نايف ترى بقلوبنا حي ما مات

.
.

.
.

ياعين جودي بالدموع الحزينه=وياقلب زود حر همك بالاهات
الحزن والهم الشقي والغبينه=حطت على الشعب السعودي علامات
من بعد نايف مات مابه سكينه=يارب ترحم سيدي بعد مامات
مات الذي بالجود تبطش يمينه=مات الذي يسهر على الدار مابات
مات الشجيع اللي تلوح يدينه=من دون شعبه في جميع المهمات
ياقاهر الارهاب في وقت حينه=ياقايد امن المملكه كل الاوقات
ياناصرٍ شعبه وداره ودينه=ياللي دعست اهل الفتن والملذات
فطين وافكارك تهول وفطينه=وامجادك امست راسخه فالمنيفات
يوم الروافض حاسوا الماء بطينه=جرعتهم كاس الشقاء والاهانات
قمعتهم بافعالك المستبينه=وذليتهم يانايف المستحيلات
حتى السواقه للقلوب الحنينه=يوم قربت واستانسن البنيات
وقفت ياراع اليدين الامينه=ومنعتها حتى غشى الحاقد اسكات
مرحوم ياللي كلنا فاقدينه=مرحوم يارمز العطا شامخ الذات
وصيت شعبك بالوصايا الثمينه=وارسلت في عدة سطور وكلمات
ان الامن للدار بمواطنينه=وان السعد للي وفاء للحكومات
وان كان نايف مات .. واقفت سنينه=ذكره ترى بقلوبنا حي مامات

.
.
عيد الشدادي

عيد
صح لسانك وبيض الله وجهك شاعر وجعلت
من شعرك نصيب رثاءلشخصية فقدناها سوى الدولة او الشعب
احزنت الجميع لمايتمتع به صاحب السمو نايف
الله يرحمه بشخصية لها مكانته سوى داخلياً او خارجياً
الله يرحمه رحمة واسعة

الله يرحم سمو الأمير ويسكنه فسيح جناته

صح لسانك أخوي
ولاهنت

الله يرحمه ويدخله فسيح جناته ,,
/
صح لسانكـ اخوي عيد واعتلى شانكـ
كفوو والله ~

كفو والله يا أبو عبيد وصح لسانك وطاب ميقافك
ولا هنت على جزل الكلام
والله يرحم الأمير نايف
ويسكنه فسيح جناته

كفو شاعرنا ما قصرت

ورحم الله الأمير نايف


تحياااتي

الله يرحمه ويسكنه فسيح جنااته
صح لسانك اخوي لاهنت
لك كل التقدير والاحترام ماقصرت
تحياااتي,,,

،’

صح لسـانك وبيض الله وجهك

والله يرحم الأمير نايف وموتى المسلمين

شكري وتقديري

ّّ

		المشاركة الأصلية بواسطة : الـغربــي اقتباس
	. . . . من بعد نايف مات مابه سكينه=يارب ترحم سيدي بعد مامات مات الذي بالجود تبطش يمينه=مات الذي يسهر على الدار مابات

آآآآآمين يآآآآرب
كفو والله قصيدة رائعة واعجبتني حيل
وصح لسانك واعتلى شأنك
وربي يسعدك ..

صح لسانك وبيض الله وجهك

وربي يرحم الفقيد ويسكنه جناته