مستعار

الجديد وكان ينتظرها ابو عبد الله لعيونه ولعيون الطيبين اللي شرواه واتمنى لها القبول

يالله اني طالبك يا مصرف من نوى=كيد في خير البشر مع صحيبه وسط غار
صرف اللي ضحكته هي تخالف ما حوى=يوم يضحك قدمنا والقفى عكس المسار
ليت يوم الناس في علمنا ما هي سوى=بان وسمٍ في وجيه العرب يجل الستار
كان ماالطيب شكى يوم يبحث لدوى=من وجيهٍ صادمه يوم حاله في دمار
وانت ياللي منخدع لا تحسب اللي عوى=ذيب والا تحسب الحر من نسله حرار
عزتي لك يوم طاحت عزومك والقوى=قدم من شلته بعينك ووجه مستعار
ما نلومك لا ضوى قلت حي اللي ضوى=طيبك اللي ما يفرق حبيّب من ذعار
جاهلٍ باالوقت ما تدري ان بعض الكوى=مقبره تدفنك والا على طول لشهار
لاكن افطن في ختامي ترا وادي بوى=ما صفالك لو صفى يوم واحد باالنهار

وسلامتكم جميع ,,

الله عليك

صح لسانك

ابداااااع

يالروقي

صح لسانك على نظم القصيدة والأبيات

مع تحياتي وتقديري

الله الله
نعم بالانتظار دائماً ويسلم قافك
يا أبو سلطان
وبيض الله وجهك

.




مِقبرّة تِدفنكْ وَ إلا علىْ طوُلْ لِشهَار
بَاذِخ وَ أكثَّر وَ يُسوُىَّ لُه مُعلقَّة

حيّاكْ الله وَ شرواكْ الطيبْ يَ الروُقيْ
وَ صَّح الله بوُحكْ وَ يسلَّمْ قافكْ وَ زاخِر شعوٌركْ الدائِمْ .

صح لسانك
يــ احمد
نص جميل
دمت
بخير

		المشاركة الأصلية بواسطة : شمس المدائن اقتباس
	الله عليك صح لسانك ابداااااع يالروقي

شمس المدائن

صح بدنكي ولا هنتي على المرور الجميل والابداع لايكتمل الا بتواجدكم

		المشاركة الأصلية بواسطة : رعد الجبوب اقتباس
	صح لسانك على نظم القصيدة والأبيات مع تحياتي وتقديري

اخوي رعد صح بدنك ولاهنت على مرورك العذب لا حرمنا منه ياالامير وشكرا لقلبك الطاهر

		المشاركة الأصلية بواسطة : السلطان اقتباس
	الله الله نعم بالانتظار دائماً ويسلم قافك يا أبو سلطان وبيض الله وجهك

ارحب والله يابو عبد الله منور والله ياالامير ومن قال سالم ووجهك اابيض وصح بدنك لا حرمنا مرورك الجميل

		المشاركة الأصلية بواسطة : ! سارة الغيد ! اقتباس
	. مِقبرّة تِدفنكْ وَ إلا علىْ طوُلْ لِشهَار بَاذِخ وَ أكثَّر وَ يُسوُىَّ لُه مُعلقَّة حيّاكْ الله وَ شرواكْ الطيبْ يَ الروُقيْ وَ صَّح الله بوُحكْ وَ يسلَّمْ قافكْ وَ زاخِر شعوٌركْ الدائِمْ .

هلا بمشرفتنا المتالقه ساره الغيد صاحبة القلم المميز صح بدنكي واشكركي على المرور والتعليق الجميل لا حرمنا منه