عادي أو عيب؟

السلاآآم عليكم ورحمة الله وبركاته


حبيت آناقشكم في موضوع وابغى اعرف ارآئكم فيه


كل شخص عنده بنت عمه او خاله او بنت عم


وكل عائله تختلف عن الأخرى .!


فيه عائلات عادي البنت تتكلم مع ولد خالها وتقعد معه وتسولف


ويمكن تتهاوش هي وياه على موضوع وهي متغطيه وملتزمه بالحجاب


وفيه ناس لا حتى لاسلام ولا كلام حتى في العيد او عند الأصــآبه آو المرض عيب تسلم آو تبارك .!


لأن يعتبر هذا قلت آ دب ويمكن البنت لو سلمت
آو باركت قالوا إنهــآ جريئه وماتستحي .!


وفيه عوآئل وسط بس سلام والسؤال عن آخبارك فقط .!


طبعاً آنــآ آعرف وحده تقول انا مستحيل اتكلم
مع عيال آقاربي وجهــاً لوجه .!
بس في المسن عادي .!


تقول نص إللي في المسن عيــــــآل خوآلي
وعيال عماني .!


بس إني آتكلم معهم وإحنـــــآ مع بعض في مجلس مستحيل .!


... ... ...


إنت آو إنتي من آي نوع .؟


يعني هل تمانع من الكلام مع بنات آقارب آو لا .؟



_ آتمنى إني آسمع آرآئكم في الموضوع
منقووول
بس حبيت اعرف آرائكم

أنا اشوف وقت الضروره
عادي
لكن غير كذا اعتبره غبااااء؟؟

موضوع جداً حسّاس
بالنسبة لي وللمجتمع حولي
ما فيه لا كلام ولا سلام

يعني بالمختصر ما تعودنا أبداً نسولف أو نتكلم بعد ما نكبر
مع بنات أعمامنا أو خوالنا ولا نشوفهن إلا من بعيد متغطيات
ولا ندري عن فلانة من علانة.

كذا أحسن لنا كلنا وأريح
وكلِ واحد راضي بحاله
ويا زين طبوعنا

أنا من رأي مديرنا لسلطان
وعاداتنا وللأسف أقولها ، وليس ديننا
تمنع كل هذه الأمور ...
وإذا حصل يعتبرونها من سوء الأدب ...

صراحة عندنا عيب


^_^

مرررررررة ماينفع
عيب عندنا ومن الاساس مايجوز هالشئ
حتى لو بالحجاب متغطية ومريت من جنب أحد عيال خوالي أو عمامي
مستحيل نسلم او هم يسلمون
كل عائلة ولها عاداتها بس إحنا الحمدلله
ممنوع هالشئ عندنا

أشوف إني أحتشم وأسلم ع ولد عمي بمناسبه ومن بعيد أهون من اللي تتبرج وتطقها حنك مع
البائعين في المحلات هذا هو العيب وهذا اللي مو عادي ومثلها مثل اللي هندي عادي أتفلسف عليه
بس واحد من جماعتنا يوه فضيحه وعيب !
لاصرت بسلم عليه ببارك له بالعيد وبحضور الأهل وبكل احترام
مافيها شي وأصلاً ماسويت شي غلط عشان يفضحني هذاك لو إننا مانتعامل مع رجاجيل في المحلات
ولانسأل البائعين عن البضايع بكم ولانكلم السواق ونوصف له المكان اللي بنروح له صح بستكبرها
وماتوقع فيه حيا وحشمه أكثر من عهد أجدادنا وكان ولد العم يسلم ع بنت عمه ويخاويها للحج بعد
ويقول هذي أختي

بالنسبه لي كنت أسلم ع عيال خالي لأننا مرتبطين فيهم بقوه وماتغطيت عنهم إلا بالقوة الجبريه
نسلم بوقت العيد وكل مانزورهم بالبيت هم يبدون بالسلام ونرد عليهم عادي
بس مو وجهاً لوجه نكون بالمجلس ويكونون عند الباب وإذا ركبنا معهم بالسياره
لازم نمسي عليهم بالخير
أصلاً يفضحونا لو نركب وماسلمنا لكن مافيه طق حنك وسوالف وأخذ وعطى بس سلام بوقت مناسبات أو نكون جلسنا شهور ماسافرنا لهم وجينا عادي نسلم وإحنا متغطين ~

سؤال يطرح نفسه شلون عادي تسلم الوحده ع حموانها لاتزوجت وممكن
تكون عمرها ماشافتهم وماكانت رابيه معهم ولاشي وعيب ماترد ع سلامهم
لو مسوها بالخير أو سلمو عليها من بعيد أشوف عيال الخال والعم أهون ~

شكراً لك ~

		المشاركة الأصلية بواسطة : شدادية مصقرة اقتباس
	أنا اشوف وقت الضروره عادي لكن غير كذا اعتبره غبااااء؟؟

ههه مافهمت شلون وقت الضروره !! نوورتي صفحتي

		المشاركة الأصلية بواسطة : السلطان اقتباس
	موضوع جداً حسّاس بالنسبة لي وللمجتمع حولي ما فيه لا كلام ولا سلام يعني بالمختصر ما تعودنا أبداً نسولف أو نتكلم بعد ما نكبر مع بنات أعمامنا أو خوالنا ولا نشوفهن إلا من بعيد متغطيات ولا ندري عن فلانة من علانة. كذا أحسن لنا كلنا وأريح وكلِ واحد راضي بحاله ويا زين طبوعنا

كل واحد ورأيه ولكن حنا يمكن بهالجيل تعلمنا انه عيب وهو مو حرام السلام


لكن انا اشوف مافيها شيء لوو سلمت اوعايدت تحمدت لها بالسلامه

نوورت صفحتي

		المشاركة الأصلية بواسطة : متلهفة للتقى اقتباس
	أنا من رأي مديرنا لسلطان وعاداتنا وللأسف أقولها ، وليس ديننا تمنع كل هذه الأمور ... وإذا حصل يعتبرونها من سوء الأدب ...

السلام صار سووء ادب !!! مو لازم بنت العم او الخال تدق حنك معه كلها السلام عساك بخير وتضرب الجاده

منووره الصفحه