الطيش

بشويش روحي واترك القلب بشويش=مثلك مع الايام بنسى غرامه
مع السلامه سامحيني على الطيش=ان سوات الى صحى من منامه
الحب ذا الايام ماعاد به عيش=يفقد عزيز النفس فيه احترامه
وانا كبير ولابتي تنطح الجيش=الهم على وجهه المعادي علامه
ماموت من فرقاك وان مت حت ايش=احسن لي ادفن ماكسبت الملامه
حنا بدو ماتفترسنا الخفافيش=نموت من دون الشرف والكرامه
وعقلك ردي وفيه لفه وتشويش=والرجل مثلي عنك يرفع مقامه
عيشي مع العالم وانا مثلك اعيش=اليا افترقنا ماتقوم القيامه
وبشويش روحي وترك القلب بشويش=اذا افترقنا ماتقوم القيامه

ماضي الشدادي


الله عليك ياخوووي

صح لسانك ملاااااااااين على هذه الرائعه

التي يتجلا بها الشموخ والعزه لاهنت ودمت تقبل ودي

برق الوســـــــــــــــــــــــــــــــــــــــم

وانا كبير ولابتـي تنطـح الجيـش الهم على وجهـه المعـادي علامـه

ونعم فيهم وصح لسانك

وربعك يستاهلون اكثر من بيت

قصيده تدل على العز والشموخ ورفض اخضاع الذات

صورتها في صوره جميله وصلت الى قلب المتلقي

من دون وسيط

بيض الله وجهك

صح لسانك وعلى الثانيه عانك

تقديري

قلّم

ماضي


صح لسانك على هذا النص السلس


حوار جميل وحروف عفويه ابتعدت عن التصنع و التكلف


ولاكن الا ترى ان البيت

مع السلامه سامحيني مـع الطيـش ان سوات الى صحـى مـن منامـه


لو قلناه
مع السلامه سامحيني على الطيش انا سواة اللي صحى من منامه

ما كان افضل؟

عزيزي برق الوسم يكفيني من قصيدتي ردك عليها

اخي الشدادي لك جزيل الشكر ويكفي ربعي انك واحد منهم

القصيدة اطول من مانشر والبيت الصحيح هو اقتراحك واعتذر عن الخطا الاملاي:

بيض الله وجهك يا أبو ثامر والله يطول عمرك

نحسب إن القصيدة ما غير بيت واحد

والآن أقول لك صح لسانك ولا هنت بعد كل هذي الغيبات

ونتمنى تواصلك معنا ونقل نسخة من القصيدة للديوان الخاص بك

الحب ذا الايـام ماعـاد بـه عيـش=يفقد عزيـز النفـس فيـه احترامـه

توصيف رائع وفي قمة الروعة

قصيدة تلامس الحال هذه الأيام حال الحب وحال المحب

صح لسانك أخوي ماضي ولانقتصر عند هذا الحد

ونتمنى المزيد من روائعك الجميلة