خسيتي.

قصيدة أعجبتني وحبيت أنقلها لكم وإن شاء الله تعجبكم:
(خسيتي)

خسيتي لعنبو جدك خسيتي والغلط ينعاب = خسيتي وأقلبي وجهك ولا كلمة ولاإجابه
خسيتي وإلزمي حدك تراها ضاعت الآداب = أنا لا طاشت جنوني يعرف الجاهل آدابه
وش المغزى من الكلمة بلا داعي بلا أسباب = وهرج الكذب والتجريح قولي وش أسبابه
أنا الشرهه علي إني فتحت لخافقي كم باب = ولكن مثل ماجيتي ترى وسع الجمل بابه
خذي نفسك معك برى ثم أنقلعي بدون إياب = فمان الله وإلا فمان إبليس وأصحابه
تحسبيني على فرقاك أبندم وأغرق الأهداب = أنا مبسوط يوم إني طردت الشوم وغرابه
أنا ما أعاشر الخاين ولا أسمع هرجة الكذاب = ومثلك قيمته عندي تحت الزيرو حسابه
هذاك اللي تحبينه حقير وخكري ولعاب = عاجبك إن قذلته شقراء ويميل بالشعر كابه
صحيح إنه حقير و زين وشكله للنساء جذاب = تشبه بأخته فلانه ومنها الدم متشابه
وأنا ماني بحرف الجر تجرينه على الأعراب = أنا حرف جزم نفسه ومثلي يصعب إعرابه
تشوم النفس عن زينك عقب ماطاح فيها ذباب = وأنا حر ولد حر تركت الزين وذبابه
أنا يابنت من ربع لهم فوق الفخر محراب = أنا من آل البيت ربع النبي وأقرابه
أنا شيخ ولد شيخ بذكره تنعم الأنساب = إليا قام العرب كلا يراجع دفتر أنسابه
ولد شيخ وسط ربعه له بين الرجال حساب = إليا ضاقت به الدنيا يهز الأرض مشعابه
محنكني على الطيبه من يومي صغير وشاب = أجل وش رايك بطفل دلال القهوة ألعابه
أنا لا جتني الزله من الجاهل وهو كذاب = تركت القافله تمشي وراها تنبح أكلابه
وأنا إليا من كشف أن الخوي أصبح لسان داب = نزعت السم من عرقه وكسرت بمخلبي نابه
خلاص اليوم يافلانه كرهتك والقلوب أغراب = وتري كل طير بكبد السما يشبع بمخلابه
خسارة مثلك بقلبي تضمه غرفة الأحباب = وخسارة غلطة العاشق يحطك أول أحبابه
بعد هذا تبين أرجع لأجل عينك نصير أحباب = خسيتي وأقلبي وجهك ولا كلمة ولا إجابه

خذي نفسك معك برى ثم أنقلعي بدون إياب = فمان الله وإلا فمان إبليس وأصحابه

الأميـــر

شكراً لإنتقائك هذه الكلمات رغم قساوتها ..

تحياتي لك

أخت الرجال

أحياناً لا يعبر عن جرح الحبيب

إلا الكلام القاسي فهو أقوى تأثير

بارك الله في مرورك الجميل.

الله يا قدمك يا أبو عبدالله

وغير إنها نشرت هنا أكثر من 4 مرات إلا أنك بعد ما نسقتها

يا ليت تنسقها عشان نتوسط لك ما ينقلونها للغرفة اللي أنت خابرها

لا هنت يا أميرنا

السلطان

والله يا خال ماعرف انسقها لا وهذا وأنا ملونها مرة لون اسود

ومرة احمر ومرة ازرق علشان تتوهون في الألوان

وما تقولون مكرر حطمتني ياخال إحذفها أصرف

هههههههههههههههههههههههههههههههههههههههههه

ياااااااااااااااااااااااااهملالي.

صح السان الشاعر وصح نقلك امير على اسمك

راعه والاروع انها نقل الامير لك جل تقديري

الياسر

لاهنت يالذيب على مرورك

الطيب بارك الله فيك.

تم التنسيق يا البناخي

عسى عمرك طويل وأبشر بعزك دائماً

بيض الله وجهك يالسلطان

وعساك على القوة لاخلا

ولا عدم إن شاء الله.

أنا شيخ ولد شيـخ بذكـره تنعـم الأنسـاب
إليا قام العـرب كـلا يراجـع دفتـر أنسابـه
ولد شيخ وسط ربعه له بين الرجـال حسـاب
إليا ضاقت به الدنيـا يهـز الأرض مشعابـه
محنكني على الطيبه من يومي صغير وشـاب
أجل وش رايـك بطفـل دلال القهـوة ألعابـه

قصيده رائعه
بس أشوف الواسطات مشتغله
هههههههههههه
مشكور على النقل وتقبل مروري