اتعبني وفاي

لاتـزيـدي لـوعـتي نـار وضلـوعي حـطـب = ولا تــلـومـيــني وانـا انـسـان اتـعــبـنـي وفــاي
الحقـيـقه خـنجرك مغروز بصدري غصب = احــضـنـه بـيــديــنـي واقــبـلـه ودمــي بــكــاي
اقترب منك تبعدي مدري وش هو السبب = ورغم حلومي والأماني ما جـنـيـت الا شـقاي
انا يوم جـيـت اذوق البحر احسـبـه عـذب = اشـرب امـواجه مـلـح واثـر نـبـضـي ضـماي
بـس تـدرين ما بـهـا الـدنـيـا شـي صـعـب = ولا بـد عـقـب الضـيـق ياتي الفرج يا غـناي
انا ودي اكون الـوطـن ولهـمـومك شعب = وودي تكون عروقك ارضي ورموشك سماي
وودي اتـغـزل واغـني احـسـاسـك طـرب = وارقص واهيـم بعـشقـك وقلبك الغالي دفاي
المشاعر روح تعالي نـحـيا فـيـها ونحب = دام طـيـفـك تــضـمه انـفـاسـي ياغـاية مناي
فهذا انا جـمَعـت لـك كـلي مخـلـص تـعب = بالله يا تـقـتـلـيـنـي قـهـر يا تـمـوتـي مـعـاي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
شعر / مـاجـد الـحـارثـي

صح لسانك ولاهنت على المشاركة الطيبة

تسلمي اختي وشرفني هذا المرور العطر
ولكي كل الشكر

ابويزيد
صح لسانك وبيض الله وجهك
قصيدة جميلة وحضور رائع بارك الله فيك
وتقبل تحياتي

ابو يزيد

صح لسانك وبيض الله وجهك

قصيدة رائعه بمعني الكلمه

مشكوور وفي إنتظار جديدك

ابويزيد فالك الناموس بس لوطعتني وتعشيت عندي البارح
وسمعتني القصيده مكان افضل يابويزيد
لكن واسيني وان بزيد اواسيك

صح إلسانك يا أبو يزيد وبيض الله وجهك ..

اخوي من رؤس بنيوس صح بدنك و اشكر لك هذا الثناء وهذا المرور الكريم
ودمت بالف الف خير

اخوي غريب بدياره صح بدنك والاروع من القصيده هي زيارتك وتعليقك الجميل اشكر مرورك وتقبل تحياتي

اخوي حارثي صح وزدها ممتاز بعد فالك المليون والمعالي
اولا شرفني مرورك الكريم
ومن ناحية العشا انت راعي كرم ومن بيت طيب ومنت محل تجربه ولكن شرحت لك ظروفي وكرما منك قبلتها وابشر بالأسيه وتكرار الزياره لعيونك
فاشكر لك هذه الطله الجميله وتقبل تحياتي