مداهيل الحرف

ارحب يابن مهرس مملكة عامرة بجمال حرفك وجزالته
وعساها شاهده لك ليس عليك
متابع بلا شك
تحيتي لك

		المشاركة الأصلية بواسطة : محمد المريري اقتباس
	فيصل بن مهرس راح اكون من المتابعين لمملكتك وما تطرحه هنا لأني اراهن على طرحك الجميل تقديري

ارحب يا محمد

ومتابعة اللي مثلك وشرواك تشرفني طال عمرك

وشكراً على المرور

		المشاركة الأصلية بواسطة : بدر الشدادي اقتباس
	ارحب يابن مهرس مملكة عامرة بجمال حرفك وجزالته وعساها شاهده لك ليس عليك متابع بلا شك تحيتي لك

مرحبا والله ومسهلا

وتشرفني متابعتك يابن العم

والله لا يهينك

يا عزتي للي تولع بالأجناب= ياعنك ما في حب الأجناب خيره
يا قلب ما تقنع ترى خاطري طاب= عرضتني عوج الدروب العسيره
أنا من اعراب ٍ وخلي من اعراب=غريب وابغى لي غريب ٍ بديره
عزالله اني طحت في حبل الانشاب= ولا لي على الأجناب درب وبصيره
لا عاني ٍ يلزم ولا جيرة أطناب= وش ولع القلب الشقي في منيره
وإن جيت ارود صويحبي ضاف الاهداب= صاروا بني عمه لعيني نحيره
يا قلب لا تجهل وكب التعذاب=مالك ومال امبيحات السريره
ولا في هوى الاجناب ياكود الاتعاب= وأنا تعبت ولا حصل لي بريره

أنا كنت احسب إن الهوى تسليه ومزوح= واثاريه سم ٍ يذبح الرجل ويعوقه
يخلي الرزين يخف ويشكي خلاج الروح=ولا يذبح العاشق سوى بعد معشوقه

البندق اللي في المرامي ما تصيب=ياعنك يا نقالها ماله عقل
مثل الذي قام ايتعزوى بالقريب= لكن ظنه في قريبه ما حصل
أحسن له يلاحي الذيابه بالقنيب= لا صار ماله لا شداد ولا جمل
واللي يبا من طافي النيران طيب=والله ليبطي جرح قلبه ما اندمل

أنا يوم أسج الرجل وابدي الرجوم اعصير= بلاي الهموم اللي بصدري يلجني
تفرق همومي لا بديت الحجاء يا منير= وقعدت اتسلا بالتماثيل واغني
وأنا لا نشدني واحد ٍ قلت حالي بخير= وأنا والله إن هموم الأيام يبرني
لكني على ضيم الدهر مثل ضلع النير= صبور ٍ وضعف النفس ماهوب لي فني
وأنا ارجي ولي العرش ما قد رجيت الغير=عزيز الجلال وفيه ما يختلف ظني
والا يالله إني طالبك يا مقل الطير= تغفر الذنوب اللي عليه وأعف عني
ومن هول ميقاف الحشر جيرني يا مجير= وفي جنة الفردوس يالله تدخلني

أنا يا هلي والله ما عادني ببخير =ولا جيت ابا اصبر زايد الصبر ما اطيقه
حداني الزمان وعزر الوقت بي تعزير =وعزي لقلب ٍ يابسات ٍ معاليقه
ولا لي جدا غير ابدي الرجم وقت عصير =وألاحي حمام الورق وألعب طواريقه
تحدتني الأيام واسرف بي التفكير=وأكن الحزن واخفيه داخل صناديقه
ولا ناموا السالين كني بحامي الكير =واسامر نجوم ٍ في السماء دايم امويقه
ويا تل قلبي تل دلو ٍ من اقصى البير = يتله غلام ٍ مونس ٍ بالصدر ضيقه
على صاحب ٍ حبه بوسط العروق ايسير = أبو لبة ٍ مثل القمر في تباريقه
والا يا حلي اللي ليا اوحى الحساس ايذير =عنود المها اللي راتع ٍ في زماليقه
احبه ومن حبه غدا لآهله تقدير = ومن اجله حشمنا كل نجد ومخاليقه
اباه ويباني مار جاء في الوصل تكدير = وكل ٍ حصل له ظرف عن خله ايعيقه
سقى الله وقت ٍ فات يوم الأمور بخير =قبل لا يغربلنا الزمان وتعاويقه
بعيد ٍ عن العذال والكذب والتزوير = زمان ٍ مضى لأهل الهوى فيه تشويقه
لكن الرجاء باقي مدام الطيور اتطير =وعسى الله يجمع كل عاشق بعشيّقه

أنا ما ذبحني غير يوم العشي مريت = مداهيل حي ٍ بالمودة مصافيني
وياليتني ما جيت مدهالهم ياليت = تذكرت وقت ٍ فات واسترسلت عيني
لقيت الديار اخلي ومن شوفها انضريت =ماغير الحمام يجر فيها التلاحيني
سقى الله زمان ٍ يوم ألاقيه لامن جيت =وانادي على خلي وخلي يناديني
لكن الليالي شتت شملنا تشتيت = تنحا وأنا عنه تنحت بي اسنيني
وانا يعلم الله ما نسيته ولا سجيت =وعليه الغرام وزايد الشوق طاويني
ولامن ذكرت الترف ضاف الهدب ونيت =ونين الطريح اللي ضرب له برمحيني
تكالت عليه الخيل ولا فاده التصويت = وخلوه ربعه في نحور المغليني
وأنا لا سمعت احد ٍ يطرّي الغضي فزيت = احبه واحب اللي يطريّه بالزيني
غرامه برى حالي وجرّعني الحلتيت = ومن سبته شفت العناء والتغابيني
ولامن غفت عين المخاليق ما غفيت =تقول الملايل تلتهب في حجر عيني
حداني الزمن عن صاحب ٍ في هواه ارهيت = ولا لي رفيق ٍ في زماني يشكويني

الا وا عذابي منك يا شمعة الحيين=وراك اتغلا يا بعد كل حيّاني
أنا احسبك وافي يوم حنا معك وافين= واثاريك يا سيد الغنادير خوّاني