طحاطيح العرب

اخواني واخواتي اعذروني على الاطاله لضروف خاصه ولكم جديدي اتمنى ان يشفع لي في غيابي واتمنى ان يحوز على رضاكم ويرتقي لذائكتم...

واعذابي لقبل الليل جلاب الهموم=قمت اسامر ليلتي باالدموع المذرفات
حالي اللي صابه الهمّ لحدٍ له يلوم=العلوم وّقعها مثل وقع الصاعقات
كم رفعنا من صديقٍ ليا حد الغيوم=النوايا طيّبه ماعلمنا الخافيات
ونكتشف من طيبنا قد سقينا هاالسموم=ابتسامه خادعه والليالي كاشفات
اه ليت قلوبهم شبهها شبه الرسوم=كان والله سالمه هاالعيون الساهرات
والنوايا ليتها باالجباه وباالختوم=كان والله هاالصدور وخفاها سالمات
وكان ماشفت النشاما تطيح الها العزوم=يوم مطنوخ العرب ضاق من كلّ الجهات
وياوجودي وجد عودٍ حلم في هاالحلوم=شاف حلمٍ موعده فااليال القاسيات
قال من لي عقبكم الخدوم اللي يدوم=لي تعالو ياهنايه سنيني جايرات
المصايب من جهه واختها رز الخشوم=مالقيت بدنيتي غير طعنٍ موجعات
لاصديق ولا ونيس بزماني غير قوم=محريٍ باالخير ليت الظنون وصايبات
قبل مدّه مالها لا شبيهٍ فاالعموم=وباالاخير وبينت اه يا بعد الفوات
صاحبتني اثرها للمصالح هاالرخوم=ويوم ظهري انحنى مالقيت مساندات
ومدّ يدّه ثمّ قال المراره والحزوم=صحبة اللي صابه الوقت عينه ماتبات
اكتم العبره بصدري عذاب اللي كتوم=كلّ شيّ يضيق بي لو قصوري واسعات
ثمّ فزّ وحالته حالت اللي مايقوم=قال ويلي ياعرب فاالسنين الماضيات
قد لقينا اللي حصل والحصيل اللي بيوم=حادثٍ قد صابنا لا عيال ولا بنات
حالتي هي حالته قيسوها ياقروم=قد وفينا مالقينا وربّ الذاريات
غير ناسٍ جاحده لو تستّر باالهدوم=ماستر لي عيبها هاالوجيه الخايبات
عرّضوني لشقا وطرحوني باالسهوم=كيف لالا والعدو خابرٍ له نافذات
والله انّي من رجالٍ علت فوق الرجوم=والله انّي للعدا مثل ضرب الطايرات
مير منهو صادقك لا بغى شنّ الهجوم=عارف اللي يمرضك قادر يسبّب شتات
انتبه لي واستمع من هجوسٍ هي تعوم=في بحورٍ بامر ربّي تصوغ القافيات
المحبه واحترس ما على حبّ الخشوم=المواقف كاشفه تظهر اللي خافيات
قيس منهو رافقك عرّضه صعب اللزوم=الرفيق امن العدو تظهره هاالملزمات
ان ظهر مظهر عدو ناصحك منّه تشوم=حاجتك لو هي بدينه عطايا موهمات
كيف ترجي لك عطا والعطا من هاالرخوم=كيف تطرد لك سرابٍ مصيره زايلات
وان ظهر مظهر رفيقٍ لقيته لك خدوم=احفظه بين العيون انتبه من قيل هات
والله انّه كنز لك خير صاحب هو يدوم=ونادرٍ تلقى الصحيب ابزمان المهملات
وياطحاطيح العرب ياملازمة السلوم=يامخلّدت السير باالعلوم الغانمات
الزمان اللي حضرته علومٍ في علوم=النوايا مخلفه والعلوم مصلّحات
ليتنا ياالغايبين ابزمانٍ مايسوم=باالكنوز الهايله لو كفوفٍ مرجحات
الصفات انعدها مير نغلط باالرقوم=كيف لا نغلط وحنّا انتنومس باالصفات
الزمان وقد على يوم كلٍّ هو خدوم=يوم كلن هو يسابق ببذل المنفعات
وفاالمجالس سابقين الخويّ ابن القروم=الجمايل ذكرها والعيوب وساترات
صار كلن يمدح اللي قفى عند العموم=باالعلوم الطيبه ياالنفوس الطيبات
كيف لو جيتو زمن كلّ دربٍ به عقوم=كلّ عقمٍ مهلكٍ في خفاه المهلكات
الخويّ و خوته مثل والله من يسوم=لا طرى له بيعته باع بيع المرخصات
وفاالمجالس تبحث العيب تاكل فااللحوم=العيوب وذكرها والفضايل منكرات
مير عندي قاعده الصقور اللي تحوم=الكلاب النابحه ماتضرّ العاليات
واختتامي طالبك ياعظيمٍ هو يدوم=حاجتينٍ كافيه ياجزيل المعطيات
الرفيق اللي ظهر من رجالٍ هم قروم=تجعله دايم ذخر في نزول النايبات
لا طلبنا قال لي ماخلقت الا خدوم=وحاجتي يدريبها قبل عيني ما تبات
لي لزومٍ يقتضى لو صعيبات اللزوم=وله عهد في وقفتي فاالسنين الجايرات
وحاجتي فاالثانيه ياعليمٍ بي بيوم=كاس مرٍّ شاربه لو حصوني مانعات
ساعةٍ فاالمغسله يوم شالو هاالهدوم=وقت مالي لا قريب القرابه قاطعات
تغفر اللي قد جنيته خفى والا عموم=ياعظيمٍ عالمٍ ماتكنّ الخافيات
وتجعل اللي ذاخره فاالليالي هو يدوم=داعيٍ له في صلاته ونيس الموحشات
وياصلاتي لنّبي عدّ ما بانت نجوم=خير من ارسل وبلغ نبي المعجزات

ارحب ياشاعرنا احمد
لوحه شعرية معبرة تفرد لغة شاعرها
تسلم يمناك وصح منطوقك
والله لايخيب لك رجاء ولايخيب لك هقوة في خوي

تستاهل التنبيه

سلمت يدآااك اخي الفاضل وبارك الله فيك

		المشاركة الأصلية بواسطة : احمد الروقي اقتباس
	الرفيق اللي ظهر من رجالٍ هم قروم=تجعله دايم ذخر في نزول النايبات لا طلبنا قال لي ماخلقت الا خدوم=وحاجتي يدريبها قبل عيني ما تبات لي لزومٍ يقتضى لو صعيبات اللزوم=وله عهد في وقفتي فاالسنين الجايرات وحاجتي فاالثانيه ياعليمٍ بي بيوم=كاس مرٍّ شاربه لو حصوني مانعات ساعةٍ فاالمغسله يوم شالو هاالهدوم=وقت مالي لا قريب القرابه قاطعات تغفر اللي قد جنيته خفى والا عموم=ياعظيمٍ عالمٍ ماتكنّ الخافيات وتجعل اللي ذاخره فاالليالي هو يدوم=داعيٍ له في صلاته ونيس الموحشات وياصلاتي لنّبي عدّ ما بانت نجوم=خير من ارسل وبلغ نبي المعجزات

بيض الله وجهك وصح لسانك حتى ترضى
اهنيك اخي احمد على ما انت عليه
وبالتوفيق

وافي وراعي وافيه وبيض الله وجهك يالنشمي .
احييك على هذا العطاء الشامخ .
صح لسانك وارتقى بيانك .

صح لسانك
وعلا شانك
ولاهنت أخوي
على القصيدة الجزلة

شاعر جزل يا أحمد صح لسانك

تحياتي وتقديري

مبدع ومتميز
وشاعر كبير ومتمكن أخي أحمد

تسلم يديك والله يعافيك
وألف شكر لك وصح لسانك
ونتمنى أن تعود لنا كما كنت سابقاً

صح لسانك ودام هتانك ورفع شانك
جزل شاعرنا ولا اظن من كلام ينصف شاعريتك وروعة كلامك
كملك الله بدينك وعقلك منطقك سبكك وحبكك ماشاء الله تبارك الله
كي لا تقول اصبناك بعين بنتظار الابداع من راعية وصاحبه

الشاعر احمد
صح لسانك
لاهنت
ع القصيدةالجزلة