عشره وراحت مثل حلمٍ تحلمته ، هانت على من جرحني ليلة وصالي

بقولها له بعد ماقالها صمته=جعله سعيد وبعيد وخاطري سالي
مادام صوت العقل في الحب حكّمته=يسمح لي القلب أحطم برجه العالي
شيءٍ من الماضي إلى باكر تعلمته=من مابقا لي غلا مابيه يبقا لي
شاب الغلا يحسن الرحمن خاتمته=رفيقي أول ماهو رفيقي التالي
ماهم قلبي خطا غيره ولا لمته=ماتشره إلا على رفيقك الغالي
تجاوزي عن خطا غيري تعاضمته=لاشفت نظرات أنا بعيون عذالي
هذاك ظالم وهذا الناس ظالمته=قلي من اللي من هموم الزمن خالي
ماكلّ ماجال بالخاطر تكلمته=بعض الحكي ماتكلمته وأنا لحالي
إن كانه الحب ذاك اللي توهمته=ياكثر ماخالفت أقوالي أفعالي
أو كانه الحب ذاك اللي تألمته=لاعاده الله غلا لا ماتت أمالي
اللي تنكر وأنا بالحب كرمته=مابيه لقفيت ينشدني عن أحوالي
عشره وراحت مثل حلمٍ تحلمته=هانت على من جرحني ليلة وصالي
ياللي بالأحزان والأفراح قاسمته=أبشرك مر يوم ومنت في بالي

كلمات : الأمير / سعد بن سعود

بارك الله فيك أخي
أبا علاء
وجزاك عنا كل خير وأثابك
ولا حرمنا وإياك الأجر وجزيل الخير