ضيفنا معدي..المرقاب

شاعرنا هذا هو جهة المستحيل من اللغة .. ولهجة النخيل ..مع الريح ...
من هنا يحق لنا ان نبدا ويحق لنا ان لا ننتهي .. اذ انننا امام شاعر الا نهايات ..
من هنا ننطلق مع معدي المرقاب .. نركض في مساحات شعره ..شارعين الخيلات ..معززين شكل الحياة .. تاركين ما تفرضه علينا مقبلين الى ما نفرضه نحن ..
ربما بعد قراءة هذه الرائعة لن تحتاجون الى حفظ هذا الاسم ..
لانه سيرسخ في الذاكرة ويستوطن في قلوبكم ..
ااقدمه لكم بكل فخر ..


شاعر جديد لكنه قديم الغوص في بحور المعاني
قلبه وطن لكل جديد ..
فيه بهاء المطر
وسطوة الرعد
ولمع البرق
ابو محارب ... بقدرته الفذه على صياغة الالم والمحبة ..
يكتب لنا لننغمس في ما يقول ....
ونصبح الاجذل ..
اهلا بك ....... يا منصور اليامي ..

مساء الشوق ومساء الخير ومساء الحب ومساء التحنان=لشمعه عمري امي دم يجري في شراييني
تذكرتك وانا اصلآ مانسيتك يأجمل النسوان=ولك في وسط قلبي بيت لاشعبي ولاطيني
مسلح له قواعد ساسها ثابت وله عمدان=طويله طول الله عمرك وعمر امك سنيني
مثل مالك بقلبي لمك بقلبك وكل انسان=يبر بوالديه تبره عياله قضى ديني
انا لك خادم إلا في قدمك الطاهرة حذيان=الا كم نفسي آشوفك وكم نفسي تظميني

||[ ليـــلة الجمعــــة ]||

'

الله أكبر ' يوم عيني شافت اللي غربلتها =فجرت صمت المشاعر دمع من فرحة لقاها
شافت اللي حيرتها واذهلتها , واعجبتها =صورتن من كثر ماهي حلوة اغراها حلاها
بعثرت نظراتها , واستجمعتها وارسلتها =للجفاف , وتاب , واعلن توبته واروى ضماها
من غدير اوصافها اللي فاض من بين اسورتها =وانحدر سيله على قاع المعاني وارتواها
ذنبه إنه ماعرف وش فرقها عن صاحبتها =وعذره إن اجمل ذنوبه يوم طول في جفاها
غلطة الشاطر عظيمة لوتهاون عاقبتها =لازم انه يعلن التوبة ويقلع عن خطاها
ما درى عن ليلة الجمعة ولا عن فاتنتها =يوم كانت تفتخر بمسامرتها , واتباها
فاحت السهرة بعطر انسامها لين احتوتها =وردتين المزهرية ,, واطلقت زفرة شذاها
لو نست منصور والغت سيرته من ذاكرتها =والله ان تبطي على باله ويبطي مانساها
صورت حلم الفراشة في عيونن كحلتها =- سود المنايا - ثارت ودارت , رحاها
سيف عنتر ,, لو يجاريها ويعرف سالفتها =نوخ ركاب المطايا واسرج الخطوة وراها
والله إني شفت حاجة مابعد عيني رأتها =واستحى منها السحاب وذوب الثلج بشفاها
والحقيقة , قبل اشوف بعيني اللي غربلتها =كنت مدري بس كانت ضيقتي تاصل مداها

انكسار الدموع

واعيني اللي براها الشوق واتعبها =ماعاد للنوم في ساحاتها خانة
أشباح ليل السهاد البيض ترعبها=وترد عن نومها مزلاج بيبانه
طعنة رماح المساء تغتال مطلبها =باحلام رجوى المنام لعين سهرانة
تسهر وكن الظلام امسى يخاطبها=ويقول: مافيه نوم بعظمة لسانه
فاضت عيون السهر من فوق حاجبها=تروي ضما ليلها بدموع ضميانة
هذا بعض ماجرالي من سبايبها=والخافي اعظم والاعظم منه كتمانه
من يوم غابت عن الساحل مراكبها=وامواج بحر الهوى تغرق بطوفانه
شدت مظاعينها ،،، واقفت ركايبها =مع صوتها والخريف اهتزت اغصانه
وزمت حمول الليالي فوق غاربها =وابعاد حزني ، مداها ضاقت اركانه
صبح <انكسار الدموع> الزرق واكبها =يقطف زهور الربيع ، ويطفي الوانه
قولوا: لها اني بعدها صرت مخربها=مافيه شي يستحق احيا على شانه
غابت وشابت رموش عيون غايبها=والنفس مستسلمة للجوع والهانة
حديت نفسي على اللي مايناسبها=وصبري تعدى الحدود ومال ميزانه
واذني نست صوتها اللي كان يطربها=لا والله الا عليها صعب نسيانه
عشرين يوم ارقب الميعاد وارقبها=من مطلع الليل لآخر شمس ولهانة
قولوا لها مشرق الدنيا ومغربها =خالف ضلوع الزمان وضاقت اركانه
شفت بحياة الشقا ثامن عجايبها =وعودي نحل وانتحل شخصية احزانه

وسلامتكم
معدي المرقاب

السلام عليكم ورحمة الله وبركاته
وعليكم السلام ورحمة الله وبركاته



صح لسانك يامعدي


وتسلم يمين الشخص اللي عرف فييييييييييييييييييييييييييييييييك

في نظرك .. هل فعل خيرا من فرض المادة في الشعر؟؟
علما انها فرضت قبل 45سنه وكانت بـ100ريال

........................
ما مدى تاثير عمل كمربي اجيال على شعرك والعكس ...
وهل يتابع طلابك ماتكتب .. ويفاجونك بما يكتب عنك ....

..........................

ما قصت الملهمه ؟؟؟؟؟؟؟ وما مدى تاثيرها بصراحه على الزوجه ..

هل ترى الاعلام الخليجي يخدم الشاعر؟؟
وما رايك في قناة الواحه ..


بصـــــــــــــــــــراحة.. هل وجه لك انتقادات ... ماهي
من في نظرك من الشعراء غير خريطة الشعر...

............................


لماذا يستبد الغزل بنصيب الاسد في قصيدة اليوم اين الاغراض الاخرى ؟؟
هل تخدم القصيدة القضايا الاجتماعية ؟؟ ام انها فقط تشهير..

ابراهيم الله يحييك وسط بيتك .. وياهلا بتواجدك اخي الكريم ...

بكل شرف بكل معاني الاخاء اقول لك اخي الحبيب تسلم ويسلم راسك

لافضى فوك

وبارك الله فيك

اختي

المستحيلة

نرحب بضيفك وضيف بني شداد

الشاعر

ابو محارب

معدي المرقاب

نقول له اهلا وسهلا

ونشكرك على المقدمه الترحيبيه

ونشكره على امتاعنا بما نظم من قصائد ونسعد ايضا بوجوده بيننا بهذا المساء الجميل

وكلنا شوق لمشاهدة حروف قلمه وهو يتناول الحديث عن ماطرحت عليه من اسئله

فاهلا وسهلا بك ياابا محارب

والشكرموصول لك اختي العزيزه

تحياتي

صح ألسان الجميع أختي المستحيله دائم متئلقه ومتميزه والله يحيي الجميع

ياهلا والله بمعدي المرقاب

حياك الله معنها وصح لسانك على هالقصايد الأكثر من رائعه

سنتابع معك اختي المستحيله وسيكون اللقاء جميلا مع ضيفنا .