مبروك ابو عبد العزيز

تـسـتـاهـل الاشـراف يـابـن سـليـمان = سـعـود والـلـي يـعـتـزيـبـه سـعـوده
شاعر يـصـوغ البيت ويجيـد الاوزان = وكـل الـنشاما في المواقف شهوده
اقـول لـك مبروك مـن قـلـب ولـسـان = شـاعـر ومشـرف نفتخـرفي وجوده
اطـلب لـك التـوفيق من قاضي الشان = ومـن يـجـتهـد مـاضـيع الله جهوده
ومشكـور يا راعي المواجيب سلطان = سـيـرتـك مع كـل الـرجال محمـوده
بــنـيــت لــك مـبـنـى وثـبــت الاركـان = فــي مـنـتـدى راقــي وكـــل يـــروده
واخـتـرت لـلاشـراف ذربـيـن الايمان = اعـضـاء عـلـى درب المعـزة تقوده
تمشي السفينة في البحروانت قبطان = وزرعــت لـك بـسـتـان تثـمر وروده
وحـنـا على يمناك صـدقـان واخـوان = والـبـيـت مـايـنـهـض بـه الاعـموده
واخـتـامـهـا صلـوا على نسل عدنان = مــا لااح بـــراقِ ودنــــت رعــــوده

صح لسانك اخوي محمد

وسعود يستاهل كل خير

لك كل التقدير

سعود يستاهل كل خير

شاعر كبير ومشرف سيكون رائع جداً

صح لسانك يابو سعد وبيض الله وجهك

تحيتي

بيض الله وجهك وصح لسانك يا أبو سعد

وسعود يستاهل كل خير والله يوفقه ويعينه على الإشراف

أبو سعد الله يبارك فيك..


ومرحبا مليون ،،

وأنتظر مني رد

يا مرحبا يا أبو سعد ويا هلا بك

وصح لسانك ولا عليك زود يا شاعرنا الكبير

وأبو عبدالعزيز يستاهل وكفو والله

وأنت بعد من رجال المنتدى اللي لهم رأيهم وكلمتهم عندنا

والله يطول عمرك ويرفع مقدارك يا طيب الفال

كيبورديه،، مستعجله..انشاء الله مايكون فيها أخطاء
رداً على الشاعر محمد سعد ...

تستاهل الامداح يأبن طهيفان=يادرع جنبي ياذراه وعضوده
ياشاعرٍ يلعب على كل الالحان=حرار شعره مطلقه ومهدوده
أنته كحيلان الشعر ياكحيلان=ترد على جمه وتشرب عدوده
وزودٍ عليها زينك خلق وايمان=وموزون هرجك ماتجاوز حدوده
خلك معي// والصقر من غير جنحان=مثل الاسير اللي تعوقه قيوده
البني مايصلح على غير سيسان=والكفو يخسر لاتراخت زنوده
فالموقف اللازم وحزات الاكوان=يبين نقص الرجل ويبين زوده
رجال تدفع فيه غاليت الاثمان=فهد الفهود اليا تنادت فهوده
ورجال مثل الدان ياليل يادان=اليا أحتمى الميقاف باحت سدوده
ورجال يبرز يوم روغات الاذهان=اليا أشتعل يفوح مسكه وعوده
وسلطان عمّر للشدادين ديوان=وحنا شركاه وجدنا مع جدوده
ليا قال تكفا قلت تبشر ياذيبان=السهم لو يركد عليه صعوده
ولا لا تبارك لي على كل ماكان=المنتدى أنا واحدٍ من جنوده

صح لسانك يابن سليمان على الرد الجزل

ومحمد يستاهل

وبيض الله وجيهكم ياشعرائنا

ورجال مثـل الـدان ياليـل يـادان=اليا أحتمى الميقاف باحت سـدوده

بيت اعجبني حيل يابن سليمان

وجاءعلى منوه الكثير

تحياتي الغربي

صح لسانك اخي ابو سعد

وصح لسانك يابن سليمان الله لايهينكم

على هالقصائد الراااائعه

كل الود

يستاهل الاشراف ابو عبدالعزيز والله يوفقه
صح لسانك ابو سعد على هاذه الرائعة
وصحيت ابو عبدالعزيز
وانتظرو المجاراه ...