على الامل للحين باقي ولا زلت

على الامل للحين باقي ولازلت
لو ان مر الوقت عنك يحداني



رغم البطى اذكر جميع الذي قلت
واذكر يديك وضمتك والحناني


عز الله اني في غيابك تجملت
ولاشعرت بلحظه انك اناني


اقول لونك مكاني تحملت
وتاقف مواقيفي وتاخذ مكاني


ليتك مودعني معك يوم كلمت
والا ياخذ الموضوع منك ثواني


تركتني على رصيفك وكملت
ماقلت فيه انسان واقف عشاني


ياكثر ماتهت بسكوتك وحللت
لاكن عيا فيك يسطى لساني


لو ميل الريح النخل عنك ماملت
مبلي بحبك يوم ربي بلاني


واليا عذلني عاذل فيك هملت
زود الغلا والحب عنه يعصاني


ولاشفت لي عشاق فيهم تاملت
اصبر واكافي وحدتي بامتناني

صح لسانك شاعرنا عايض

شاعر مبدع جزل متميز

صح لسانك ياشاعرنأ
ابيات جميله "
لاعدمنا جديدك ،

سلمت وسلم غاليك وبارك الله فيك
يا شاعرنا العزيز أبو نايش
والله يبيض وجهك ويعلي قدرك
كفيت ووفيت وما قصرت
وصح لسانك ملايين