلوس=ولاجبت علمك تلحق العلم باثباته تشرف بني الحارث وتدرى على بنيوس=ولا يوصفك قاف القصيد وعباراته حفيد الشيوخ اللي زعلها يطش الروس=ياقو ضرب فارسهم ليا شن غاراته لـ فارس بن ضويان
هلا بالجواب اللي بـ عذب الشعر متروس=قصيد ٍ تشوق أهل الدواوين بصماته يابو فهيد هيَّضت الأحاسيس والهاجوس=وقلب العناء ثارت هواجيسه .. و جاته قصيدك بحر ماهوب ( خبراء ) وجَمَّ رسوس=ورأسك مع أهل الجود .. يا طيب هوماته رفيقي وأبن عمي وللطايلات تروس=وآفاخر بـ فعلك وآتنومس بـ طالاته حفيد الرجال اللي ليا ثوَّر النادوس=تضد العدا والسيف يروون سلاته وأنا يوم آغيب أحيان ماهو جفاء وحسوس=لكن الزمن قامت تزايد ضغوطاته ولا حدني للشعر ياكود بعض رموس=وقصة غرام ٍ .. ضيَّعتني متاهاته براني الهوى وأودع ليان الغصون يبوس=ولا يلام من ذاق المفارق ولوعاته آلا يا وجودي وجد ذود ٍ بـ حر شموس=حداه الظمى والعد طالت مسافاته ويا تل قلبي تل ركب ٍ سرا كردوس=يتله عقيد ٍ ترهب القوم سطواته ويا لج صدري لجة الساهر المضروس=تلجه ضروسه وإنتحى الليل ما باته على اللي غرامه زارع ٍ بالضمير غروس=سقاها الغلا لين أثمرت كل واحاته ما كنت آتوقع يختلف وضعنا ويحوس=بعد ما عطاني العهد وآعطيته إثباته لكن الليالي قطّعت حبلنا الممسوس=وطبع الليالي للمواليف شتَّاته وأنا يوم قفَّى كن كبدي تجزَّ بـ موس=جداي الدموع وجَرَّة القلب ونَّاته حداني الزمان اللي يحوس المشارب حوس=وحل المفارق وآسبل الجفن دمعاته ظروف الحياه وحظي العاثر المنحوس=هي أسباب حزن ٍ طالت الروح طعناته آبصبر على الفرقا وآنوس المعالي نوس=وكل ٍ يجي رزقه على قد نيَّاته لـ فيصل بن مهرس وسلامتكم
التعديل الأخير تم بواسطة ! سارة الغيد ! ; 17 Feb 2015 الساعة 04:44 AM
سبب آخر: تنسيق
|
04 Feb 2015, 07:46 PM | [ 2 ] | ||||||||
|
رد: مساجلة فارس بن ضويّان و فيصل بن مهرس
مساجلة رائعة وأكثر
بيض الله وجيهكم ولاهنتوا كل الشكر والتقدير لشخصك الكريم |
||||||||
|
|||||||||
04 Feb 2015, 07:47 PM | [ 3 ] | |||||||
<img border=
|
رد: مساجلة فارس بن ضويّان و فيصل بن مهرس
هلا بالجواب اللي بـ عذب الشعر متروس قصيد ٍ تشوق أهل الدواوين بصماته يابو فهيد هيَّضت الأحاسيس والهاجوس وقلب العناء ثارت هواجيسه .. و جاته قصيدك بحر ماهوب ( خبراء ) وجَمَّ رسوس ورأسك مع أهل الجود .. يا طيب هوماته رفيقي وأبن عمي وللطايلات تروس وآفاخر بـ فعلك وآتنومس بـ طالاته حفيد الرجال اللي ليا ثوَّر النادوس تضد العدا والسيف يروون سلاته وأنا يوم آغيب أحيان ماهو جفاء وحسوس لكن الزمن قامت تزايد ضغوطاته ولا حدني للشعر ياكود بعض رموس وقصة غرام ٍ .. ضيَّعتني متاهاته براني الهوى وأودع ليان الغصون يبوس ولا يلام من ذاق المفارق ولوعاته آلا يا وجودي وجد ذود ٍ بـ حر شموس حداه الظمى والعد طالت مسافاته ويا تل قلبي تل ركب ٍ سرا كردوس يتله عقيد ٍ ترهب القوم سطواته ويا لج صدري لجة الساهر المضروس تلجه ضروسه وإنتحى الليل ما باته على اللي غرامه زارع ٍ بالضمير غروس سقاها الغلا لين أثمرت كل واحاته ما كنت آتوقع يختلف وضعنا ويحوس بعد ما عطاني العهد وآعطيته إثباته لكن الليالي قطّعت حبلنا الممسوس وطبع الليالي للمواليف شتَّاته وأنا يوم قفَّى كن كبدي تجزَّ بـ موس جداي الدموع وجَرَّة القلب ونَّاته حداني الزمان اللي يحوس المشارب حوس وحل المفارق وآسبل الجفن دمعاته ظروف الحياه وحظي العاثر المنحوس هي أسباب حزن ٍ طالت الروح طعناته آبصبر على الفرقا وآنوس المعالي نوس وكل ٍ يجي رزقه على قد نيَّاته لـ فيصل بن مهرس شاعران لله دركما رائعه المساجله اعجبني جدا رد الشاعر فيصل بن مهرس رائعه بمعنى الكلمه الكلمات والمعاني جميله جدا شكرا شاعرنا فارس بن ضويان بارك الله فيك وقواك الله وهلابك تقديري واحترامي |
|||||||
|
||||||||
04 Feb 2015, 10:34 PM | [ 4 ] | ||||||||
مراقب عام
|
رد: مساجلة فارس بن ضويّان و فيصل بن مهرس
الشعر من جزالته يعرف انه من شعركم الله يببض وجيهكم. |
||||||||
|
|||||||||
05 Feb 2015, 04:21 AM | [ 5 ] | ||||||||
عضو متألق
|
رد: مساجلة فارس بن ضويّان و فيصل بن مهرس
مسآجله راقيه ومتالقه ك رقي طرحها وآكثر |
||||||||
|
|||||||||
05 Feb 2015, 08:21 AM | [ 6 ] | ||||||||
شاعر
|
رد: مساجلة فارس بن ضويّان و فيصل بن مهرس
ماشاءالله تبارك الله مساجلة راقية ..ذات معانِ سامية ومفردات جزلة صحت الألسن وبيّض الله وجيهكم تقبل مروري أخي فارس دمتم بخير,,, |
||||||||
|
|||||||||
05 Feb 2015, 03:21 PM | [ 7 ] | |||||||
عضوة متميزة
|
رد: مساجلة فارس بن ضويّان و فيصل بن مهرس
بيض الله وجيهكم على هـ المساجله الرائعه ماقصرتوا ربي يسعدكم |
|||||||
|
||||||||
06 Feb 2015, 02:39 PM | [ 8 ] | ||||||||
مؤسس شبكة الشدادين
|
رد: مساجلة فارس بن ضويّان و فيصل بن مهرس
لا هنت يا أبو فهيد ولا هان أبو زايد والله يبيض وجيهكم وعساكم على القوة اليوم ودوم |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|