الضياع

تبي تشوف الضياع بصورته ..؟ شفني
شف يا(عيوني).. عيوني ..تعرف اوضاعي





من دون داعي , تعانق دمعتي جفني
وشلون لا صار يوم وداعك الداعي؟!





((الجرح)) يعطش..؟ وانا الاوجاع تنزفني؟!
ما يعطش الجرح دام الساقي اوجاعي





تزرعني الريح بـــ انفاسك ,, وتقطفني
وآروح معها , مثل ما روّح شراعي





هذي (ذراعي) إذا ..حبيت, تخطفني
تحضن ذراعي ,, أو انك تلوي ذراعي!





ما دامني معك , خل الظلم ينصفني!
كل ما تجيبه سماك.. تعيش به قاعي





خذني لحن من ( زمان الصمت) واعزفني
وآصير انا الناي ..لا.. والذيب والراعي





ميل وتمايل قبل ما الدمع يذرفني
وان ضاقت الارض , تحتك ... هذي اضلاعي





العب طرب فوق هذي العوج ,, وارجفني
اطرب عيوني ,قبل لا تطرب اسماعي





وان شفتني آتساقط ..لا توقفني
واعيك ...(غافي حزن) يالغافي الواعي





اجهلك.. واعرف .. كثر ما اجهلك ..تعرفني
الحزن طبعي ..واشوفه أجمل اطباعي





الجرح يظما ؟ وانا الاوجاع تنزفني؟!
وشلون يظما. وانا (الما) يشرب اوجاعي

صح لسانك ويعطيك العافيه

اخوي ساري صح لسانك

بيض الله وجهك وما قصرت

يعطيك العافيه اخوي ساري .

اخوي ساري صح لسانك

بيض الله وجهك وما قصرت

يعطيك العافيه اخوي ساري .

يا سلام يا أبو تركي

دائماً ما تتحفنا بالجميل والرائع

من مشاركاتك

تسلم يمينك لا هنت

الله الله يابو تركي.. سلمت على ذا النظم ..

صح لسانك اخي الكريم قصيده

في قمة الروووعه والجمال

لاهنت

اخوي ساري صح لسانك