تحدي لبعض شعراء وشاعرات المنتدى

هيضتني ياعيد ما عاد يعتاز=عرض المعاني ينتظر سمع إعازه
من شاعرٍ لوجازو الناس ماجاز=ولا وثقت سود الليالي حجازه
إلا الأمام وسير ياقاف بإعاز=واللي يعمل الطيب بالطيب جازه
شاعرك عن نطح المقابيل ماحاز=سيفٍ وذاخره الكفو لأعتيازه
متسلسلٍ من روس وافين وعزاز=با الله وربعه ما يعيب أعتزازه
مافوق راسك راس وإعجازك أعجاز=وإن عجزو شاعرك ياقاف عازه
منصاك ابن عم ودرع جنب وعناز=ماهوب خبلٍ ينتعكز عكازه
نصاك الي وأنصه على أحدث طراز=من واردٍ توه تصدر طرازه
أخر مديلٍ فالكازز ويمتاز=بالعزم والسرعه وصعب أحتجازه
كنه ليا قام أيتفزز تفزاز=شيخٍ لقى ضيفه بداره جنازه
تحزم وعزم وهدر الدمى جاز=جايز بسلمه لو مالله أجازه
ماهوب من شلة فطيره ومزاز=ولاهوب خبلٍ راس ماله نعازه
تغانمه ساعة ذكر سيف وحجاز=ثمٍ نقر زر أشتغاله وحازه
يرمي على ذراعه ومن غير معناز=ويطرد تقول أمهربله حيازه
يلفيك ياعيد بتفاصيل وإجاز=وإن كنت شاعر مايغرك إجازه
لاتبتدي حربٍ مثل حرب الأهواز=وتقول لا أضطريت بأخذ إجازه
ماني بهمازٍ ولاني بلماز=ولاني بمن يسهل عليك أبتزازه
خلك حذر وإباد من صنع شيراز=وتاقع بضهران الجنوب المجازه
أخطيت لأكنك تفاخر بالإنجاز=ومن الجهل تقنص بوسط المحازه

والمعذره على التاخير
لأن جهازي كان خربان
صايبه فيروس
هههههه

صح لسانك يابو ضاوي

وافي وماقصرت

بنتظار الغربي

صح لسانك يابوضاوي

قصيده جزله من شاعر جزل

والله لايهينك

صح لسانك وعلا شانك يا ابو ضاوي

قصيده جزله من رجل جزل

والطيب ما هو بغريب عليك


لاهنت يا الذيب

		المشاركة الأصلية بواسطة : نايف بن شداد اقتباس
	والريم إن كانت لعوبٍ للحراميّـه خلها على فالها واحرق عرايشها صح لسانك يابنت حمران النواظر بيت رائع ويعتبر حكمة لازوردية

صح بدنك يانايف بن شداد

شكراً ع اطرائك اللطيف

ممنونة لك

		المشاركة الأصلية بواسطة : نايف بن شداد اقتباس
	صح لسانك اخوي الغربي ولديك مخزون شعري هائل ونتمنى لك التوفيق ان شاء الله ابيات رائعة ومعاني متنوعة وجس نبض منك لشعراء المنتدى دمت بخير

صح بدنك يانايف ولاهنت على مرورك العذب

تحيتي

		المشاركة الأصلية بواسطة : السلطان اقتباس
	الله الله يا أبو عبيد عز الله إنك عرفت تشغلهم زين وأشغلتهم وهذا الموضوع يستحق أن ينبه عليه مرتين وثلاث وأكثر لجماله وروعة فكرته صح لسانك وعلا شانك وصحت ألسنة شعرائنا هنا وننتظرهم بفارغ الصبر وألف شكر لك

حيااااااك الله يابو عبدالله

وصح بدنك ولاهنت ياطويل العمر

شاكر لك حضورك الراقي

		المشاركة الأصلية بواسطة : تــــرف اقتباس
	مرحبا مسائكم شعر وقصيد فكرة جداً راقيه يالغربي ولاهنت عليها وكثّر من الطفش لاهنت صح لسان كل من حضر وأبدع خلوا ترف ياجماعه تقرب شويه=به قصةٍ ودي اعرفها واناقشها تقدم هنيا مدام السالفه حيه=وانا بصف الحروف بفن وانقشها وابسالك كيف اشد الجام ريميه=المهره اللي تمادت في مطارشها ياترفة مطير اخاف امن الحراميه=تسرق فرس خافقي وانا معيشها صح لسانك ياعيد واستلم : الخيول أنواع والمهره عصيّه = حتى اللجام يخون حزة بطشها والأصيله لاتمادت ابحسن نيّه = ماتسامح من لحقها بسو وناوشها القصه اللي تبي تطلبك ماريّه = ماني على خبركم أفهم وأنبّشها والريم إن كانت لعوبٍ للحراميّه=خلها على فالها واحرق عرايشها

اهليييييييييين ترف

وصح لسااااااااانك ملايييييييين على الرد الرائع

شكراً لك

ودمتي بخير

مسااااااااااءكم خير و سعادة ......حيل أعجبني هالقسم لأنه تحدي منتج و فعال

أبياتي للغربي و أبي رده ْْْْْْْْْْ لا تعصب ههه هذا تحدي


يا حلم المنتظر سنتين
ثلاث سنين و زيادة
تعد و تحسب الميلين
على كيف البشر حده
تبي تنسى ألم عمرين
تنازع بالصبر رده
يا ساري و عابر البحرين
على مهلك من الصده
تركد و اذكر البيتين
حياتك بالأمل وده
ترى مالك من النارين
شرارن يحرق فبرده
كلامن جاك يا مسكين
و قلبك للولي شده

		المشاركة الأصلية بواسطة : السلطان اقتباس
	الله الله على الاحتدام وقوة الصدام إيوه كذا يا أبو عبيد خلَ المواضيع تشتعل وخلّ الردود بين الشعراء تزيد حماستها وتفاعلها صحت ألسنتكم كلكم بلا استثناء

حيااااااااك الله يابو عبدالله

ولاهنت على حضورك ومرورك المميز

تحياااااااتي لك الغربي