الشدادين وقبائل يام والعجمان وسبيع..

ابن مهرس اجد في موضوعك بعض الاستفهامات ارجوا الرد عليها بكل حياديه

قلت في بداية الموضوع ان الشدادين غزو على قبيلة يام في عقر دارهم واخذوا ابل ابو ساق فهل تذكر لنا تاريخ هذه الوقعه ؟

قلت ان الشدادين غزو على العجمان ولم تذكر تفاصيل هذه المعركة وركزت فقط على سلب الشدادين لاحد نساء العجمان ولم تذكر شيء غيره لعلك تخفي جانب مضيء من شجاعة العجمان ولكن احببنا ان تعطينا تفاصيل هذه المعركة لاننا لا نصدقك ولا نكذبك ولكن ليستفيد القاريء والمتصفح من التاريخ بعيدا عن المبالغه خاصة فيما يتعلق في العجمان القبيلة التي اعجزت ابن سعود سنين طويلة.
الذي اريد ان أسأل عنه هو كالتالي:
متى كانت هذه المعركة؟
ومن فرسان العجمان الذين قتلوا في المعركة؟
واين وقعت هذه المعركة؟
ومن هي الفتاة بنت الشيوخ التي سلبت ومن اسم ابيها الشيخ لاننا نعرف ان شيوخ العجمان لم تسلب نسائهم افتنا جزاك الله خيرنا
اخي الفاضل ابن مهرس لعلك متأثر بتاريخ العرب في الحروب الجاهلية عندما كانت تسلب النساء ولكن في حروب القبائل لا تسلب النساء كالجواري هذي لتصحيح معلوماتك ليس الا ولكن يسلب ذهب المرأة وهودجها ( المزين ) فقط .

قلت:
أكنا على العجمـان والنـور مـا بـان
كـون ٍ تسولـف بـه جميـع الـبـوادي

تسولف به جميع البوادي انا توني اسمع به واذا كان معروف وتسولف به جميع البوادي ارجوا الرد على استفساراتي وعن المصدر لهذه الحوادث.

		المشاركة الأصلية بواسطة : ابن مهرس اقتباس
	العجمي محمد حياك الله عند الاد شداد ابن الحارث والمثل يقول " يا غريب خلك أديب " وعلى هونك يالأجودي وأتمنى أنه ما ينطبق علاك كلام الشاعر الفارس في عصر التقاتل القبلي عندما صارت عليه الهزيمة فرد بشموخ الفرسان على أخصامه بقوله: ما تشحن الغلبه يكود الهداني = وألا غلام ٍ ما يعرف التقاييس والهداني هو الضعيف وإن شاء الله ما أنت بضعيف.. أما الغلام فهو صغير السن المتسرع وأتمنى أنك ما تكون مثله.. والقبائل قديماً لها أنتصارات ولها كساير, يعني مستحيل فيه قبيلة منتصرة دائماً يا صبي العجمان!!! ثم بنت العجمان ما سلبناها لأنها لحقت أباعر أهلها وهذا طبع البنات السنافيات, وعز الله إنهن أطيب من بعض رياجيل هذا الزمان!!! وجلست العجمية عند الشدادين معززة مكرمة, وتزوجها واحد من أبرز فرسان الشدادين وسلالته معروفين حتى الآن خوالهم الأولين العجمان الطيبين اللي يعرفون حقوق الرجال!! أما إنكارك لهذه القصة بحجة أن قصص العجمان جميعها مسجلة, فلا أعتقد بأن هذا عذر كافي وشافي ينفي صحة القصة التي يحفظها جميع أفراد قبيلة الشدادين وخصوصاً بناخي العجمان من الشدادين!! وردك هذا أسمح لي أقولك ما فيه شعره من الصواب وكلام العقال!! لكن بغيت أسألك يا صاحب كتب التواريخ وقصص الأطفال هل سجلتوا في تاريخ العجمان المثبت عندكم هذي القصص: قصة حمد العوامي الهاجري وراكان بن حثلين اللي من قصيدة الهاجري بيت يقول فيه: ثم أنشدوا راكان يوم ألتقاني = يوم ألتقاني وأقفت الخيل عرجود وألا قصة الشيخ عجران بن شرفي السبيعي وراكان بن حثلين اللي حصل بينهم مواقف ومساجلة منها قول عجران السبيعي: الله يرمي من غدر بالوهامي = الباير اللي حط في الدين تشكيك وألا يا طويل العمر ما تسجلون من التاريخ غير اللي يعجبكم واللي ما يتماشى مع رغباتكم ترمونه!!! لكن يا صبي العجمان ما نقول فيكم غير كل خير وتستاهلون المدح وأنتم أهله وكل قبيلة فيها حقها من رجالها, والعيب يالعجمي إستنقاص القبائل والعنصرية العميا وما نقول غير اللي قاله الفارس سدحان البقمي: نفعل ولا ننكر فعول ٍ للأجواد = ولاني بخطوات البخيل الجحودي والله يرحم الفرسان الأولين ويجعل مثواهم الجنة

ابن مهرس تذكرني بقصاصين العرب الذين يأخذون طرف من كل خبر ولا تعرف الرد عليه ولا تعرف ايضا احداث هذه الوقائع <<< سمعناهم يقولون فقلنا

لن اعطيك متعة ردي على تساؤلك هذا الا بعد الرد على استفساراتي لانني استمتع بمناقشت أمثالك

حياكم الله يالعجمان

والله أنها أبرك الساعات يوم جيتونا

وأختصاراً للموضوع ومثل ما قال راكان بن حثلين:

ما قل دل وزبدة الهرج نيشان = والهرج يكفي صامله عن كثيره

مؤرخ السلاطين بالنسبة لأسئلتك وأستفساراتك حول الموضوع فخذ ردها:

سنة كم حدثت القصة؟؟

حدثت عام 1257هـ على أقرب تقدير والله أعلم..

فرسان العجمان الذين قتلوا في المعركة؟؟

والله ما أكذب علاك يالعجمي
ولو ذكروا لنا الرواه أسامي أشخاص من العجمان قتلوا كان ذكرتهم لك, وما فيها شي الفرسان يموتوا في ساحات الوغى وهذي حياتهم, والوقعة عبارة عن غارة على البل وليست معركة محددة لها...

واين وقعت هذه المعركة؟؟

أنت أعرف مني بمفالي أباعركم يالعجمي, لأنهم أخذوها وهي مفليه..

أما تفاصيل المعركة والجانب المضئ لفرسان العجمان ما نقول غير ونعم بالأجواد, لكن أنا وأنت ما حضرنا المعركة علشان أعطيك التفاصيل كاملة وش تباني أقولك!!!

وفرسان العجمان مثلهم مثل باقي فرسان القبائل الأخرى في الجزيرة, ولا تأخذك العزة بالأثم!!

أما نقطة بنت العجمان فخف الله أنا ما قلت سلبوها وأرجع لسياق القصة, البنت عند أباعرها والقوم أخذوا البل وهي لحقتهم يوم أنها طيبة وأطلق من شوارب بعض الشباب اليوم..

والعجمية معززة ومكرمة وجدة ربعنا وعيالها من أشجع فرسان الشدادين وسلالتهم معروفين إلى يومنا هذا, فأرجوا ألا تكرر كلمة السلب لأنها غير مقبولة, وهذي ثاني مرة أعلمكم وأستحوا يا رجال!!!

وأنت يا مؤرخ السلاطين لا أنت راضي ولا أنت زعلان ما عرفنا لك وجه في الحوار مدري وش مطلوبك!!

وأما نقطة (((العجمان أعجزت ابن سعود)))

أما هذي ما صدقت فيها, ويا زين العافيه يالعجمي خلها بينكم يالعجمان وترانا نعرف البير وغطاها!!!

وليتك تعطينا الحقيقة في القصص اللي سألتكم فيها يوم أنت مؤرخ العجمان!!!

والشاعر يقول:

عز الله إنا ما نبا قطع الوتين = مار الدروب العوج وش تبغابها

شكرا ابن مهرس على الاجوبة
في البداية ما ذكرت لي متى سنة معركة الشدادين مع ابو ساق؟
وبعدين يا اخوك انت ذكرت كل الاحداث ولم تذكر الفرسان اللي قتلوا ان كان من العجمان ولا من الشدادين اجل شلون يصير كون يسولف به جميع البوادي؟؟؟
ودي اصدق بس ما تدخل راس عاقل يعني اهم شيء في ذا الكون هي البنت العجمية اللي تزوجها جدك ابن مهرس
تقول انه عام 1257 هجري ولست متيقن من السنه مئة بالمئة اهذا هو الكون اللي تسولف به جميع البوادي يا مشرف تاريخ الشدادين؟؟؟
تقول ان العجمية لحقت ابل اهلها علشان ترد الابل هل هذا الكلام منطقي ان مره ترد الابل من قوم ما تخاف على نفسها؟؟؟
لو قلت العجمان لحقوا الشدادين اصدقك وهذي معروفة ولكن حرمه ترد الابل ودي اصدق بس قويه يا ابن مهرس.
تقول ابن مهرس انها بنت احد شيوخ العجمان طيب وش اسمها وش اسم ابوها الشيخ ولا حكي انترنت وبس
أمراء العجمان معروفين من هي منه من شيوخ العجمان ؟؟؟
تقول ان ان الابل أخت في مفالي ابل العجمان يعني في وادي العجمان في الصلب والصمان وانتم يا الشدادين جنوب شلون قطعتوا كل ذا المسافة ولا تعرض لكم احد من العجمان ولا وبعد إلحقتكم بنت احد الشيوخ العجمان وين تجي هذي يا ابن مهرس!!!
يقول الامير راكان بن حثلين رحمه الله :

من القطيف اليا النفـود محميـة=ماهو يجيهـا الا خـويٍ وعانـي
شتات شمل الضد لزم(ن) عليّه=فرض(ن) علينا مثل صوم ارمضاني
لا بد من جمـعٍ يزرفـل كميـه= إجموعنا تاطـا الغبـا والبيانـي
في ساعـةٍ كـلٍ يهمـل خويـه=لا شاف ضرب مصقلات السناني
والصدق يظهر من حبالـه رديـه= والكذب يقطع من حبالـه متانـي
وقول(ن) بليا فعل عيب وخطيه= قولي على صدق(ن) وفعل بياني
روحي وأنا راكان زبـن الونيـه= ما ياخذ العقبـات كـود الهدانـي

اما استهزائك في قولي يوم اقول ان العجمان اعجزت ابن سعود فراح اجيب لك حادثه من حوادث كثيرة في كنزان يوم صوب العجمان الملك عبد العزيز واذبحوا اخيه سعد بن عبد الرحمن يوم يقول شاعر العجمان نغيمش العجمي:

ليل(ن) على ابن سعود ياليل الندم= راحت الاصايل والعمار الغاليه
اخيك اخيك من ضرب المخابيط انكتم=وطقيت يا شردان وانت تخايله
صابك وصاب اخيك من الموت السهم=في الليل الاظلم ليتنا في القايله

فهل فعلكم يا ابن مهرس مثل فعل العجمان في ابن سعود يوم مناخ كنزان من غير اقصور فيكم

وانتم يا الشدادين من الضياغم من عبيده من قحطان ولنا صولات وجولات مع بني عكم بني هاجر فاين انتم من نصرة بني عمكم بني هاجر عندما استغاث ابن شافي امير بني هاجر في ابن قرمله امير قحطان لنصرته ضد العجمان؟؟
ولو قصة العجمية صحيحه لردوا العجمان العجمية منكم ولنا في التاريخ عبره عندما غزى ابن عمكم ابن رشيد الضيغمي مع الدويش الكويت واستنصر امير الكويت في العجمان وجاء الامير راكان بن حثلين رحمه الله لنصرة ابن صباح وانزلوا في الصبيحيه جنوب الكويت وجاء ابن رشيد ومعه شمر والدويش ومعه مطير وحصلو بعض العجمان على ماء في منطقة حمى وخذوهم وهم اشوي وغافلين واخذوا ذهب مره عجمية واعتزت بصبيان يام واستعدو العجمان لاخذ الثار من الضيغمي ابن رشيد والدويش فقال الفارس سيف ابن غزيل العجمي:

يا الضيغمي طاوعت شور المغوّين = بواقة الجيران بيـن الثنايـا
بقت العهد فينا وحنا مغرين=من صوب شمر مـا نـرد الرعايـا
لا تحسبنا عقب حما بناسين=بأسبابها راحت ليـام(ن) حمايـا
ناتيك سيرات مع الصبح ماشين = بامر الولي نجعل قصورك جثايا
ترهن على الحكام يا شيخ عاصين = ناطا دماغ الشيخ وطي الحذايا
ياليت حن عند المظاهير يا حسين = ناتي لزينـات الخلاخـل فدايـا
نكسر نصاب السيف عند المتلين = لعيون من يركب بعوج الحنايـا

وانزلوا العجمان على شمر ومطير في الوريعه واخذوا بثارهم ورد اعتبارهم يقول الامير راكان في قصيدة مرسلها لحمود بن عبيد الرشيد بعد الانتصار:

نو(ن) تزبـر مـن جنـوب خيالـه=يبغي الدويش وخم سيله ذوي عون
يا راكبٍ حر(ن) جفـل مـن ظلالـه=ممشى الشهر يمشيه يومٍ على الهون
وابن الحميدي يوم حقق إجفاله=ما زيد خلا لي عطاش(ن) يرون
يا حمود كون البـاردة ذا بدالـه=وهذي سواة اللي ليام(ن) يحربون
وهذي لعينا اللي خذيتـم دلالـه=يا حمود يوم أنتم عليها تهزرون

ويقول الامير راكان في موضع اخر:

أنا حمد الله على ما صار=صبيان يـام غـدوا لمَّـا
والعسكري يضرب المزمار=وعلى الوريعه إقضى حمَّى

هذا علشان شمر ومطير اخذوا ذهب وقلايد عجميه ماخذوها براسه يا دون هالحين الشدادين ماخذين العجميه وحابسينها عندهم ولا وبعد مزوجينها والله الحتسي يا ابن مهرس:icon_mrgr
انا انصحك با ابن مهرس لا تسولف بذا السالفه عند احد لانها ما تدخل راس عاقل والرجاء الرجوع الى ابائك لمعرفة القصة الحقيقة وعدم ذكر اي حدث الى بعد التأكد والتيقن منه علشان ما يلحقك منقود.

حياك الله أخوي مؤرخ السلاطين

ونعم فيك وونعم في ربعك وربعنا العجمان والله يحييك

النقاش جميل ورائع ونحن نقرأ ونستفيد دام أنه في إطار

الأخوة والمودة وحوار الكبار

نتابع ونقرأ وننتظر مؤرخنا ابن مهرس في الرد عليك

فأهلاً وسهلاً بك في منتدى ربعك الشدادين

أنا سايق بنات القود والباكور بيديّه = تهدّر يا جمل ديرة ويا ناقة عرب حني

أتضح لي من ردودك يا مؤرخ أنك ما تبحث عن الحقيقة وإثبات القصة ولكن السالفة ما تتماشى مع رغباتك, لأنك تشوف العجمان أطيب القبائل وحنا ما نقول ألا ونعم فالأجواد!!

لكن على هونك يالأجودي,علمتك ورديت على أستفسارك وأحسبنك تفهم العلم وأثر عندك علوم وملاوي!!!

والفارس الأول يقول:

ما تشحن الغلبه ياكود الهداني = وألا غلام ٍ ما يعرف التقاييس

ياخوك أنت قمت تخبط أنت علامك, أثرك ما تداني الحقيقة وراك تحوص عن موضوعنا وتجيب علوم طوال وعراض!!!

أجل أسمع سالفة العجمية وغارتنا على أباعر العجمان معروفة وما يحتاج تعرفها وعساك ما عرفتها دايم, السالفة على طيب وأنت قمت تردها للردى, ثم العجمية علمتك أنها جدة ناس من ربعنا وسلالتهم معروفين وأنت الظاهر ما خذتك الحمية العميا ولا تعرف وجه السالفة من قفاها!!!

أما بالنسبة للمواضيع اللي أدخلتها في ردك ترانا ما نقول في العجمان ألا كل خير ويستاهلون التقدير والإحترام, لكن ياليتك توزن خطواتك وما تستعجل يا مؤرخ قبيلة العجمان!!!

جبت سوالف العجمان وكأننا ما نعرف العجمان وكنك تقول حنا العجمان وحنا فعلنا وحنا سوينا!!

ومستغرب غارتنا على أباعر العجمان لبعد الديار, والظاهر ما سمعت الشيخ الفارس مقبول بن هريس الحارثي يوم قال:

أقصى مغازينا ليا حد بغداد = ما كف جبل سلمى وأبان وطميه
بسيوف هند ٍ في اللقاء حدب وحداد = كم واحد ٍ منها كسنه دميه

ويقول في آخرى يوم يخاطب أبن عمه الأمير مبارك بن مهرس الحارثي ويبث الحماس في جيوش ابن الحارث:

يا أبو سعد سج الركايب يسيرن = وأليا غدا شي ٍ على بداله
نركب على هجن ٍ للأبعاد يدنن = أكوارها تصرخ صريخ المحاله
وحريبنا لو هو بعيد ٍ شكاهن = في المال وألا في شفايا رجاله
فاتن ثلاث اوجاب والنجر ما دن = البن باح ولا بقى ألا دلاله

والقصيدة قالها يوم غلق البن من عند ابن الحارث وسووا الهوايل ابن الحارث عاد كيف في المعارك!!!

ولا تستغرب يا عجمي وصولنا لكم لأننا نصول ونجول في الجزيرة وهذا حال القبائل, يقول الفارس شارع بن عواض الحارثي:

ركابهم من كل دار ٍ حفيات = من كثر ما تعطي قرار الحزومي
مر ٍ مناكيف ٍ ومر ٍ مغيرات=وسبارها عدا طويل الرجومي
وسلاحهم شغل النصارى الضريرات = ماهيب لا تهفي ولاهي زمومي
وصافي الحديد ولا لقوا فيه خلات = وأهله مضرينه بفرس اللحومي
وياما شعوا من جل لقح ٍ وخلفات = راحت لهم عند النكايف قسومي
وحال المردف دونها بالتثبات = ولحقوا طلبها وأحتموها القرومي

ولا تستغرب يا عجمي ترى كل القبائل فيها حقها من رجالها, لكن الظاهر أنت ما تشوف ألا ربعك هم أطيب العرب, عيب يا مؤرخ!!!

أما بالنسبة للهواجر وقحطان وابن رشيد, فأنا ماقفي قدامك حارثي والشاعر يقول:

ما يعز جنوبنا غير أيادينا = نفتخر بالحارثي وانتعزوابه

لكن ما دامك ذكرتهم فهم ربعي وأفتخر بهم, وأنا في البداية ذكرت حمد العوامي الهاجري وراكان بن حثلين والظاهر هي اللي زعلتك وقمت تحوص عنها, وهي مثبته يوم الهاجري طرح راكان من فرسه وإن شاء الله أنك مثبتها في تاريخك يا مؤرخ!!!

أما ابن شافي شيخ الهواجر يكفيني يوم يقول في قصيدته, يوم هم بين آل مرة والعجمان:

حنا شوي وشايلتنا القرامه = قطاعة ٍ نذبح ولو كملوا يام

وأما ابن هادي بن قرمله يقول:

لابد من يوم ٍ يثور اقتامه= أما على المطران وألا على يام

وراكان يرد عليه ويقول:

أهديت لك نور السلف والجهامه = باغيك ذخر ٍ في مقابيل الأيام

يعني وش معناه يا عجمي, دايم أنتم المنتصرين ما تدخل العقل يا مؤرخ وباحث عن الحقيقة!!

وأعتقد أنك تعرف منتدى الهواجر وقحطان وناقشهم في مواضيعك وأنا أعطيتك نبذة أنكم ما أنتم المنتصرين دايم, والحرب سجال يوم لك ويوم عليك يا عجمي يا مؤرخ!!

أما ابن سعود فهو يعرفنا زين ويعرف ميقافنا معه يوم بعض القبائل لها وجهين, مثل نايف بن حثلين وينكم عنه يا عجمان!!!

ثم أبن سعود أخذها بالسيف ولا يلحقه منقود وأنت أظنك من عجمان الكويت,, المصلح الله!!

وخذ نصيحة يا عجمي,الرجال يعرف اللي له واللي علاه, وخص المؤرخ لازم يكون عنده أمانة ولا تاخذه الحمية العميا ويخطي على الناس من غير حق, وقبيلة العجمان معروفة وفرسانها معروفين وتاريخها مشرف وكذلك ابن الحارث وباقي القبائل العربية, والحرب يا عجمي سجال يوم لك ويوم علاك, وعيب على الرجال ينزل نفسه منزله أكبر منه وهو ماهوب كفو لها, وأنت ما نقول فيك ألا كل خير لكن لا تحط نفسك مؤرخ العجمان ويمكن في ربعك أطيب منك, وعيب أستنقاص الرجال والقبائل...

بيض الله وجهك يا ابن مهرس ياذيبان
والـــشمس لاتــحجب بغـــربال

والعجمان والنعم فيهم
أهل الكرم والشجاعة .....

ومثل ماقلنا الحقيقة واضحة وضوح الشمس
وحنا ماننقص في القبائل حقها ومانقول ألا والنعم فيهم ....

مرحبا يا ابن مهرس تقول اني احوص وما يحوص الا الثعل وانا اخيك
انا في منتدى الشدادين واحترام الضيف واجب وانا اترفع من هذا الكلام لاني احترم القاريء والمتصفح الذي يبحث عن الحقيقة.
تقول اني جايني بلا ما اداني الحقيقة ؟؟؟
يا اخي انا ما طلبت المستحيل ولا طلبت المعجزات طرحت تساؤلات وهذا من حقي ومن حق الشدادين وليس العجمان فقط.. ان يعرفوا الحقيقة ولا فيها اي اعتراض ولا تزعل احد فليه زعلان يابن مهرس من تساؤلاتي
بالعكس انا ابحث عن الحقيقة والناس من اول غالب ومغلوب ولا اقول ان العجمان ما خسروا معارك بل اخسروا معارك وانتصروا في معارك ولكن اذا سألك يا ابن مهرس القاريء اسئلة هذا ماهوب معناه ان العجمان لا ينهزمون ولكن نبغي نوصل الى الحقيقة ليس الا.
تقول اني اتفرع في ذكر فعل بني عمي انا اقول رديت عليك في ذكر شجاعة بني عمي يومك ذكرت سالفة العوامي وتفرعت في السوالف واصل موضوعنا المعركة وش دخل العوامي وعجران الشرفي في اصل ما نتكلم عنه؟؟
بس ابشر راح ارضي غرورك يا ابن مهرس وارد على جميع تساؤلاتك.
سالفة العوامي والامير راكان بن حثلين:
هذي من كتابات ابن النعيرية الكدادي في كتابه المزعوم والذي امر امير بني هاجر باعدام هذا الكتاب حيث يوجد به مغلطات كثيرة.
سالفة ابن حثلين وابن شافي وابن قرمله:
هذه القصيدة لابن شافي امير بني هاجر مسندها لمحمد بن هادي بن قرملة أمير
قحطان يستنصر بها على العجمان حيث تجمع بين بني هاجر وقحطان أواصر
قربى حيث يقول فيها:

يا راكبن حمـرا بلونـه سحامـه=ترعى الزهر وين الشحم فوقها زام
فوقه صبـي مـا تغيـر كلامـه=يِدي الخبـر يـم الرفاقـه بَلَـوْلام
يا جـن تـرك الرثـا والحمامـه=إحمولنا مـن قبـل حِـلْ التِنـدام
صبيان قحطـان غشاهـم ملامـه=ويلها على صبيان جلـبٍ تلـم لام
حنا كمـا مايِـحْ ثمانيـن قامـه=هَيْما وفي جيلانهـا تسعـة هِيـام
ما يظهر الماء يِحْمي أقصى غمامه=خطـرٍ علـى جيلانهـا بتـهـدام
حنـا شـوي وحاميتنـا القرامـه=قطاعةٍ ننطـح ولـو كملـوا يـام
أرماحنا وسـط المدينـة علامـة=مع الصحابة حاربوا ذيـك الايـام

ثم رد عليه ابن هادي بقصيدة وهي رسالة تهديد ووعيد واعلان حرب على
العجمان ومنها هذه الابيات :

لي لابـةٍ حَدَّرتهـا مـن تهامـة=وسلاحها صنع الافرنجـي والاروام
ولا بد من يـوم يثـور عسامـه=إما على المطران واما علـى يـام
ويا ذا البهم والله إن تباري الجهامة=إلين تنزل بين صفـوى والاوجـام
حنـا كمـا سيـلٍ يطـم العدامـة=حول على طاش البحر لـه تِلِطـام
هذا على عـودٍ وصلنـا سلامـه=اللـي غَثانـا بِالبكـا والتِّظـيـام

فلما سمع الشيخ راكان قصيدة ابن هادي ردَّ عليه بهذه الابيات ويقول فيها:
[rams]http://www.alsh3r.com/files/rAkAn_bn_7thlyn/(17).amr[/rams]

يا راكـبٍ حـرٍ تـشذر سنامـه=نَيَّه جديدٍ فوق نَّيـه مـن العـام
ما صك لِحْيَه في ليالـي فِطامـه=ومدلهن يشرب لبن كـل مـرزام
إليـا ورد عـدٍ يِطَيِّـرْ حمـامـه=جاله صريمٍ مـن إلحِيَّـه تقصـام
ملفاك ابن هادي كبيـر العمامـه=شيخٍ ورمحه مع أهل الخيل مسلام
مـرٍ يواعدنـا بحـرب وقوامـه=ومرٍ يجينا مـن هـرج وتسـلام
حي الكلام وحـي منهـو كلامـه=اللي لفانـا مـن هـرج التوهـام
وش الجزا يا شوق زاهي الوشامه=لِسَّابق إللي ما عرفنا لهـا أوقـام
أهديت لك نور السلف والجهامـه=باغيه ذخرٍ فـي مقابيـل الايـام
وغديت أنا ويـاك مثـل النعامـة=جاها بَلاها مـن ثقيـلات الاقـدام
إن كان تبغي سابقـك والسلامـه=خلوا ضعاينكم مع العتـش خـرام
الترك قبلك زارِنـا بـه زعامـه=قد عافنا وِعْتاض عنا اهل الشـام
وان كان تطري حِدْرتك بالجهامـه=لما توصل بك إلى ذيـك الارجـام
ذي ديرة حاكـم كبيـر العمامـه=إللي نحى عنهـا طوابيـر الاروام
قدامـك شيـخٍ رفيـعٍ مقـامـه=الخيل قِرَّح وأبيـض الخـد قـدام
وإن رادها غيره ضربنـا لثامـه=عـودٍ يبـدل هفـوتـه بتـنـدام
يالله عسى الفردوس ملقى إعظامه=اللي بعث دين النبي دين الاسـلام
مثل الدويش اللي يِقَدي الجهامـه=عِقرت جواده فوق رجله والاقـدام
اقبل علينا يم سوق المنامه= عاداتنا نغلي جلب كل سوام
ذا القهري اللي حادر(ن) من تهامه= يسوق طرشه في لاحاليح واعجام
وان كان وِدك عندنا لـك كرامـه=تدري بضيفتنا أهل الشرق والشام
نبغي نسـوي للمسير كرامـه=شِلفٍ على قبٍ سريعـات ألـولام
تسعين رمحٍ كسرت فـي عدامـه=عشرين مِنها بين فاران وحـزام
فإن كان تبغي سابقك والسلامه= فلا تحول بالجحادر على يام
وإن كان جيت بلابتك من تهامه =حنا لكم في مقطع الصلـب قـدام
يحِرِّم عليك النـوط فكـت إبلامـه=ما دام يوجد واحدٍ مـن ضنـا يـام
كم ثار عند إركابنـا مـن كِتامـه=ياما هلك من ضدنا من سبب يـام
وكم من حريـبٍ دارج الـدم دامـه=يشبع بها السرحان والطير لا حام
حنا كمـا سيـلٍ تَناحـا غمامـه=حامل بَردهـا بالفرنجـي والاروام
سيله يقزي ما نحى مـن عدامـه=ورعودها منهـا المِدَلَـه تقصـام
وان كانكم سيـلٍ يِطْـم العدامـه=حنا زبارٍ يشرب السيـل لا عـام
وان كانكم ضلـع كبيـر حَجامـه=حنا كما نجمٍ على الضلـع هـدام
وان كانكم مثل الرعـد بِنْقِصامـه=فإن الرعد ينبت زبيـدي برضـام
معنا الطويل اللي تجيكـم علامـه=يركض على جمع الطوابر والاروام
بمهند(ن) يفري الظهر من عضامه=سيف(ن) صقيل(ن) فيه سو البلا حام
كم شيخ قوم(ن)نضربه في حزامه=ونكسيه عقب الجوخ بز(ن) من الخام
وكم سيف هنـديٍ فِظَخْنـا لِجامـه=بأيمانِنا كِنـه مقابيـس الاظـلام
نروي من إرقاب السِّكارا حَيامـه=في هيةٍ يشبـع بهـا كـل حـوام
قطعا لعينٍ اللي عريـضٍ سَنامـه=شقحٍ مفاليهـا مباكيـر الاوسـام
حريبنـا تصبـح بكبـده نـدامـه=وبراية الله نجعلـه حـذو الاقـدام
نرجـي مهاشيـلك تعـدى تهامـه=لا ساقك الله والقـدر ناحـرٍ يـام
وصلاة ربي عد منشـى غمامـه=على نبـيٍ خـص هالله بالاكـرام

فاراد الشيخ راكان ان يبعث برسالة فعلية الى ابن هادي قبل المعركة ليعرف
بها قوته فنادى بالعجمان فقال من اللي يشوف لي ابن هادي وربعه ورد لي
خبرهم فبرز من بين الصفوف واحد من شباب ال حبيش وعمره 15 سنة فجاء الى
قحطان ورأى بيوتهم مبنيه بين الدهناء والصلب متوجهين الى العجمان فسأل
الجنود وهم لا يدرون انه عجمي أين بيت ابن قرمله ( وهو محمد بن هادي )
فقالوا له بيت الشعر الذي يتوسط البيوت هناك فجاء الشاب فوقف على بيت ابن
هادي وركز الشلفه فوقعت بينه وبين نار الدلال رسالة تهديد الى ابن هادي
مفادها اني بمقدوري ان اقتلك وقال عساك ما تفود يا ابن شافي ما جبتنا الخير هذا واحد من بزران العجمان بغى يذبحني وشلون لو يجون العجمان كلهم وهرب الحبيشي فاسرع فرسان قحطان بطلبه ولكن لم يدركوه فايقن ابن هادي بقوة العجمان فرجع ادراجه الى ديرته ولم يحارب العجمان.
الحكي واجد يا ابن مهرس بس الفرق بيني وبينك اني اجيب علوم لها راس من ذيل اما انت تجيب علوم مبهمه ولا جينا نسألك ضيعت وزعلت

واذا تبغي سالفة عجران الشرفي مع الامير راكان ابشر

ما كان ودي اتفرع في الموضوع بس انت اللي اجبرتني

		المشاركة الأصلية بواسطة : السلطان اقتباس
	حياك الله أخوي مؤرخ السلاطين ونعم فيك وونعم في ربعك وربعنا العجمان والله يحييك النقاش جميل ورائع ونحن نقرأ ونستفيد دام أنه في إطار الأخوة والمودة وحوار الكبار نتابع ونقرأ وننتظر مؤرخنا ابن مهرس في الرد عليك فأهلاً وسهلاً بك في منتدى ربعك الشدادين

ما عليك زود يا الغالي وتسلم على الرد الجميل

تحياتي لك

حياك يالضيف

وحنا مقدرينك ومحترمينك في منتدانا

وأنا ما زعلت غير من بعض كلامك اللي كنك مستنقصنا يوم تقول(( فهل فعلكم يا ابن مهرس مثل فعل العجمان في يوم كنزان))!!!

وهذا الكلام عيب وأنا اخوك يصدر من رجال مثلك وخصوصاً إذا كان في محل المعازيب, وترى كل القبائل لها تاريخ وفعول!!!

وأنت سألتني بأسئلة وأنا جاوبتك علاها, وأتضح لي من ردودك أن السالفة ماهي معجبتك ولا تمشي مع رغبتك, والقصة على طيب ونقاء وأنت قمت تردها للردى والدليل يوم ذكرت العجمية يوم أخذوا ذهبها !!!


والقصة معروفة عند الشدادين وما يحتاج لها توضيح لكن أنت اللي أستفسرت وأنا جاوبتك!!

وأما بالنسبة لسالفة العوامي والسبيعي ما حدني علاها غير ولد عمك العجمي محمد يوم يقول تاريخ العجمان كله مسجل, وأنا سألته من باب الإطلاع على تاريخكم المسجل لأن سالفة العوامي معروفة ومسجله في الكتب!!!

أما تقول أن سالفة العوامي هي من كتابات ابن النعيرية في كتابه, فأنا أول مرة أسمع بهذا الكتاب, والسالفة معروفه عند الشيبان ومذكورة في كتاب آدابنا الشعبية الجزء الثالث للمؤلف منديل الفهيد العتيبي لاهو هاجري ولا هو عجمي!!!

أما سوالف ابن شافي وابن هادي وابن حثلين فهي على طيب ونقاء, وليتك تناقش الهواجر وقحطان فيها لأن هم لهم فعول فيكم وأنتم لكم فعول فيهم والأيام غالب ومغلوب!!!!

وحياك الله يالعجمي والفرق بيني وبينك أني أقر بالنصر والغليبة لكن أنت تباها دايم نصر وهذي مستحيلة, وأنا علومي على وضح النقاء وأنت إن شاء الله ما نقول فيك ألا خير ومرحبابك...

ونعم بالعجمان أهل كرم وشجاعة